ປ.ປູຕິນ ກ່າວທຸກຝ່າຍ "ຕ້ອງຢຸດ" ຂົ່ມຂູ່ ເຊິ່ງກັນ ແລະ ກັນ ຕໍ່ກັບບັນຫາໃນແຫຼມເກົາຫຼີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhgy8ZldPsWS3t9dgUmzFoI9wYETqLsZps676f8dKQFyZlsoXbhBnAabe5SbeV-58bqTwM3iuPqhP9kqIOFQCdd-0pfjSEtTXVjwu3LahKRgN6z6fNsS5r37eJAAqLl06g-uF8fMYCCDP8/s1600/793.jpg)
ສຳນັກຂ່າວ CNN ລາຍງານ 15 ພຶດສະພາ 2017 ວ່າ: ທ່ານ ປູຕິນ ປະທານປະເທດລັດເຊຍໃຫ້ສຳພາດນັກຂ່າວ ພາຍຫຼັງການເຂົ້າຮ່ວມປະຊຸມເວທີປຶກສາຫາລື "ໜຶ່ງແລວທາງ ໜຶ່ງເສັ້ນທາງ" ທີ່ນະຄອນຫຼວງປັກກິ່ງ ຂອງຈີນວ່າ: ລັດເຊຍບໍ່ເຫັນດີກັບການເພີ່ມປະເທດທີ່ມີອາວຸດນິວເຄຼຍໄວ້ໃນຄອບຄອງ ນອກຈາກນັ້ນ ລັດເຊຍຍັງເຫັນວ່າການທົດລອງຂີປະນາວຸດຂອງເກົາຫຼີເໜືອຄັ້ງຫຼ້າສຸດນີ້ ເປັນການກະທຳທີ່ສວນທາງກັບແນວທາງສ້າງສັນ ແລະ ຍັງເປັນໄພອີກດ້ວຍ.
ປ.ປູຕິນ ກ່າວຕື່ມອີກວ່າ: ມີຄວາມຈຳເປັນຫຼາຍທີ່ຜູ້ກ່ຽວຂ້ອງຈະຕ້ອງຢຸດຕິການກະທຳທີ່ເປັນການຮຸກຮານເກົາຫຼີເໜືອ ແລະ ຫາທາງອອກໃຫ້ກັບບັນຫານີ້ຢ່າງສັນຕິ.
ເຊິ່ງການທົດລອງຂີປະນາວຸດຄັ້ງຫຼ້າສຸດຂອງເກົາຫຼີເໜືອ ແມ່ນເກີດຂຶ້ນໃນວັນອາທິດທີ່ຜ່ານມາ (14 ພຶດສະພາ 2017) ໂດຍສື່ທາງການເກົາຫຼີເໜືອໄດ້ປະກາດວ່າເປັນຂີປະນາວຸດທີ່ມີໄລຍະການຍິງລະດັບໄກ ສາມາດຍິ່ງໄປເຖິງສະຫະລັດອາເມຣິກາ ພ້ອມທັງລະບຸວ່າສາມາດຕິດຫົວຮົບນິວເຄຼຍໄດ້ອີກດ້ວຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ