ຫ້າມສະມາຊິກລັດຖະບານ ດຳລົງຕຳແໜ່ງຢູ່ບ່ອນເກົ່າເກີນສອງສະໄໝຕິດຕໍ່ກັນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg2eDuAAVUydNadp39CLk2UqWH5jxL27Eo7m0j-nI6IINuxNCpLQVleX98CdxIviPBsYISKEDk0DYfzDNyNKj1rsEsSH3NkNh3IiZZPONjPjet9XhkyQe3GWAd26dEGDc4MXUe4Jzh-BQQ/s1600/160.jpg)
ໂດຍອີງຕາມກົດໝາຍວ່າດ້ວຍ ລັດຖະບານ ສະບັບເລກທີ 04/ສພຊ ລົງວັນທີ 08 ພະຈິກ 2016 ໄດ້ກຳນົດໄວ້ໃນມາດຕາ 10 ວັກ 2 ວ່າດ້ວຍອາຍຸການຂອງລັດຖະບານ ໄດ້ລະບຸວ່າ "ສະມາຊິກລັດຖະບານ ດຳລົງຕຳແໜ່ງຢູ່ບ່ອນເກົ່າ ບໍ່ເກີນ ສອງສະໄໝຕິດຕໍ່ກັນ" ເຊິ່ງລັດຖະບານມີອາຍຸການເທົ່າກັບອາຍຸການຂອງສະພາແຫ່ງຊາດ.
ເຊິ່ງໃນກົດໝາຍສະພາແຫ່ງຊາດ ສະບັບເລກທີ 64/ສພຊ ລົງວັນທີ 9 ທັນວາ 2015 ມາດຕາ 6 ອາຍຸການຂອງສະພາແຫ່ງຊາດແຕ່ລະຊຸດ ມີອາຍຸການ 5 ປີ (ຫ້າປີ) ເຊິ່ງເລີ່ມນັບຕັ້ງແຕ່ກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດນັ້ນ ໄປຈົນເຖິງກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດໃໝ່.
ໃນກໍລະນີທີ່ສະພາແຫ່ງຊາດໝົດອາຍຸການແລ້ວ ແຕ່ຍັງບໍ່ທັນໄດ້ຮັບຮອງເອົາລັດຖະບານຊຸດໃໝ່ນັ້ນ ໃຫ້ລັດຖະບານຊຸດເກົ່າສືບຕໍ່ປະຕິບັດໜ້າທີ່ຂອງຕົນຈົນກວ່າຈະມີລັດຖະບານຊຸດໃໝ່.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ