ແມ່ລີງ "ກິນລູກ" ທີ່ຕາຍແລ້ວຂອງຕົນເອງ ທັງໆທີ່ຮັກລູກທີ່ສຸດເພາະຫຍັງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgAekQURAnGdncsRMlLZbE7_Ij9hY0B1JJqhQwCUQFxv1JQSRk0YLjwpqbi7XdcM1Up66FvmNmFcYSyiY3iqbUPMgJWKW2xszKK8wOqtDIwZy-8IeWS-KbzB-gkp1pwnryTR-BsrzRa4DuD/s1600/17.jpg)
ລີງ Primate ເປັນສັດທີ່ຮູ້ຈັກໃນຖານະສັດທີ່ໃຫ້ຄວາມອົບອຸ່ນແກ່ລູກຂອງມັນທີ່ສຸດຊະນິດໜຶ່ງ ແຕ່ເປັນຄັ້ງທຳອິດທີ່ນັກວິທະຍາສາດໄດ້ບັນທຶກເຫດການອັນໜ້າຕື່ນຕົກໃຈ ເມື່ອແມ່ລີງກິນລູກຂອງມັນເອງທີ່ຕາຍໄປແລ້ວ.
ທີມນັກວິໄຈໄດ້ທຳການສຶກສາແມ່ລູກອ່ອນລີງກັງຕົວໜຶ່ງທີ່ມີຊື່ວ່າ Evalyne ຈາກປ່າສະຫງວນ Parco Faunistico di Piano dell’Abatino ໃນປະເທດອິຕາລີ ແມ່ລີງຖືຮ່າງຂອງລູກນ້ອຍທີ່ຕາຍແລ້ວໄວ້ຫຼາຍອາທິດ ຈາກນັ້ນກໍ່ກິນຈົນເຫຼືອພຽງແຕ່ກະດູກ.
ລິງກັງມີຖິ່ນກະຈາຍພັນຢູ່ໃນອາຊີຕາເວັນອອກສຽງໃຕ້ ເມື່ອລູກຂອງມັນຕາຍ ມັນຈະອູ້ມຮ່າງຂອງລູກທີ່ຕາຍໄວ້ຫຼາຍຊົ່ວໂມງ ຫຼື ອາດຫຼາຍມື້ ເຊິ່ງອາດເປັນການສະແດງເຖິງຄວາມໂສກເສົ້າ ຫຼື ຄວາມບໍ່ເຂົ້າໃຈວ່າລູກຂອງມັນໄດ້ຕາຍໄປແລ້ວ.
![](https://blogger.googleusercontent.com/img/b/R29vZ2xl/AVvXsEhF9tY8X-vNXxIKRb7nMTlZNaLuhBdGB42ILXV_5YRBqMMn2bYVAP0TbmKs-IWGXc6ilHL1KvgcZ5EGdFaw3DbJWGrp4uvZj8zbzVC2bwz0zQxjKO2q6PFDOrBnXgAa9jwPerQm_YiSbDtJ/s1600/18.jpg)
"ພຶດຕິກຳແບບນີ້ມີບັນທຶກໄວ້ວ່າພົບໃນລີງຊິມແປນຊີ ແລະ ລີງໄພຣເມດອື່ນໆ ແມ່ລີງອູ້ມລູກນ້ອຍຂອງມັນຈົນຮ່າງຈະເນົ່າເປື່ອຍສະຫຼາຍຕົວ" Frans de Waal ຜູ້ຊ່ຽວຊານດ້ານລີງວິທະຍາ ແລະ ບໍ່ໄດ້ກ່ຽວຂ້ອງກັບການສຶກສາຄັ້ງນີ້ ຈາກ Emory University ກ່າວ.
ແຕ່ "ຄວາມແປກໃໝ່ກໍ່ຄື ການທີ່ມັນກິນລູກຂອງຕົນເອງ" de Waal ກ່າວ "ປົກກະຕິແລ້ວລີງກັງຈະບໍ່ກິນພວກດຽວກັນເອງ"
ແລະ ບໍ່ແມ່ນແຕ່ສະເພາະລີງກັງຈະບໍ່ກິນລູກຂອງຕົນເອງເທົ່ານັ້ນ "ພວກມັນເປັນສາຍພັນທີ່ກິນພືດ ແລະ ບໍ່ເຄີຍກິນຊີ້ນເລີຍ" Arianna De Marco ນັກຊີວະວິທະຍາດ້ານວິວັດທະນາການ ຈາກ Fondazione Ethoikos ໃນປະເທດອິຕາລີ ຫົວໜ້າການສຶກສາວິໄຈຄັ້ງນີ້ກ່າວ.
![](https://blogger.googleusercontent.com/img/b/R29vZ2xl/AVvXsEhVjeK8q-eb8u3CYLOa_wq76DEYAH4Pn-77yqrAbM4TMHaUHLnCdaXD4kAESpY00yf2zKon4bK5U6IGzpZkr89A-WCUs6CwZVdulY2CggQBZMuC-jZoo2NxxTfxWYQAgGxV3IZyf88KAV0K/s1600/19.jpg)
ຄວາມຕາຍຂອງລູກລີງເປັນເລື່ອງປົກກະຕິທີ່ແມ່ລີງຕ້ອງພົບພໍ້ຕາມທຳມະຊາດຂອງຊີວິດ ໃນປ່າສະຫງວນລູກລີງກັງເກີດໃຫຍ່ຈຳນວນ 51 ຕົວ, ມີຈຳນວນ 16 ຕົວທີ່ຕາຍເມື່ອເກີດ ຫຼັງລູກຂອງ Evalyne ຕາຍໄດ້ 4 ມື້ ມັນກໍ່ເລີ່ມຮ້ອງໂຫຍຫວນໃສ່ເງົາສະທ້ອນຂອງຕົນເອງຜ່ານປະຕູກົງ ເຊິ່ງເປັນພຶດຕິກຳທີ່ບໍ່ເຄີຍເກີດຂຶ້ນມາກ່ອນ ລາຍງານຈາກ De Marco ຜູ້ຕິດຕາມການສຶກສານີ້ ແລະ ຕີພິມເລື່ອງລາວລົງໃນວາລະສານ De Marco.
ແມ່ລີງກໍ່ຍັງອູ້ມລູກ ແລະ ເລຍລູກຂອງມັນຕໍ່ໄປ ເຖິງແມ່ນວ່າຮ່າງຂອງລູກລີງຈະແຫ້ງຈົນເງົາກໍ່ຕາມ, ການທີ່ຮ່າງຂອງລູກລີງແຫ້ງຈົນເປັນມັນມີສ່ວນຊ່ວຍຮັກສາຮູບຮ່າງຂອງລູກມັນໄວ້ ແລະ ນັ້ນອາດເປັນເຫດຜົນດຽວທີ່ເຮັດໃຫ້ແມ່ລີງຍັງພະຍາຍາມລ້ຽງລູກທີ່ມີບໍ່ມີຊີວິດຕໍ່ໄປ.
ເມື່ອສ່ວນຕ່າງໆຂອງຮ່າງກາຍຄ່ອຍໆຫຼຸດອອກຈາກຮ່າງຂອງລູກ ແລະ ຂົນເລີ່ມລົ່ນຈາກໝົດຈາກໃນອາທິດທີ 3 Evalyne ເລີ່ມເລັມເລີ່ມແຫ້ນລູກມັນ ຈາກລາຍງານທີ່ບັນທຶກໄວ້ມີລີງກັງໃນຈີນເຄີຍກິນລູກຂອງຕົນເອງ, ລິງໂບໂນໂບ ແລະ ຊິມແປນຊີເອງກໍ່ເຊັ່ນກັນ.
![](https://blogger.googleusercontent.com/img/b/R29vZ2xl/AVvXsEgxmpNER-R7sktkOxwjSOYWx8h651cXhwVSAKLM_wMYaibqMQ5r5nhd0_VPH94ewJbiCuN2ucbECKJLdjbcm7HyLvwJb1YbFtbkrXI15UlAOw8X4IQPM3xSQHT78XZY8PtPtUZsnucf2Szk/s1600/20.jpg)
"ມັນຂ້ອນຂ້າງຍາກທີ່ຈະໃຫ້ອະທິບາຍພຶດຕິກຳດັ່ງກ່າວ" De Marco ກ່າວ ບາງຄັ້ງພຶດຕິກຳລັກສະນະນີ້ອາດພົບໄດ້ໃນປ່າເຊັ່ນກັນ "ການປ່ຽນຈາກຄວາມຫ່ວງໃຍໃສ່ໃຈເບິ່ງແຍງ ໄປສູ່ການກິນກັນເອງເປັນເລື່ອງທີ່ເຮັດໃຫ້ມຶນງົງຫຼາຍ"
ຄຳອະທິບາຍທີ່ເປັນໄປໄດ້ສຳລັບພຶດຕິກຳຂອງ Evalyne ນີ້ ອາດຈະເກີດຈາກຄວາມແປກໃໝ່ຂອງການເປັນແມ່ ແລະ ໄລຍະເວລາທີ່ສັ້ນນັ້ນບໍ່ຜູກພັນຫຼາຍພໍ ດັ່ງນັ້ນແລ້ວການກິນໜ້າຈະເປັນຈຸດຈົບທີ່ດີທີ່ສຸດສຳລັບລູກຂອງມັນ De Marco ກ່າວ.
![](https://blogger.googleusercontent.com/img/b/R29vZ2xl/AVvXsEhoAdueMc-WN7x70rZwc4CjITIxlrixhI2yo3eVsPZjmCB25DVCG_mUZ4k23fTpmA2RQ-lBV6q38MLbn4cKAlQirqziMMK31fCuU3doP4JRqvaEu9ZSCzZVhyETuppzTr0ep1TL135ELxrm/s1600/21.jpg)
![](https://blogger.googleusercontent.com/img/b/R29vZ2xl/AVvXsEiuCcDoAoIwbn-CSO58fdLW-gZFgNeHHVpNOOo-NdaPXpd7fmjviHFtmCgsDzfKGX5p1o6hW_Uhx_269J2CYNd7FXr-0oEXpesT-e8UYAnUhNxUUSUdjOxxGu4O1NEBgVsPEklq7Ebfbr3C/s1600/22.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ