ສ.ອາເມຣິກາ ຮຽກຮ້ອງ ສປ.ຈີນ ວ່າຢ່າໃຊ້ກຳລັງກັບກຸ່ມຜູ້ປະທ້ວງໃນຮົງກົງ

ລາຍງານ 8 ກັນຍາ 2019: ທ່ານ ມາກ ເອສເປີ ລັດຖະມົນຕີກະຊວງປ້ອງກັນປະເທດສະຫະລັດ ອາເມຣິກາ ກ່າວເມື່ອວັນເສົາ ທີ່ຜ່ານມາວ່າ ລັດຖະບານຈີນ ບໍ່ຄວນແຊກແຊງດ້ວຍການໃຊ້ກຳລັງຕໍ່ສະຖານະການການປະທ້ວງໃນຮົງກົງ ທີ່ແກ່ຍາວມາໄດ້ 3 ເດືອນແລ້ວ ແລະ ຍັງຫ່າງໄກຈາກທິດທາງທີ່ຈະຜ່ອນຄາຍລົງ ໂດຍລັດຖະບານ ສ.ອາເມຣິກາ ຂໍຮຽກຮ້ອງໃຫ້ຄູ່ກໍລະນີທຸກຝ່າຍເຈລະຈາກັນດ້ວຍສັນຕິ, ຂະນະດຽວກັນ ທ່ານ ມາກ ເອສເປີ ຍັງກ່າວເຕືອນປະເທດທີ່ເພີ່ມການຄົບຄ້າສະມາຄົມກັບຈີນ ເຊິ່ງລວມເຖິງກຸ່ມປະເທດໃນເອີຣົບ ວ່າຈະຕ້ອງປະເຊີນກັບການຂົ່ມຂູ່ ແລະ ກົດດັນ ເມື່ອໃດກໍ່ຕາມທີ່ປະເທດເຫຼົ່ານັ້ນ ເດີນອອກນອກເສັ້ນທາງທີ່ລັດຖະບານຈີນກຳນົດໄວ້.

ເຊິ່ງຄຳກ່າວຂອງທ່ານ ມາກ ເອສເປີ ເກີດຂຶ້ນໃນຂະນະທີ່ກຸ່ມຜູ້ປະທ້ວງຝ່າຍຕໍ່ຕ້ານລັດຖະບານຮົງກົງ ໄດ້ນັດກັນໄປໂຮມຊຸມນຸມຕາສະຖານກົງສຸນໃຫຍ່ຂອງກຸ່ມປະເທດຕາເວັນຕົກລວມເຖິງ ສ.ອາເມຣິກາ ເພື່ອຂໍຄວາມຊ່ວຍເຫຼືອ, ເຖິງແມ່ນວ່າທ່ານ ນາງ ແຄຣີ ແລມ ຫົວໜ້າຄະນະບໍລິຫານຮົງກົງ ໄດ້ປະກາດເມື່ອວັນພຸດ ທີ່ຜ່ານມາ ຈະບໍ່ນຳຮ່າງກົດໝາຍສົ່ງຜູ້ຮ້າຍຂ້າມແດນຮ່ວມກັບ ສປ.ຈີນ, ມາເກົາ ແລະ ໄຕ້ຫວັນ ເຂົ້າສູ່ການພິຈາລະນາຂອງສະພາອີກຕໍ່ໄປ, ໂດຍເມື່ອອາທິດທີ່ຜ່ານມາ ມີຊາວຮົງກົງຫຼາຍຮ້ອນຄົນໄປໂຮມຊຸມນຸມກັນທີ່ໜ້າສະຖານກົງສຸນໃຫຍ່ອັງກິດ ເພື່ອຮຽກຮ້ອງສິດທິພື້ນຖານ ໃນຖານະການເປັນພົ້ນລະເມືອງໂພ້ນທະເລຂອງອັງກິດ ແຕ່ບໍ່ໄດ້ຮັບການຕອບສະໜອງໃດທັງຈາກສະຖານກົງສຸນ ແລະ ກະຊວງການຕ່າງປະເທດອັງກິດ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube