ໄພນໍ້າຖ້ວມ 6 ແຂວງພາກກາງ ແລະ ພາກໃຕ້ ເຮັດໃຫຫຼາຍກ່ວາ 54,000 ຄອບຄົວໄດ້ຮັບຜົນກະທົບຈາກ

ກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງຄົມ ໄດ້ລາຍງານຕໍ່ລັດຖະບານໃນຕອນເຊົ້າຂອງມື້ນີ້ 5 ກັນຍາ 2019 ວ່າ ເຫດນ້ຳຖ້ວມໜັກຢູ່ 6 ແຂວງພາກກາງ ຫາ ພາກໃຕ້ນັ້ນ ໄດ້ເຮັດໃຫ້ມີການ ເສຍຊີວິດ 2 ຄົນ, ສູນຫາຍອີກ 2 ຄົນ ແລະ 54,207 ຄອບຄົວ ໄດ້ຮັບຜົນກະທົບໜັກ ຈາກເຫດການດັ່ງກ່າວ.

ກົມດັ່ງກ່າວໄດ້ລາຍງານຕື່ມອີກວ່າ: ອິດທິພົນຂອງລົມພາຍຸໂພດູ ແລະ ລົມພາຍຸດີເປຣຊັນທີ່ພັດຜ່ານເຂົ້າມາ ສປປ.ລາວ ໃນຊ່ວງທ້າຍເດືອນສິງຫາ ຫາ ຕົ້ນເດືອນ ກັນຍາ 2019 ເຮັດໃຫ້ມີຝົນຕົກໜັກ ແລະ ເກີດນໍ້າຖ້ວມຢູ່ ແຂວງຄໍາມ່ວນ, ສະຫວັນນະເຂດ, ອັດຕະປື, ສາລະວັນ, ຈໍາປາສັກ ແລະ ແຂວງເຊກອງ, ເຊິ່ງສົ່ງຜົນກະທົບໂດຍກົງຕໍ່ປະຊາຊົນໃນ 37 ເມືອງ, 788 ບ້ານ.

ນອກຈາກນີ້ ເຫດໄພພິບັດດັ່ງກ່າວໄດ້ຄາດຊີວິດປະຊາຊົນ 2 ຄົນ ຢູ່ ສະຫວັນນະເຂດ ແລະ ຈໍາປາສັກ, ສູນຫາຍອີກ 2 ຄົນ ຢູ່ແຂວງຈໍາປາສັກ. ປະຊາຊົນປົກຍ້າຍ 3,400 ກວ່າຄອບຄົວ, ສ້າງຄວາມເສຍຫາຍຕໍ່ບ້ານເຮືອນຂອງປະຊາຊົນ, ເນື້ອທີ່ນາ 130,569 ກວ່າເຮັກຕາ, ຊົນລະປະທານ 26 ແຫ່ງ, ຂົວ 6 ແຫ່ງ, ໂຮງຮຽນ 45 ແຫ່ງ, ສຸກສາລາ 2 ແຫ່ງ ແລະ ອື່ນໆ.

ປັດຈຸບັນ ຄວາມຕ້ອງການອັນຮີບດ່ວນ ແມ່ນ ເຄື່ອງອຸປະໂພກ-ບໍລິໂພກ ເປັນຕົ້ນ ອາຫານ, ນໍ້າດື່ມ, ເຄື່ອງໃຊ້ຄົວເຮືອນ, ເຄື່ອງນອນ, ເຮືອພ້ອມຄົນຂັບ ແລະ ງົບປະມານຮັບໃຊ້ອື່ນໆ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube