ຈີນວ່າ ບໍ່ຕ້ອງການເປັນມະຫາອຳນາດ ແລະ ບໍ່ໃຊ້ອິດທິພົນຂົ່ມຂູ່ເອົາຂອງໃຜ ທີ່ມີຢູ່ນີ້ລ້ວນແຕ່ມາຈາກເຫື່ອແຮງປະຊາຊົນຈີນ

ສຳນັກຂ່າວຊິນຫົວຂອງທາງຈີນລາຍງານ 24 ກໍລະກົດ 2019 ວ່າ: ສຳນັກງານຄະນະກຳມະການຂໍ້ມູນຂ່າວສານແຫ່ງລັດ (State Council Information Office -SCIO) ເຜີຍແຜ່ແຜນຍຸດທະສາດການປ້ອງກັນປະເທດ ຫຼື ປຶ້ມປົກຂາວ ວ່າດ້ວຍ “ການປ້ອງກັນປະເທດໃນຍຸກໃໝ່” ອະທິບາຍເຖິງລັກສະນະສຳຄັນຂອງແຜນຍຸດທະສາດປ້ອງກັນປະເທດຈີນວ່າ ປະເທດຈີນຈະບໍ່ມີວັນສະແຫວງຫາການເປັນມະຫາອຳນາດ ຫຼື ການຂະຫຍາຍຂອບເຂດອິດທິພົນຂອງປະເທດ.

ປຶ້ມປົກຂາວດັ່ງກ່າວລະບຸວ່າ ປະເທດຈີນຮັກສັນຕິພາບມາໂດຍຕະຫຼອດ ແລະ ບໍ່ເຄີຍກໍ່ສົ່ງຄາມ ຫຼື ຂັດແຍ່ງໃດໆນັບຕັ້ງແຕ່ສະຖາປະນາເປັນສາທາລະນະລັດ ປະຊາຊົນຈີນ ເມື່ອ 70 ຜ່ານມາ.

ພາຍຫຼັງການປະຕິຮູບປະເທດ ຈີນມຸ່ງໝັ້ນສົ່ງເສີມສັນຕິພາບໂລກ ແລະ ເຕັມໃຈຫຼຸດຈຳນວນຂະໜາດກອງທັບປົດປ່ອຍປະຊາຊົນຈີນລົງກວ່າ 4 ລ້ານຄົນ.

ຈີນກ້າວຂຶ້ນມາເປັນປະເທດທີ່ມີເສດຖະກິດໃຫຍ່ເປັນອັນດັບ 2 ຂອງໂລກໄດ້ໂດຍບໍ່ໄດ້ເພິ່ງພາໃຜ ແລະ ບໍ່ໄດ້ໃຊ້ກຳລັງທະຫານຂະຫຍາຍອິດທິພົນ ຫຼື ລ່າອະນານິຍົມ ແຕ່ເປັນການພັດທະນາທີ່ມາຈາກເຫື່ອແຮງຂອງປະຊາຊົນທັງຊາດ ແລະ ຄວາມທຸ້ມເທເພື່ອຮັກສາສັນຕິພາບ.

ປະເທດຈີນສະໜັບສະໜູນສະຖານະຮຸ້ນສ່ວນຫຼາຍກວ່າການສ້າງກຸ່ມພັນທະມິດ ແລະ ບໍ່ເຂົ້າຮ່ວມກຸ່ມກຳລັງທະຫານລະຫວ່າງປະເທດໃດໆ ລວມທັງຕໍ່ຕ້ານຄວາມຮຸນແຮງ ແລະ ການຂະຫຍາຍອິດທິພົນ ແລະ ຄັດຄ້ານການໃຊ້ອຳນາດ, ໃຊ້ກຳລັງທະຫານຂົ່ມຂູ່ປະເທດອື່ນ.

ປຶ້ມປົກຂາວລະບຸວ່າ ການພັດທະນາການປ້ອງກັນປະເທດຂອງຈີນ ມີເປົ້າໝາຍເພື່ອບັນລຸຄວາມຈຳເປັນດ້ານຄວາມໝັ້ນຄົງອັນເປັນສິດທິໂດຍຊອບທຳ ແລະ ເປັນກຳລັງເສີມສ້າງສັນຕິພາບໂລກ.

ປະຫວັດສາດໄດ້ພິສູດລແ້ວ ແລະ ຈະຍັງຄົງເປັນສິ່ງພິສູດຕໍ່ໄປວ່າ ປະເທດຈີນຈະບໍ່ເດີນຕາມທາງຂອງກຸ່ມມະຫາອຳນາດທີ່ສະແຫວງຫາຄວາມເປັນໃຫຍ່ໃນໂລກ ແລະ ບໍ່ວ່າປະເທດຈະພັດທະນາຫຼາຍພຽງໃດ ຈີນກໍ່ຈະບໍ່ມີວັນຂະຫຍາຍອິດທິພົນ ຫຼື ຕັ້ງຕົນເປັນໄພຕໍ່ປະເທດອື່ນຢ່າງແນ່ນອນ.

ປຶຶ້ມປົກຂາວ ວ່າດ້ວຍການປ້ອງກັນປະເທດໃນຍຸກໃໝ່ ມີຄວາມຍາວ 27,000 ຕົວອັກສອນ ໄດ້ເປີດເຜີຍລະບົບນະໂຍບາຍປ້ອງກັນປະເທດເປັນຄັ້ງທຳອິດ ທັງແນວທາງຍຸດທະສາດ, ຫຼັການພື້ນຖານ ແລະ ຄວາມສຳຄັນຂອງການພັດທະນາວຽກງານປ້ອງກັນປະເທດ ລວມເຖິງກອງກຳລັງຕິດອາວຸດຈີນ ໂດຍມີເປົ້າໝາຍຄື ເພື່ອໃຫ້ໂລກເຂົ້າໃຈລະບົບການປ້ອງກັນປະເທດຂອງຈີນຍິ່ງຂຶ້ນ.

HTML tutorial