2017 ນີ້ສະພາສະເໜີລັດເລັ່ງແກ້ໄຂບັນຫາເຄັ່ງຮ້ອນໃຫ້ໝົດໄປ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiYgtNDwXDPA1g5f1dr8_NwS_sPJythSB2Pa-T5HBB9jh8iEkD3GUOMF5XVPdOk-TZwfOu0HFq_sUUrTTjKIDmJB_i3Bh0-MRqsn6h3nKHGypAPUJl1YBlYvly7BNM2TbVNd3vTcnyW_Wk/s1200/%25E0%25BA%25AA%25E0%25BA%25B0%25E0%25BA%259E%25E0%25BA%25B2%25E0%25BB%2581%25E0%25BA%25AB%25E0%25BB%2588%25E0%25BA%2587%25E0%25BA%258A%25E0%25BA%25B2%25E0%25BA%2594.jpg)
![](https://blogger.googleusercontent.com/img/b/R29vZ2xl/AVvXsEiYgtNDwXDPA1g5f1dr8_NwS_sPJythSB2Pa-T5HBB9jh8iEkD3GUOMF5XVPdOk-TZwfOu0HFq_sUUrTTjKIDmJB_i3Bh0-MRqsn6h3nKHGypAPUJl1YBlYvly7BNM2TbVNd3vTcnyW_Wk/s400/%25E0%25BA%25AA%25E0%25BA%25B0%25E0%25BA%259E%25E0%25BA%25B2%25E0%25BB%2581%25E0%25BA%25AB%25E0%25BB%2588%25E0%25BA%2587%25E0%25BA%258A%25E0%25BA%25B2%25E0%25BA%2594.jpg)
ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ VIII ທີ່ສໍາເລັດລົງເມື່ອເດືອນພະຈິກຜ່ານມານີ້, ໂດຍສະພາແຫ່ງຊາດໄດ້ສະເໜີໃຫ້ລັດຖະບານເພີ່ມທະວີຄວາມເອົາໃຈໃສ່ແກ້ໄຂບັນຫາເຄັ່ງຮ້ອນຈໍານວນໜຶ່ງຄື: ຕ້ອງພິຈາລະນາຈັດສັນງົບປະມານໂຄງການລົງທຶນຂອງລັດລະຫວ່າງສູນກາງ ແລະ ທ້ອງຖິ່ນໃຫ້ເໝາະສົມ ແລະ ສອດຄ່ອງຕາມລະບຽບກົດໝາຍ, ຄວນໂຈະໂຄງການທີ່ບໍ່ມີປະສິດທິຜົນ ຫລື ບໍ່ມີຜົນຕອບແທນສູງ, ຕ້ອງຫລຸດຜ່ອນການເອື່ອຍອິງຊັບພະ ຍາກອນທໍາມະຊາດ, ເລັ່ງຕິດຕາມກວດກາການຄຸ້ມຄອງການອອກໃບຕາດິນ, ການແກ້ໄຂການອອກໃບຕາດິນຊໍ້າຊ້ອນ ແລະ ການຊົດເຊີຍທີ່ດິນໃຫ້ປະຊາຊົນທີ່ຖືກຜົນກະທົບຈາກໂຄງການພັດທະນາຕ່າງໆໃຫ້ຖືກຕ້ອງຕາມລະບຽບກົດໝາຍ, ຮີບຮ້ອນ
ມີມາດຕະການ ແລະ ວິທີການແກ້ໄຂຜົນກະທົບຕໍ່ສັງຄົມ, ສິ່ງແວດລ້ອມ ແລະ ທໍາມະຊາດຈາກການນໍາໃຊ້ສານເຄມີອັນຕະລາຍຊະຊາຍເຂົ້າໃນການຜະລິດກະສິກໍາ ແລະ ການປຸງແຕ່ງອາຫານ, ແກ້ໄຂບັນຫານໍ້າເປື້ອນ, ກິ່ນເໝັນ, ອາກາດເປັນພິດທີ່ເກີດຈາກໂຮງຈັກໂຮງງານອຸດສະຫະກໍາ ແລະ ໂຄງການພັດທະນາຕ່າງໆທີ່ມີຜົນກະທົບຕໍ່ປະຊາຊົນ, ເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້ ເພື່ອສະກັດກັ້ນ, ຕ້ານ ແລະ ແກ້ໄຂປະກົດການຫຍໍ້ທໍ້ດ້ານຕ່າງໆໃນຂົງເຂດວຽກງານປ່າໄມ້ໃຫ້ຫລຸດລົງ ແລະ ໝົດໄປເທື່ອລະກ້າວ ແລະ ເລັ່ງແກ້ໄຂກົນໄກບໍລິຫານລັດໃຫ້ມີຄວາມຄ່ອງຕົວ, ປະຕິບັດກົດໝາຍ ແລະ ລະບຽບການວາງອອກໃຫ້ເຂັ້ມງວດ, ຍົກສູງຄວາມຮັບພິຊອບ ແລະ ຄວາມເປັນແບບຢ່າງນໍາໜ້າຂອງພະນັກງານນໍາພາ, ພະນັກງານຄຸ້ມຄອງ ແລະ ວິຊາການໃນກົງຈັກລັດໃຫ້ມີຄຸນນະພາບ ແລະ ປະສິດທິຜົນສູງ.
ຈາກ: ລາວພັດທະນາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ