ແຜ່ນດິນໄຫວ ຢູ່ແຂວງໄຊຍະບູລີ ທະລຸ 90 ຄັ້ງແລ້ວ, ແຂວງພາກເໜືອຍັງຮັບຮູ້ເຖິງແຮງສັ່ນສະເທືອນ

ລາຍງານ 22 ພະຈິກ 2019, ນັບຕັ້ງແຕ່ເວລາ 23:49 ນາທີ, ວັນທີ 20 ພະຈິກ 2019 ເຖິງເວລາ 19:21 ນາທີ ວັນທີ 22 ພະຈິກ 2019 ນີ້, ເກີດແຜ່ນດິນໄຫວຢູ່ແຂວງໄຊຍະບູລີແລ້ວ 90 ຄັ້ງ ຄັ້ງຫຼ້າສຸດມີຄວາມແຮງ 3.1 ຣິກເຕີ.

ເຊິ່ງອີງຕາມແຈ້ງການສະພາບແຜ່ນດິນໄຫວ ຂອງກົມອຸຕຸນິຍົມ ແລະ ອຸທົກກະສາດ, ສະບັບທີ 5 ໃຫ້ຮູ້ວ່າ: ເມື່ອເວລາ 13:54 ນາທີ ແຜ່ນດິນໄຫວຂະໜາດ 3.8 ຣິກເຕີ, ຄວາມເລິກ 2 ກິໂລແມັດ, ຢູ່ບ້ານຄູນແຄນ, ເມືອງໄຊສະຖານ, ແຂວງໄຊຍະບູລີ ແລະ ເຮັດໃຫ້ຮູ້ສຶກສັ່ນສະເທືອນໃນບັນດາແຂວງພາກເໜືອ.

ນອກນີ້, ຍັງມີລາຍງານຄວາມເສຍຫາຍເບື້ອງຕົ້ນຈາກຄະນະຮັບຜິດຊອບປ້ອງກັນ ແລະ ຄວບຄຸມໄພພິບັດຂັ້ນເມືອງໃຫ້ຮູ້ວ່າ: ເມືອງຫົງສາ ມີຄົນບາດເຈັບເລັກໜ້ອຍ 7 ຄົນ, ມີ 14 ບ້ານໄດ້ຮັບຜົກະທົບ ເຮືອນເປ່ເພ 89 ຫຼັງ ໃນນັ້ນເປ່ເພສົມຄວນ 4 ຫຼັງ, ໂຮງຮຽນເປ່ເພເລັກໜ້ອຍ 3 ແຫ່ງ, ໂຮງໝໍ 1 ແຫ່ງ, ອາຄານ 1 ແຫ່ງ, ຕະຫຼາດ 1 ແຫ່ງ, ວັດ 5 ແຫ່ງ, ຮ້ານບັນເທີງ 1 ແຫ່ງ, ເສັ້ນທາງປູຢາງແຕກແຫງ 1 ຈຸດ; ເມືອງໄຊຊະຖານ ມີ 18 ບ້ານໄດ້ຮັບຜົນກະທົບ ມີຄົນໄດ້ຮັບບາດເຈັບເລັກໜ້ອຍ 3 ຄົນ, ສຸກສາລາເປ່ເພ 1 ແຫ່ງ, ນອກນີ້ຍັງມີສຳນັກງານຫ້ອງການຂອງແຂວງຈຳນວນໜຶຶ່ງທີ່ໄດ້ຮັບຜົນກະທົບຈາກເຫດການແຜ່ນດິນໄຫວ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube