ລາວເປັນປະເທດທີ່ໃຊ້ເງິນບາດຫຼາຍທີ່ສຸດຖັດຈາກປະເທດເຈົ້າຂອງໃນການຄ້າຂາຍຊາຍແດນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjHTbZ2bmxqo6OTQ5vmQBSN96QsWp7TbFdphiu2HOKHcO8EyFdDeoHn-5S9xC9JQfsPaElq3zFBmAaYHSS4kdq-oSql2LiBXcZ_go-VIrMQ8HwnpS1oWf4Qm96IkJn3QIjhBx6IjPMTIOU/s1200/%25E0%25BA%259A%25E0%25BA%25B2%25E0%25BA%2594%25E0%25BB%2584%25E0%25BA%2597.jpg)
![](https://blogger.googleusercontent.com/img/b/R29vZ2xl/AVvXsEjHTbZ2bmxqo6OTQ5vmQBSN96QsWp7TbFdphiu2HOKHcO8EyFdDeoHn-5S9xC9JQfsPaElq3zFBmAaYHSS4kdq-oSql2LiBXcZ_go-VIrMQ8HwnpS1oWf4Qm96IkJn3QIjhBx6IjPMTIOU/s400/%25E0%25BA%259A%25E0%25BA%25B2%25E0%25BA%2594%25E0%25BB%2584%25E0%25BA%2597.jpg)
ຈາກການລາຍງານຂອງທະນາຄານແຫ່ງປະເທດໄທ ໃຫ້ຮູ້ເຖິງທິດທາງການຊື້-ຂາຍລະຫວ່າງປະເທດໃນພູມມິພາກອາຊຽນ ປະຈຳໄຕມາດ 3 ປີ 2016 ພົບວ່າເງິນໂດລາສະຫະລັດຍັງເປັນເງິນສະກຸນຫຼັກຂອງການຄ້າຂາຍໃນພູມມິພາກນີ້ ໂດຍມີອັດຕາສ່ວນການຊຳລະຄ່າສິນຄ້າ ແລະ ບໍລິການດ້ວຍເງິນໂດລາສະຫະລັດສູງເຖິງ 83% ຂອງວົງເງິນຊຳລະຄ່າສິນຄ້າ ແລະ ບໍລິການໃນອາຊຽນ ຂະນະທີ່ເງິນບາດຂອງປະເທດໄທຖືເປັນສະກຸນເງິນອັນດັບ 2 ທີ່ມີການໃຊ້ໃນການຊຳລະຄ່າສິນຄ້າ ແລະ ບໍລິການໂດຍກົງໃນອາຊຽນ ໂດຍມີອັດຕາສ່ວນການໃຊ້ຊຳລະຄ່າສິນຄ້າ ແລະ ບໍລິການ 12.5% ຂອງວົງເງິນລວມ
ຂະນະທີ່ສະກຸນເງິນທີ່ມີການໃຊ້ຊຳລະຄ່າສິນຄ້າ ແລະ ບໍລິການເປັນອັນດັບ 3 ມີ 2 ສະກຸນເງິນທີ່ເທົ່າກັນຄື: ເງິນເຢນຂອງຍີ່ປຸ່ນ ແລະ ເງິນໂດລາສິງກະໂປ ມີອັດຕາສ່ວນເທົ່າກັນຄື 1.4% ໂດຍເປັນທີ່ໜ້າສັງເກດວ່າການໃຊ້ເງິນບາດໃນການຊຳລະຄ່າສິນຄ້າ ແລະ ບໍລິການໂດຍກົງລະຫວ່າງອາຊຽນເພີ່ມຂຶ້ນຊັດເຈນຕັ້ງແຕ່ຕົ້ນປີ 2016 ທີ່ຜ່ານມາ ເນື່ອງຈາກທຸກປະເທດໃນອາຊຽນມີນະໂຍບາຍທີ່ຫຼຸດຄວາມສ່ຽງຈາກການປ່ຽນແປງຂອງອັດຕາແລກປ່ຽນຄ່າເງິນສະກຸນຫຼັກ ແລະ ຫັນມາໃຊ້ສະກຸນເງິນຫຼັກໃນອາຊຽນໃນການຊື້ຂາຍຫຼາຍຂຶ້ນ ທັງນີ້ປະເທດທີ່ໃຊ້ເງິນບາດໃນການຊຳລະຄ່າສິນຄ້າ ແລະ ບໍລິການຫຼາຍທີ່ສຸດຄື ປະເທດລາວ ໃນອັດຕາສ່ວນ 44.5% ຂອງວົງເງິນການຊຳລະສິນຄ້າ ແລະ ບໍລິການລວມ ຮອງລົງມາແມ່ນປະເທດຫວຽດນາມ, ກຳປູເຈຍ ແລະ ມຽນມາຕາມລຳດັບ.
ຈາກ: ไทยรัฐออนไลน์
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ