ອົງການອະນາໄມໂລກລາຍງານມີຜູ້ຕິດໂລກໂຄວິດ-19 ໃນ 95 ປະເທດ ແລະ ເຂດແດນກວ່າ 1 ແສນຄົນແລ້ວ

ລາຍງານ 7 ມີນາ 2020, ອົງການອະນາໄມໂລກ (WHO) ລາຍງາຍຈຳນວນຜູ້ຕິດເຊື້ອຈຸລະໂລກໂຄໂຣນາສາຍພັນໃໝ່ ຫຼື ໂລກໂຄວິດ-19 (COVID-19) ໃນທົ່ວໂລກເພີ່ມຂຶ້ນເປັນຫຼາຍກວ່າ 100,000 ຄົນ, ໃນ 95 ປະເທດ ແລະ ເຂດແດນ ແລະ ມີຜູ້ເສຍຊີວິດສະສົມລວມກັນຫຼາຍກວ່າ 3,400 ຄົນ, ໂດຍໃນ ສປ.ຈີນ ມີຜູ້ຕິດເຊື້ອສະສົມແລ້ວ 80,651 ຄົນ ມີຜູ້ເສຍຊີວິດ 3,070 ຄົນ ແລະ ປິ່ນປົວເຊົາແລ້ວ 55,404 ຄົນ.

ສ່ວນຈຳນວນຜູ້ເສຍຊີວິດໃນປະເທດອື່ນຮອງລົງມາແມ່ນອີຕາລີ ມີຈຳນວນ 197 ຄົນ ຈາກຈຳນວນຜູ້ຕິດເຊື້ອສະສົມ 4,636 ຄົນ ແລະ ປິ່ນປົວເຊົາ 523 ຄົນ, ອີຣານເສຍຊີວິດ 124 ຄົນ ຈາກຈຳນວນຜູ້ຕິດເຊື້ອສະສົມ 4,474 ຄົນ ແລະ ປິ່ນປົ່ວເຊົາ 739 ຄົນ, ສ່ວນທີ່ປະເທດເກົາຫຼີໃຕ້ມີຜູ້ຕິດເຊື້ອສະສົມ 6,767 ຄົນ ແລະ ເສຍຊີວິດແລ້ວ 44 ຄົນ.

ສຳລັບອາການຂອງຜູ້ຕິດເຊື້ອທີ່ພົບຫຼາຍທີ່ສຸດຈາກໂລກໂຄວິດ-19 ຕາມການເກັບກຳຂໍ້ມູນຂອງ WHO ສ່ວນໃຫຍ່ແມ່ນມີອາການໄຂ້, ໄອແຫ້ງ ແຕ່ກໍ່ອາດມີຂີ້ກະເທີ່ນຳ, ຮ່າງກາຍອ່ອນແຮງ ແລະ ຫາຍໃຈລຳບາກ.