ລັດຖະບານ ຍ້ອງຍໍຜູ້ທີ່ເຮັດໃຫ້ ສປປ.ລາວ ຫຼຸດພົ້ນຈາກບັນຊີສີເທົາ ການຟອກເງິນສາກົນ

ລາຍງານ 3 ຕຸລາ 2019, ອີງຕາມການລາຍງານຂອງທະນາຄານແຫ່ງ ສປປ.ລາວ ໃຫ້ຣູ້ວ່າ: ເມື່ອວັນທີ 1 ຕຸລາ ທີ່ຜ່ານມາ ທີ່ກະຊວງການເງິນ ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການເງິນ, ປະທານຄະນະກຳມະການແຫ່ງຊາດ ເພື່ອຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ (ຄຕຟງ) ເປັນຕົວແທນລັດຖະບານຈັດພິທີຍ້ອງຍໍບັນດາກົມກອງ ແລະ ບຸກຄົນຈຳນວນ 129 ຄົນຈາກທັງສູນກາງ ແລະ ທ້ອງຖິ່ນ ທີ່ມີຜົນງານໃນການປະກອບສ່ວນເຂົ້າໃນການສ້າງເງື່ອນໄຂໃຫ້ ສປປ.ລາວ ຫຼຸດພົ້ນອອກຈາກບັນຊີສີເທົາຂອງອົງການຕ້ານການຟອກເງິນສາກົນໃນປີ 2017.

ສປປ.ລາວ ໄດ້ຖືກຖອນອອກຈາກບັນຊີຕິດຕາມ (ບັນຊີສີເທົາ) ຂອງອົງການຕ້ານການຟອກເງິນສາກົນ (FATF) ມາຢູ່ບັນຊີປົກກະຕິໃນກອງປະຊຸມຄົບຄະນະ FATF ປະຈຳເດີນມິຖຸນາ 2017 ທີ່ປະເທດແອັດສະປາຍ ໃນວັນທີ 23 ມິຖຸນາ 2017.

ປັດຈຸບັນ ທາງການ ສປປ.ລາວ ຍັງໄດ້ສຸມໃສ່ດ້ານນິຕິກຳທີ່ຍັງບໍ່ທັນໄດ້ມາດຖານສາກົນ, ປັບປຸງບັນດາກົນໄກໃຫ້ສອດຄ່ອງ, ພ້ອມດຽວກັນນັ້ນຍັງໄດ້ສຸມໃສ່ກແກ້ໄຂຈຸດຄົງຄ້າງບັນດາແໜງການທີ່ມີຄວາມສ່ຽງຕໍ່ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ເພື່ອຈັດຕັ້ງປະຕິບັດມາດຕະການປ້ອງກັນ ແລະ ແກ້ໄຂ ເພື່ອຮອງຮັບການປະເມີນຈາກຸ່ມອາຊີປາຊີຟິກ ເພື່ອຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ (APG) ໃນລະຫວ່າງເດືອນມີນາ 2020 ຫາ ເດືອນກໍລະກົດ 2021.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube