ຄ່າຝາກລົດໃຫຍ່ບຸນພະທາດສີໂຄດຕະບອງ ຄັນລະ 40,000 ກີບ

ລາຍງານ 17 ກຸມພາ 2019: ໃນສື່ສັງຄົມອອນລາຍມີການເຜີຍແຜ່ພາບຖ່າຍປີ້ຝາກລົດໃຫຍ່ ໃນງານບຸນນະມັດສະການພະທາດສີໂຄດຕະບອງ ແຂວງຄຳມ່ວນ ທີ່ຈັດຂຶ້ນໃນລະຫວ່າງວັນທີ 14-19 ກຸມພາ 2019 ນີ້, ມີການເຈັບຄ່າຝາກລົດໃຫຍ່ສູງເຖິງຄັນລະ 40,000 ກີບ, ອັນໄດ້ກາຍເປັນກະແສວິພາກວິຈານໃນສັງຄົມອອນລາຍເຖິງຄວາມເໝາະສົມ.

ເຖິງຢ່າງໃດກໍ່ຕາມ, ເມື່ອວັນທີ 8 ກຸມພາ 2019 ທີ່ຜ່ານມາ, ອະນຸກຳມະການປ້ອງກັນບຸນນະມັດສະການພະທາດສີໂຄດຕະບອງ, ກອງບັນຊາການ ປກສ ເມືອງທ່າແຂກ ແຂວງຄຳມ່ວນ ໄດ້ອອກແຈ້ງການ ເລື່ອງລະບຽບການບໍລິການຝາກລົດ ໃນຂອບເຂດງານບຸນພະທາດສີໂຄດຕະບອງ ປະຈຳປີ 2019 ກຳນົດໃຫ້ເກັບຄ່າຝາກລົດໃຫຍ່ຄັນລະ 20,000 ກີບ, ລົດຈັກຄັນລະ 10,000 ກີບ ພ້ອມທັງເຕືອນຫ້າມບໍ່ໃຫ້ເກັບເງິນຄ່າຝາກລົດເກີນລາຄາທີ່ກຳນົດ ຫາກລະເມີດຈະຖືກເຈົ້າໜ້າທີ່ສຶກສາອົບຮົມ ຫຼື ໃຫ້ຢຸດເຊົາການບໍລິການຝາກລົດ, ສ່ວນຄ່າສຳປະທານຍັງບໍ່ມີການເປີດເຜີຍຈາກພາກສ່ວນທີ່ກ່ຽວຂ້ອງ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube