ລາວພະຍາຍາມປັບປຸງຄ່າກະແສໄຟຟ້າໃຫ້ເໝາະສົມທີ່ສຸດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhEX-Li1qXvfOKxEPTxvLj2YFOO9u07L7ffd-xZ6W_GskftzRCbVNdY2tFEgRoAB4P6d2FtLuhj4XL19DzS2sbBWKy4rc7Hivc1yLfLLFk1cIpdlt8p7ilW5hGA6sbn9Qw_iDBOMtsu15k/s1200/EDL.jpg)
![](https://blogger.googleusercontent.com/img/b/R29vZ2xl/AVvXsEhEX-Li1qXvfOKxEPTxvLj2YFOO9u07L7ffd-xZ6W_GskftzRCbVNdY2tFEgRoAB4P6d2FtLuhj4XL19DzS2sbBWKy4rc7Hivc1yLfLLFk1cIpdlt8p7ilW5hGA6sbn9Qw_iDBOMtsu15k/s400/EDL.jpg)
ໃນໂອກາດເຂົ້າຮ່ວມກອງປະຊຸມເປີດກ້ວາງລັດຖະບານປະຈຳສົກປີ 2015-2016 ໃນວັນທີ 14 ທັນວາຜ່ານມານີ້, ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ໃຫ້ສຳພາດວ່າ: ຄືດັ່ງທີ່ຮູ້ນຳກັນແລ້ວ ທຶນຮອນໃນການກໍ່ສ້າງເຂື່ອນຕ່າງໆນັ້ນແມ່ນເປັນຂອງບໍລິສັດທີ່ມາຈາກຕ່າງປະເທດ ແລະ ສປປ ລາວ ກໍມີຮຸ້ນຢູ່ນຳພຽງເລັກນ້ອຍເທົ່ານັ້ນ, ພາຍຫລັງສິ້ນສຸດການສຳປະທານຈາກຜູ້ລົງທຶນແລ້ວ, ເຂື່ອນໄຟຟ້າເຫລົ່ານັ້ນຈຶ່ງຈະເປັນຂອງລັດຖະບານລາວຢ່າງສົມບູນ, ສຳລັບໄລຍະເວລາໃນການສຳປະທານແມ່ນ 20-30 ປີ, ເມື່ອຮອດຕອນນັ້ນ ລັດຖະບານລາວກໍຈະປັບປຸງຄ່າຊົມໃຊ້ໄຟຟ້າໃຫ້ມີລາຄາຫລຸດລົງຕາມຄວາມເໝາະສົມ.
ປັດຈຸບັນບໍລິສັດໄຟຟ້າກໍຄືກະຊວງພະລັງງານ ແລະ ບໍ່ແຮ່ຍັງໄດ້ປັບປຸງຄ່າຊົມໃຊ້ໄຟຟ້າຕື່ມ, ຊຶ່ງແບ່ງອອກເປັນຫລາຍລາຄາສຳລັບຜູ້ຢູ່ອາໃສຄື: ລາຄາເກື້ອກູນ, ລາຄາປະຢັດເປັນຕົ້ນ.
ມາຮອດປັດຈຸບັນພວກເຮົາຍັງໄດ້ກະ ກຽມຕິດຕັ້ງພະລັງງານແສງອາທິດຢູ່ເຂດເມືອງນາຊາຍທອງ, ເຂດບ້ານນາບົງ ແລະ ເຂດອື່ນໆໃນທົ່ວປະເທດ, ພ້ອມນີ້ກວດກາ ແລະ ວັດແທກຄວາມແຮງຂອງລົມ ເພື່ອຕິດຕັ້ງພະລັງງານລົມຕື່ມ. ແຕ່ແນວໃດກໍຕາມພະລັງງານທົດແທນເປັນພະລັງງານທີ່ມີລາຄາສູງຂະນະດຽວກັນສະເພາະຢູ່ນະຄອນຫລວງວຽງຈັນກໍໄດ້ມີການສຶກສາ, ສຳຫລວດ ແລະ ກວດກາ ເພື່ອສ້າງພະລັງງານໄຟຟ້າຈາກຂີ້ເຫຍື້ອ, ໂດຍສະເພາະຢູ່ຫລັກ 36, ຊຶ່ງເປັນສະຖານທີ່ບຳບັດ ຂີ້ເຫຍື້ອຂອງນະຄອນຫລວງວຽງຈັນໃຫຍ່ທີ່ສຸດຂອງລາວ, ຊຶ່ງປັດຈຸບັນພວມເລັ່ງກວດກາ ເພື່ອໃຈ້ແຍກເອົາປະເພດໃດທີ່ຈະສາມາດເອົາມາເປັນເຊື້ອເພີງ ແລະ ສາມາດເອົາມາເປັນພະລັງງານໄຟຟ້າໄດ້.
ຈາກ: ລາວພັດທະນາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ