ມ.ຂອນແກ່ນ ເຊີດຊູກຽດມອບປະລິນຍາດຸດສະດີບັນດິດກິດຕິມະສັກໃຫ້ແກ່ ທ່ານ ທອງລຸນ ສີສຸລິດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj0L7BsSNHRiCudkq3dZ_nTgvhn2CvoDQxWoynF2WYMQq-Pn82ZH0UYSuHBY2emGhReu9fe_tK3ckkoCN8leL2ZvGkq30r71QKmjyBaroqtTjLGIYxha_e73UOAROfA-44iZ9kR5d54bxc/s1600/4.jpg)
ເມື່ອວັນອັງຄານທີ 11 ເມສາ 2017 ຮສ. ປອ. ກິດຕິໄຊ ໄຕຣຣັດຕະນະສີຣິໄຊ ອະທິການບໍດີມະຫາວິທະຍາໄລຂອນແກ່ນ ມອບປະລິນຍາສິລະປະສາດດຸດສະດີບັນດິດກິດຕິມະສັກ ສາຂາວິຊາກິດຈະການລະຫວ່າງປະເທດແດ່ ປອ. ທອງລຸນ ສີສຸລິດ ນາຍົກລັດຖະມົນຕີຂອງ ສປປ.ລາວ ທີ່ສຳນັກຂ່າວນາຍົກລັດຖະມົນຕີ ນະຄອນຫຼວງວຽງຈັນ.
![](https://blogger.googleusercontent.com/img/b/R29vZ2xl/AVvXsEhuWj2wYjVWYkhXmwGW6bBrWSUXP5upBAH-JtztN9ohpiJ0DbWD9Q7ZPQd5AHji36vaiXSsW__9qZNxNhcUPMHO6wU7DqA40vbAFyBEklR0Rir-s5QM28CBPXAxvnAgZsr6IP6w1m0cItw/s1600/6.jpg)
ສະພາມະຫາວິທະຍາໄລຂອນແກ່ນ ມີມະຕີເປັນເອກະສັນເມື່ອວັນທີ 17 ກັນຍາ 2016 ເຫັນສົມຄວນມອບປະລິນຍາສິລະປະສາດດຸດສະດີບັນດິດກິດຕິມະສັກ ສາຂາວິຊາກິດຈະການລະຫວ່າງປະເທດແດ່ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ.ລາວ, ມະຫາວິທະຍາໄລຂອນແກ່ນ ນຳໂດຍ ຮອງສາສະດາຈານ ກິດຕິໄຊ ໄຕຣຣັດຕະນຣິໄຊ ອະທິການບໍດີມະຫາວິທະຍາໄລຂອນແກ່ນ ພ້ອມດ້ວຍຄະນະລວມທັງໝົດ 18 ທ່ານ ຈຶ່ງໄດ້ເດີນທາງມາເພື່ອມອບປະລິຍາສິລະປະສາດດຸດສະດີບັນດິດກິດຕິມະສັກ ສາຂາວິຊາກິດຈະການລະຫວ່າງປະເທດແດ່ ປອ. ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ.ລາວ.
![](https://blogger.googleusercontent.com/img/b/R29vZ2xl/AVvXsEi2I72aZpmme1DX6rRFouNCts-DE6rudsz0rGamcugG53QtFEPggIqmoLZNSfoEg8otUQYVTjEse6yQ3m-U07v4gFMX_EXgyJa0t_O9kEo6ksJMEvzc5XwmQJyQbtyyss443NxgWAJerFQ/s1600/5.jpg)
ປະລິນຍາກິດຕິມະສັກ ຫຼື Honorary degree ເປັນປະລິຍາທີ່ມະຫາວິທະຍາໄລຂອນແກ່ນມອບໃຫ້ແກ່ບຸກຄົນທີ່ມີຄວາມສາມາດ, ປະສົບຄວາມສຳເລັດສູງສຸດໃນວິຊາຊີບ, ມີກຽດຕິຄຸນດີເດັ່ນຈົເປັນທີ່ຍອມຮັບ ແລະ ເປັນແບບຢ່າງແກ່ບຸກຄົນທົ່ວໄປ ລວມທັງເປັນບຸກຄົນທີ່ອຸທິດຕົນເພື່ອປະໂຫຍດຕໍ່ສັງຄົມທີ່ກ່ຽວເນື່ອງກັບປະລິນຍາທີ່ໄດ້ຮັບ ເພື່ອຄົງໄວ້ເຊິ່ງສັກສີ ແລະ ສິດທິຂອງປະລິນຍາກິດຕິມະສັກ ທີ່ມະຫາວິທະຍາໄລຂອນແກ່ນມອບໃຫ້ກັບ ປອ. ທອງລຸນ ສີສຸລິດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ