ດ່ວນ…! ມີການຄົ້ນພົບໄຫຫິນແຫ່ງໃໝ່ ທີ່ຊຽງຄົງ ແຂວງໄຊສົມບູນ

ລາຍງານ 8 ພຶດສະພາ 2019 ວ່າ: ທ່ານ ຄຳຜ່ານ ອຸດສີບຸນມີ ວິຊາການຂະແໜງທ່ອງທ່ຽວ, ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງໄຊສົມບູນ ໄດ້ໃຫ້ຮູ້ວ່າ: ມີການຄົ້ນພົບໄຫຫິນ ຢູ່ເຂດບ້ານຊຽງຄົງ ເມືອງທ່າໂທມ ແຂວງໄຊສົມບູນ ຢູ່ຫ່າງຈາກເທດສະບາຍເມືອງທ່າໂທມ ໄປທາງທິດຕາເວັນອອກປະມານ 65 ກິໂລແມັດ ແລະ ຫ່າງຈາກບ້ານຊຽງຄົງ ປະມານ 15 ກິໂລແມັດ ໃຊ້ເວລາຍ່າງເຂົ້າເຖິງປະມານ 3 ຊົ່ວໂມງ ໂດຍການພົບເຫັນຂອງທ່ານ ຄຳຫຼ້າຊົງ ແລະ ທ່ານ ຕູ້ວາງ ປະຊາຊົນບ້ານຊຽງຄົງ.

ໄຫຫິນທີ່ພົບເຫັນມີປະມານ 30 ໄຫ, ສ່ວນຫຼາຍເປັນໄຫນ້ອຍຖືກທຳລາຍ ແລະ ເປເພເປັນສ່ວນໃຫຍ່, ມີບາງໄຫເທົ່ານັ້ນທີ່ຍັງຄົງສະພາບເດີມ ຕາມການໃຫ້ຂໍ້ມູນຂອງຜູ້ພົບເຫັນໃຫ້ຮູ້ວ່າ ຍັງມີໄຫຫິນອີກຫຼາຍຈຸດ ແຕ່ທີມງານບໍ່ສາມາດເຂົ້າເຖິງໄດ້.