ສະຫະລັດ-ຍີ່ປຸ່ນ ຮ່ວມຊ້ອມຮົບຄັ້ງໃຫຍ່ ເພື່ອກົດດັນເກົາຫຼີເໜືອ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg8gqRVcZj-RKSF-1OBP2YUyrrOS3W-PYj77zYwb4U6u3CVmmdaKxtv5zgtMeP9342KkP1EoU6fsKuJdaxA3ZgJys4GuoGc7BErJgNekntE9W3sPuqZIFZqRikKdtz8aCcE3fap35taH0E/s1600/191.jpg)
ສຳນັກຂ່າວຕ່າງປະເທດລາຍງານ 1 ມິຖຸນາ 2017 ວ່າ: ກອງກຳລັງປ້ອງກັນຕົນເອງທາງທະເລຂອງຍີ່ປຸ່ນສົ່ງເຮືອຮົບ 2 ລຳຄື ເຮືອອາຊິກາຣະ ແລະ ເຮືອຢຸກະ ເຂົ້າຮ່ວມການຊ້ອມຮົບກັບກອງເຮືອຮົບ USS Carl Vinson ແລະ USS Ronald Reagan ຂອງສະຫະລັດໃນທະເລຍີ່ປຸນ (ທາເລຕາເວັນອອກ) ນອກຊາຍຝັ່ງຂອງແຫຼມເກົາຫຼີ ໃນເຂດນ່ານນ້ຳທີ່ຂີປະນາວຸດຂອງເກົາຫຼີເໜືອຕົກໃສ່ເປັນປະຈຳ ຈາກການທົດລອງຂີປະນາວຸດຄັ້ງຜ່ານໆມາ.
ນອກຈາກນີ້ຍັງມີຝູງຍົນຮົບ F-15 ຂອງກອງກຳລັງປ້ອງກັນຕົນເອງທາງອາກາດຂອງຍີ່ປຸ່ນ ໄດ້ເຂົ້າຮ່ວມການຊ້ອມຈຳລອງການສູ້ຮົບ ກັບຝູງຍົນຮົບ F-18 ຂອງກອງທັບສະຫະລັດ ໃນເວລາດຽວກັນອີກດ້ວຍ.
![](https://blogger.googleusercontent.com/img/b/R29vZ2xl/AVvXsEhubgp1UH5qwOMvqo4tUzT9JjqAF5j3SuT1D1cPRLbDPoxzCnYp4FAxHNxi60mdyjtyPPAeOsB3ql3dkwZixLH-KSqy-Ywlv2hlIf11YJ6p8ROYyisTFj3s7RRNQuSMC9p7JW7uyc1QOTA/s1600/192.jpg)
ໂຄສົກກອງກຳລັງປ້ອງກັນຕົນເອງຂອງຍີ່ປຸ່ນກ່າວວ່າ ຖືເປັນຕັ້ງທຳອິດທີ່ຍີ່ປຸ່ນໄດ້ຮ່ວມຊ້ອມຮົບກັບກອງເຮືອບັນທຸກຍົນຮົບຂອງສະຫະລັດເຖິງ 2 ລຳ ແລະ ຖືເປັນການຊ້ອມຮົບຄັ້ງໃຫຍ່ ແລະ ຄັ້ງສຳຄັນຂອງຍີ່ປຸ່ນ.
ທະເລຍີ່ປຸ່ນເປັນທະເລທີ່ກັ້ນແຍກຍີ່ປຸ່ນກັບແຫຼມເກົາຫຼີ ການຊ້ອມຮົບຄັ້ງນີ້ເກີດຂຶ້ນໃນຂະນະດຽວກັນກັບລັດຖະບານສະຫະລັດ ແລະ ລັດຖະບານຍີ່ປຸ່ນໄດ້ເພີ່ມແຮງກົດດັນຕໍ່ເກົາຫຼີເໜືອ ເພືື່ອໃຫ້ຍົກເລີກໂຄງການພັດທະນາຂີປະນາວຸດ ແລະ ອາວຸດນິວເຄຼຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ