ອີຣານຮຽກຮ້ອງ ສ.ອາເມຣິກາ ໃຫ້ຍຸຕິການໃຊ້ຄວາມຮຸນແຮງກັບປະຊາຊົນ ຜູ້ປະທ້ວງສີຜິວ

ລາຍງານ 1 ມິຖຸນາ 2020, ທ່ານ ອັບບາສ ມູຊາວີ ໂຄສົກກະຊວງການຕ່າງປະເທດອີຣານ ກ່າວໃນຕອນໜຶ່ງຂອງການຖະແຫຼງໃນວັນຈັນນີ້ ກ່ຽວກັບສະຖານະການການປະທ້ວງສີຜິວໃນ ສ.ອາເມຣິກາ ທີ່ແກ່ຍາວມາຕັ້ງແຕ່ທ້າຍເດືອນທີ່ຜ່ານມາ ແລະ ຍັງທະວີຄວາມຮຸນແຮງ ໂດຍມີຊະນວນເຫດມາຈາກການເສຍຊີວິດຂອງທ້າວ ຈອສ ຟລອຍ ຊາວຜິວສີ ອາຍຸ 46 ປີ ທີ່ລັດມິນນິໂຊຕາ ວ່າໂລກຢູ່ຄຽງຂ້າງຊາວອາເມຣິກາທີ່ຖືກກົດຂີ່ຂົ່ມເຫງມາຍາວນານ.

ສ່ວນເຈົ້າໜ້າທີ່ລັດຖະບານທັງພະນັງານ, ທະຫານ ແລະ ຕຳຫຼວດນັ້ນ ລັດຖະບານອີຣານຂໍໃຫ້ຍຸຕິການໃຊ້ຄວາມຮຸນແຮງກັບປະຊາຊົນ ແລະ ໃຫ້ເຂົາເຈົ້າໄດ້ຫາຍໃຈ, ຂະນະດຽວກັນ ເປັນເລື່ອງທີ່ໜ້າເສົ້າສະຫຼົດໃຈຢ່າງຍິ່ງ ເມື່ອຊາວອາເມຣິກາທີ່ລວມຕົວກັນຮຽກຮ້ອງໃຫ້ຍຸຕິການໃຊ້ຄວາມຮຸນແຮງ ຜັດຖືກເຈົ້າໜ້າທີ່ລັດປະະຕິບັດຕອບໂຕ້ດ້ວຍຄວາມຮຸນແຮງ, ໂດຍທ່ານ ມູຊາວີ ໃຊ້ພາສາອັງກິດຕະຫຼອດການຖະແຫຼງກ່ຽວກັບສະຖານະການຄວາມວຸ້ນວາຍ ແລະ ຮຸນແຮງທາງສັງຄົມໃນ ສ.ອາເມຣິກາ.

HTML tutorial