ເກົາຫຼີເໜືອເຕືອນ ສ.ອາເມຣິກາ ຊ້ອມຮົບຮ່ວມ ເກົາຫຼີໃຕ້ ຄືການສາດນ້ຳມັນເຂົ້າກອງໄຟ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhVWwPpPYsct_vTlkc9xeBHxUq2SKVoeE6YVQHq7eZQ66qObtYASYrDXHqGyBvG7aoRBXBdY6jys4dyb80hk7Z9ivtKByFoTCrSQqe7O6ErHLmaonxA0ppnQDEGwBB36IxgnZpuTAPbx6w/s1600/338.jpg)
ສຳນັກຂ່າວຕ່າງປະເທດລາຍງານ 20 ສິງຫາ 2017 ວ່າ: ໜັງສືພິມໂຣດອງ ຂອງທາງການເກົາຫຼີເໜືອຕີພິມບົດບັນນາທິການໃນມື້ນີ້ວ່າ: ການຊ້ອມຮົບຮ່ວມລະຫວ່າງສະຫະລັດອາເມຣິກາ ແລະ ເກົາຫຼີໃຕ້ ປຽບດັ່ງການສາດນ້ຳມັນໃສ່ກອງໄຟທ່າມກາງບັນຍາກາດຄວາມເຄັ່ງຕຶງຢູ່ແຫຼມເກົາຫຼີ.
ເຊິ່ງສະຫະລັດອາເມຣິກາມີກຳນົດເລີ່ມຊ້ອມຮົບຮ່ວມປະຈຳປີກັບເກົາຫຼີໃຕ້ພາຍໃຕ້ລະຫັດ Ulchi Freedom Guardian ໃນມື້ອື່ນນີ້, ໂດຍຈະມີທະຫານເຂົ້າຮ່ວມການເຝິກຊ້ອມເປັນຈຳນວນຫຼາຍໜື່ນຄົນ ໂດຍບົດບັນນາທິການທີ່ໄດ້ຮັບການຕີພິມໃນໜັງສືພິມຂອງພັກແຮງງານເກົາຫຼີເໜືອລະບຸວ່າ ການຊ້ອມຮົບຮ່ວມເປັນການສະແດງອອກເຖິງການເປັນປໍລະປັກກັບເກົາຫຼີເໜືອຢ່າງຊັດເຈນທີ່ສຸດ ເຊິ່ງບໍ່ມີໃຜສາມາດຮັບປະກັນໄດ້ວ່າ ການຊ້ອມນັ້ນຈະບໍ່ປ່ຽນມາເປັນການຮົບຈິງ ການກະທຳຂອງສະຫະລັດອາເມຣິກາ ແລະ ເກົາຫຼີໃຕ້ຈຶ່ງປຽບດັ່ງການສາດນ້ຳມັນເຂົ້າກອງໄຟທີ່ມີແຕ່ຈະເຮັດໃຫ້ສະຖານະການຢູ່ແຫຼມເກົາຫຼີທະວີຄວາມເຄັ່ງຕຶງຫຼາຍຂຶ້ນ.
![](https://blogger.googleusercontent.com/img/b/R29vZ2xl/AVvXsEi73lzGghA7qgNOKtVZs-G3pNWWQw_WXUyi2h0aqECYX94pi7RCYdeG4YIdvtm_zBPUJjc-KgxibRIkDyKv5n8BTo3wg-t69ZL4VE-TP82CcQTE9DFmMZj3qdKI3hrzKzpaYRizrnoO9bU/s1600/339.jpg)
ຂະນະທີ່ສະຫະລັດອາເມຣິກາ ແລະ ເກົາຫຼີໃຕ້ຢືນຢັນທີ່ຈະເດີນໜ້າເຝິກຊ້ອມຮ່ວມກັນພາຍໃຕ້ລະຫັດ Ulchi Freedom Guardian ຕາມແຜນ, ແຕ່ປະຕິເສດທີ່ຈະສະແດງຄວາມຄິດເຫັນວ່າ ຈະມີການຫຼຸດລະດັບ ເພື່ອຫຼຸດຜ່ອນຄວາມເຄັ່ງຕຶງຫຼືບໍ່ ສຳນັກຂ່າວ YTN ຂອງເກົາຫຼີໃຕ້ລາຍງານວ່າ ປະເທດພັນທະມິດກຳລັງພິຈາລະນາຍົກເລີກແຜນການນຳເຮືອບັນທຸກຍົນຮົບສອງລຳມາຍັງແຫຼມເກົາຫຼີ ເພື່ອເຂົ້າຮ່ວມເຝິກຊ້ອມໃນຄັ້ງນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ