ປາທູ ຂອງດີທີ່ບໍ່ຄວນເມີນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgY2DIKMFiv4oZoiHwAAAz_PzufhneqYMMfpjWx64K2ivhTi3IF6HoFF49OyNyERbh1MVgdUbV-2xl_edtYG9aKHSZTxPV8ti0I5OrJ8o9pDwqmCaFZMHNBwd196C-6XK59n-MRZOY2xio/s1200/%25E0%25BA%259B%25E0%25BA%25B2%25E0%25BA%2597%25E0%25BA%25B9.jpg)
![](https://blogger.googleusercontent.com/img/b/R29vZ2xl/AVvXsEgY2DIKMFiv4oZoiHwAAAz_PzufhneqYMMfpjWx64K2ivhTi3IF6HoFF49OyNyERbh1MVgdUbV-2xl_edtYG9aKHSZTxPV8ti0I5OrJ8o9pDwqmCaFZMHNBwd196C-6XK59n-MRZOY2xio/s400/%25E0%25BA%259B%25E0%25BA%25B2%25E0%25BA%2597%25E0%25BA%25B9.jpg)
ຂະນະທີ່ໃນຈິນຕະນາການມີແຕ່ປາແຊວມອນ ຈົນລືມປາທູໜ້າງໍນອນແຕະລາຄາແສນຖືກ ພ້ອມທັງຍັງມີໂອເມກ້າ 3 ໂດຍຊີ້ນປາທູ 100 ກຣາມ ຈະໃຫ້ໂອເມກ້າ 3 ປະມານ 2-3 ກຣາມ ເຊິ່ງພຽງພໍທີ່ຮ່າງກາຍຕ້ອງການ
ຄຸນຄ່າໃນປາທູ ມີຕັ້ງແຕ່ວິຕາມິນດີ ຊ່ວຍໃນການດູດຊຶມແຄນຊຽມ ແລະ ຟອສຟໍຣັສ ເພື່ອໄປຊ່ວຍປົວແປງກະດູກ ແລະ ແຂ້ວ ຮັກສາລະບົບປະສາດ ການເຮັດວຽກຂອງຫົວໃຈ
ໄອໂດດີນ ສ່ວນປະກອບສຳຄັນຂອງຮໍໂມນ ຄວບຄຸມການເຮັດວຽກຂອງຮ່າງກາຍໃຫ້ຈະເລີນເຕີບໃຫຍ່ຢ່າງເປັນປົກກະຕິ
ກົດອະມິໂນໂປຣຕີນ ທີ່ຈຳເປັນຕໍ່ຮ່າງກາຍສູງກວ່າປາຊະນິດອື່ນ ໂດຍສະເພາະໄລຊີນ ທີ່ຊ່ວຍເພີ່ມຄວາມແຂງແຮງຂອງກ້າມເນື້ອ, ກະດູກ, ເສັ້ນເອັນ ແລະ ຂໍ້ ສ່ວນທຣີໂອນີນ ເຊິ່ງຈຳເປັນຕໍ່ການຈະເລີນເຕີບໃຫຍ່ຂອງເດັກນ້ອຍ
ໂອເມກ້າ 3 ປະໂຫຍດຈາກໂອເມກ້າ 3 ຕໍ່ຮ່າງກາຍນັ້ນຫຼາກຫຼາຍເຊັ່ນ: ຊ່ວຍປ້ອງກັນໂລກອັນໄຊເມີ້ ເນື່ອງຈາກຊ່ວຍປ້ອງກັນການເກີດກ້ອນໄຂມັນໃນສະໝອງ ຊ່ວຍຫຼຸດພາວະການອັກເສບຂອງຮ່າງກາຍ ຊ່ວຍເພີ່ມຄວາມສາມາດໃນການຮຽນຮູ້ ເພີ່ມສະມາທິ ຄວາມຈຳ ແລະ ປັບສົມດຸນຂອງອາລົມ
ຂໍ້ຄວນລະວັງ ແມ່ຍິງຖືພາບໍ່ຄວນຮັບປະທານປະທູ ລວມເຖິງປາ ແລະ ສັດນ້ຳປະເທດອື່ນຫຼາຍຈົນເກີນໄປ ເພາະເປັນອັນຕະລາຍຕໍ່ພັດທະນາການສະໝອງຂອງເດັກໃນທ້ອງໂດຍສານເມທິນເມີຄິວຣີ ເຊິ່ງເກີດຈາກນ້ຳເປື້ອນທີ່ປ່ອຍລົງແມ່ນ້ຳຕ່າງໆອາດປົນເປື້ອນໃນໂຕປາ
ປາທູແຊບຕ້ອງເປັນປາທູໃນຊ່ວງເດືອນ 8-11 ແຕ່ເຖິງຢ່າງໃດກໍ່ຕາມຍັງຄວນກິນປາທູກັນຕະຫຼອດປີ ບໍ່ຈຳເປັນຕ້ອງກິນໃນຊ່ວງທີ່ມັນແຊບເທົ່ານັ້ນ ເພື່ອສຸຂະພາບຮ່າງກາຍ ແລະ ສຸຂະພາບສະໜອງເດີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ