ໄຊຊະນະ ແກ້ວພິມພາ ພ້ອມພວກປະຕິເສດທຸກຂໍ້ກ່າວຫາ ພ້ອມສູ້ຄະດີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj3TBk4aS_slxjZgqRIK8kv0sCq8x4E_qrXtm2SMbrZS2ispojBhWVtGczIoIDeoM3-aRfC3mHxWM5MeSYWWCUjeLyfsB_sf0O8Iz1pdEAvAn2_0KNe7lQpg97geacrLxPIn7bnx8V4QsY/s1600/211.jpg)
ສື່ໃນໄທລາຍງານ 31 ກໍລະກົດ 2017 ວ່າ: ສານນັດສືບປາກຄຳໃຫ້ການຂອງຈຳເລີຍ ທີ່ໄອຍະການຄະດີຢາເສບຕິດຂອງໄທ ຍື່ນຟ້ອງທ້າວ ໄຊຊະນະ ແກ້ວພິມພາ ອາຍຸ 41 ປີ ສັນຊາດລາວ ແລະ ພວກຄົນໄທອີກ 2 ຄົນ ໃນຄະດີສົມຄົບກັນຕັ້ງແຕ່ 2 ຄົນຂຶ້ນໄປເພື່ອກະທຳຄວາມຜິດກ່ຽວກັບຢາເສບຕິດ.
ໂດຍກໍລະນີດັ່ງກ່າວສືບເນື່ອງມາຈາກເມື່ອວັນທີ 23 ກໍລະກົດ 2015 - 30 ທັນວາ 2016 ຈຳເລີຍກັບພວກຮ່ວມກັນມີຢາບ້າ 3,381,400 ເມັດ ໄວ້ໃນຄອບຄອງໂດຍບໍ່ຖືກຕ້ອງຕາມກົດໝາຍ ພ້ອມເງິນອີກ 144 ລ້ານບາດ ເຊິ່ງໄອຍະການໄດ້ຍື່ນຟ້ອງພ້ອມລະບຸຄັດຄ້ານການໃຫ້ປະກັນຕົວ ເນື່ອງຈາກຢາເສບຕິດຂອງກາງມີຈຳນວນຫຼາຍ, ຄະດີມີອັດຕາໂທດສູງ ເປັນຫ່ວງວ່າຖ້າໃຫ້ປະກັນ ເພື່ອປ່ອຍຕົວຊົ່ວຄາວຈຳເລີຍອາດຈະຫຼົບໜີຄະດີໄດ້.
ເຊິ່ງທັງ 3 ໄດ້ຖືກຂັງໄວ້ໃນຄຸກຕະຫຼອດມາພາຍຫຼັງຖືກຈັບກຸມ ເຊິ່ງໃນມື້ນີ້ສານໄດ້ນຳຕົວຈຳເລີຍທັງ 3 ມາສານເພື່ອສືບປາກຄຳ ແລະ ໃຫ້ການ, ສານໄດ້ອະທິບາຍຄຳຟ້ອງໃຫ້ຈຳເລີຍທັງ 3 ຟັງ ໂດຍເຂົ້າໃຈແລ້ວສອບຖາມວ່າຈະຮັບສາລະພາບ ຫຼື ປະຕິເສດ ປາກົດວ່າຈຳເລີຍທັງສາມໃຫ້ການປະຕິເສດ ແລະ ຈະຫາທະນາຍຄວາມມາຕໍ່ສູ້ຄະດີຕໍ່ໄປ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ