ສ.ອາເມຣິກາ ແລະ ການາດາ ລວມທັງປະເທດຕາເວັນຕົກ ວ່າອີຣານຍິງຍົນອູແກຣນຕົກ

ລາຍງາຍ 10 ມັງກອນ 2020, ກະຊວງການຕ່າງປະເທດອີຣານອອກຖະແຫຼງການ ເມື່ອວັນທີ 9 ມັງກອນ ທີ່ຜ່ານມາ ຮຽກຮ້ອງໃຫ້ ສ.ອາເມຣິກາ, ກາດານາ ແລະ ກຸ່ມປະເທດຕາເວັນຕົກ ສະແດງຫຼັກຖານວ່າຖ້ຽວບິນ PS752 ຂອງສາຍການບິນ Ukraine International Airline ຫຼື UIA ເຊິ່ງເປັນຍົນໂບອິ້ງຮຸ້ນ 737-800 ຖືກຍິງດ້ວຍຂີປະນາວຸດ ກ່ອນຕົກໃກ້ກັບສະໜາມບິນສາກົນໃນນະຄອນຫຼວງເຕຫະຣານ ເມື່ອວັນທີ 8 ມັງກອນ ທີ່ຜ່ານມາ ເຮັດໃຫ້ຜູ້ໂດຍສານ ແລະ ຈຸບິນ 176 ຄົນ ເສຍຊີວິດທັງໝົດ ໂດຍປະກອບມີຄົນມີຣານ 82 ຄົນ, ກາດານາ 63 ຄົນ, ອູແກຣນ 11 ຄົນ, ຊູແອດ 10 ຄົນ, ອາຟະການິດສະຖານ 4 ຄົນ, ເຢຍລະມັນ 3 ຄົນ ແລະ ອັງກິດ 3 ຄົນ.

ຂະນະດຽວກັນ, ອົງການກາບິນພົນລະເຮືອນອີຣານໄດ້ສົ່ງໜັງສືໄປຍັງຄະນະກຳມະການຄວາມປອດໄພການຂົນສົ່ງແຫ່ງຊາດຂອງ ສ.ອາເມຣິກາ (NTSB) ແລະ ບໍລິສັດໂບອິ້ງ ເຊິ່ງເປັນຜູ້ຜະລິດຍົນລຳທີ່ປະສົບເຫດໃຫ້ເຂົ້າຮ່ວມການສືບສວນສອບສວນ ໂດຍລັດຖະບານອີຣານຮັບປະກັນຄວາມປອດໄພ ແລະ ຈະອຳນວຍຄວາມສະດວກເລື່ອງເອກະສານທາງການທູດ, ດ້ານ NTSB ແລະ ໂບອິ້ງຍັງບໍ່ສະແດງຈຸດຢືນຢ່າງເປັນທາງການ ແຕ່ແຫຼ່ງຂ່າວເປີດເຜີຍວ່າ NTSB ຕ້ອງການເຂົ້າຮ່ວມ ແຕ່ຍັງບໍ່ໝັ້ນໃຈວ່າຈະສາມາດດຳເນີນການໄດ້ຫຼືບໍ່ ດ້ວຍຂໍ້ຈຳກັດຈາກມາດຕະການຂວໍ້າບາດຂອງລັດຖະບານ ສ.ອາເມຣິກາ.

ຈຸດຢືນດັ່ງກ່າວຂອງອີຣານເກີດຂຶ້ນພາຍຫຼັງທີ່ທ່ານ ໂດໂນ ທຣຳ ປະທານປະເທດ ສ.ອາເມຣິກາກ່າວວ່າ ບໍ່ເຊື່ອຄຳກ່າວຂອງອີຣານ ທີ່ວ່າຍົນອູແກຣນລຳນີ້ຕົກເພາະບັນຫາທາງເຕັກນິກ ເພາະມີຄວາມເປັນໄປໄດ້ສູງຫຼາຍວ່າມີໃຜບາງຄົນໄດ້ເຮັດໃນສິ່ງທີ່ຜິດພາດໄປແລ້ວ, ເຊິ່ງແຫຼ່ງຂ່າວໃນທຳນຽບຂາວເປີດເຜີຍວ່າ ຂໍ້ສະຫຼຸບຂອງຜູ້ນຳ ສ.ອາເມຣິກາ ແລະ ເຈົ້າໜ້າທີ່ອີກຫຼາຍຄົນທີ່ມາຈາກການວິເຄາະພາບຖ່າຍດາວທຽມ ໃນເວລາດຽວກັນ ສື່ຂອງ ສ.ອາເມຣິກາ ແລະ ເອີຣົບຫຼາຍແຫ່ງພ້ອມໃຈກັນເຜີຍແຜ່ວິດີໂອສະແດງໃຫ້ເຫັນເຖິງວັດຖຸປິດສະໜາເຄື່ອນທີ່ໄວໄປຍັງຍົນລຳດັ່ງກ່າວ.

ສ່ວນທ່ານ ຈັສຕິນ ທຼູໂດ ນາຍົກລັດຖະມົນຕີການາດາ ກ່າວວ່າການສູນເສຍຄັ້ງນີ້ ອາດເກີດຂຶ້ນໂດຍບໍ່ເຈດຕະນາ ແຕ່ຂໍ້ມູນຂ່າວກອງຈາກຫຼາຍແຫ່ງບົ່ງບອກວ່າ ຍົນຕົກຫຼັງຖືກຍິງດ້ວຍຂີປະນາວຸດຈາກພື້ນສູ່ອາກາດຂອງອີຣານ ແລະ ຢືນຢັນວ່າລັດຖະບານກາດານາຄວນມີສ່ວນຮ່ວມໃນການສືບສວນສອບສ່ວນ.