ອາຊຽນຈະຮ່ວມກັນຊຸກດັນ ໃຫ້ຂໍ້ຕົກລົງຮຸ້ນສ່ວນທາງການຄ້າລະດັບພູມມິພາກ ບັນລຸຜົນພາຍໃນປີນີ້

ລາຍງານ 23 ມິຖຸນາ 2019: ທ່ານ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີຂອງໄທ ໃນຖານະປະທານກອງປະຊຸມສຸດຍອດອາຊຽນ ຄັ້ງທີ 34 ໄດ້ຖະແຫຼງຂ່າວວ່າ: ກອງປະຊຸມໄດ້ໃຫ້ຄວາມສຳຄັນກັບການເສີມສ້າງຄວາມເຂັ້ມແຂງຂອງເສດຖະກິດລະດັບພູມມິພາກ ແລະ ເຫັນດີຮ່ວມກັນໃນການຊຸກດັນໃຫ້ການເຈລະຈາຂໍ້ຕົກລົງຮຸ້ນສ່ວນທາງການຄ້າລະດັບພູມມິພາກ (Regional Comprehensive Economic Partnership : RCEP) ໃຫ້ສຳເລັດໃນປີນີ້, ເຊິ່ງຈະຊ່ວຍໃຫ້ອາຊຽນສາມາດຮັບມືກັບການປ່ຽນແປງ ແລະ ຄວາມບໍ່ແນ່ນອນທີ່ເກີດຂຶ້ນໃນພູມມິພາກ ໂດຍສະເພາະຜົນກະທົບຈາກຄວາມເຄັ່ງຕຶງທາງການຄ້າລະຫວ່າງຄູ່ຄ້າທີ່ສຳຄັນຂອງອາຊຽນ.

ເຊິ່ງ RCEP ເປັນຂໍ້ຕົກລົງທາງການຄ້າເສລີຂະໜາດໃຫຍ່ ທີ່ຢູ່ລະຫວ່າງການເຈລະຈາຂອງ 16 ປະເທດໃນພູມມິພາກອາຊີ-ປາຊີຟິກ ຫຼື ອາຊຽນ ກັບ ອີກ 6 ປະເທດໄດ້ແກ່: ຈີນ, ເກົາຫຼີໃຕ້, ຍີ່ປຸ່ນ, ອົດສະຕຣາລີ, ນິວຊີແລນ ແລະ ອິນເດຍ ເຊິ່ງການເຈລະຈາກ່ຽວກັບຂໍ້ຕົກລົງດັ່ງກ່າວນີ້ ໄດ້ເລີ່ມຢ່າງເປັນທາງການ ມາຕັ້ງແຕ່ກອງປະຊຸມສຸດຍອດອາຊຽນ ທີ່ປະເທດກຳປູເຈຍ ເມື່ອປີ 2012.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube