ລັດເຊຍຄັດຄ້ານການປະນາມເກົາຫຼີເໜືອຂອງ UN
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhkKBW8WXXRG9TiDP91sEf71m3E4mPjVx5yM70A07hSTtxh-RCArufZAWobjInj_QQgFr5QsS7KHMH63KWwdTMA1yl0gDuHDn36Lc7J3qgIbfI9htJ1Av_k5sSqWSa0fxYLksQ4iHnO7C0/s1600/598.jpg)
ສຳນັກຂ່າວຕ່າງປະເທດລາຍງານ 20 ເມສາ 2017 ວ່າ: ລັດເຊຍບໍ່ເຫັນດີກັບຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ທີ່ໃຊ້ຖ້ອຍຄຳຮຸນແຮງໃນຖະແຫຼງການປະນາມການທົດສອບຂີປະນາວຸດຄັ້ງຫຼ້າສຸດຂອງເກົາຫຼີເໜືອ ເຖິງແມ່ນວ່າຈີນຈະໃຫ້ການສະໜັບສະໜູນຖະແຫຼງການສະບັບດັ່ງກ່າວກໍ່ຕາມ ເຊິ່ງເປັນຖະແຫຼງການທີ່ສະຫະລັດອາເມຣິກາເປັນຜູ້ສະເໜີ.
ຖະແຫຼງການໄດ້ຮຽກຮ້ອງໃຫ້ເກົາຫຼີເໜືອຢຸດຕິການທົດສອບອາວຸດນິວເຄຼຍ ແລະ ຂີປະນາວຸດ ເຊິ່ງບັນດາປະເທດສະມາຊິກຕ່າງກໍ່ສະແດງຄວາມເປັນຫ່ວງຢ່າງຍິ່ງກ່ຽວກັບພຶດຕິກຳທີ່ກໍ່ໃຫ້ເກີດຄວາມບໍ່ໝັ້ນຄົງຂອງເກົາຫຼີເໜືອ ແລະ ຂູ່ທີ່ຈະໃຊ້ມາດຕະການຈັດການກັບເກົາຫຼີເໜືອ.
ເຊິ່ງບັນດາຜູ້ແທນທາງການທູດຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ຕ່າງກໍ່ພາກັນປະຫຼາດໃຈທີ່ ລັດເຊຍບໍ່ເຫັນດີນຳກັບການປະນາມເກົາຫຼີເໜືອ ທັງໆທີ່ຈີນເຊິ່ງເປັນພັນທະມິດຫຼັກຂອງເກົາຫຼີເໜືອ ຍັງໃຫ້ການສະໜັບສະໜູນ ໂດຍລັດເຊຍຕ້ອງການຄວາມຊັດເຈນ ແລະ ຕ້ອງການໃຫ້ໃຊ້ພາສາທີ່ເນັ້ນຢໍ້າການແກ້ໄຂບັນຫາດ້ວຍການເຈລະຈາຄືກັບຖະແຫຼງການໃນສະບັນກ່ອນໜ້ານີ້ ບໍ່ແມ່ນຂົ່ມຂູ່ຄືກັບສະບັບນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ