UN ເຕືອນການຜະລິດຢາບ້າ ແລະ ການເສບຢາບ້າ ເປັນໄພຮຸກຮານໃໝ່ຂອງອາຊີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhf3Pevg3kpseYY3cNr5CS-UXlK-e1E8W5fdRpPf-3VcoNFw93Dw4615pbu1iHN8dl30m1H7rHz2G16SvfoM_PcdpOZhwRIau3rSf5UXf0zEyz9e_ZMEOhVWztKpEr_AFeCE2T-dZppWjY/s1600/722.jpg)
ເມື່ອບໍ່ດົນມານີ້ລາຍງານຂອງໜ່ວຍງານດ້ານອາຊະຍາກຳ ແລະ ຢາເສບຕິດຂອງສະຫະປະຊາຊາດ ຫຼື UNODC ເຕືອນວ່າການຜະລິດ ແລະ ການເສບຢາເສບຕິດປະເພດເມດແອມເຟຕາມິນ ຫຼື ຢາບ້າທີ່ເພີ່ມຂຶ້ນ ກຳລັງເປັນໄພຮຸນຮານໃໝ່ຂອງປະເທດໃນອາຊີ.
ໂດຍຕົວເລກການຈັບຢາບ້າໃນປີ 2015 ມີສູງເຖິງ 287 ລ້ານເມັດໃນອາຊີຕາເວັນອອກ ແລະ ອາຊີຕາເວັນອອກສຽງໃຕ້ ສະແດງເຖິງການເພີ່ມຂຶ້ນຈາກຕົວເລກໃນປີ 2011 ກວ່າສອງເທົ່າຕົວ.
UNODC ລະບຸວ່າການເສບຢາບ້າໃນ: ມຽນມາ, ລາວ, ຫວຽດນາມ ແລະ ກຳປູເຈຍ ເພີ່ມຂຶ້ນຫຼາຍໃນ 2015, ໂດຍສະເພາະປະເທດກຳປູເຈຍ, ຈີນ, ຟິລິບປິນ, ສິງກະໂປ ແລະ ຫວຽດນາມໄດ້ລາຍງານຕົວເລກທີ່ເພີ່ມຂຶ້ນຂອງຜູ້ເສບຢາບ້າໃນປີ 2015
UNODC ຄາດຄະເນວ່າການຜະລິດ ແລະ ການຄ້າຢາເສບຕິດສ້າງລາຍໄດ້ໃຫ້ກັບກຸ່ມອາຊະຍາກອນປີລະປະມານ 40,000 ລ້ານໂດລາສະຫະລັດ ແລະ ການຂະຫຍາຍຕົວຂອງການຜະລິດ ແລະ ການຄ້າຢາເສບຕິດນີ້ກໍ່ສະທ້ອນເຖິງການປ່ຽນແປງທາງເສດຖະກິດໃນອາຊີໂດຍລວມເຊັ່ນ: ກຸ່ມຜູ້ຄ້າຢາເສບຕິດມີການຕັ້ງໂຮງງານຜະລິດຢູ່ໃກ້ກັບຕະຫຼາດຜູ້ເສບ ເພາະຊົນຊັ້ນກາງໃນອາຊີເພີ່ມຂຶ້ນ ແລະ ລະດັບລາຍໄດ້ທີ່ເພີ່ມຂຶ້ນ ລວມທັງການເຊື່ອມຕໍ່ໃນຂອງກຸ່ມປະເທດໃນອາຊຽນ ກໍ່ເຮັດໃຫ້ການຂົນຍ້າຍຢາເສບຕິດເຮັດໄດ້ງ່າຍຂຶ້ນອີກດ້ວຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ