WHO ເຕືອນກາລະໂລກລະບາດໃນມາດາກາສະກາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjHjrNobRdj4vP1T7KXmi0JD7jT4HBUq3WUlruyZ0qWwi9JFwIYDi-ETihrn35SkCnfOH8_fS01_3uDc1iqYB7xKAV5qvqA8GyfuA_9ThnyTm2PlJ82-30Y2w3DPjXlYDvwU6WfJLBZZxcr/s1600/15.jpg)
ສຳນັກຂ່າວຕ່າງປະເທດລາຍງານ 30 ກັນຍາ 2017 ວ່າ: ກາລະໂລກ (plague) ສ່ວນໃຫຍ່ທີ່ແຜ່ເຊື້ອມາຈາກຫນູທີ່ມີຫມັດ ມະນຸດທີ່ຖືກກັດໂດຍຫມັດຕິດເຊື້ອມັກຈະພັດທະນາເປັນກາລະໂລກ ເຊິ່ງປາກົດການຕ່ອມນ້ຳເຫລືອງບວມໃຫຍ່ ແລະ ສາມາດປິ່ນປົ່ວໄດ້ດ້ວຍຢາຕ້ານເຊື້ອ.
ແຕ່ຍັງມີຮູບແບບຂອງປອດບວມທີ່ອັນຕະລາຍກວ່າ ແລະ ເປັນໄພໃຫຍ່ຫລວງຕໍ່ປອດ ສາມາດຂ້າຜູ້ປ່ວຍໄດ້ພາຍໃນ 24 ຊົ່ວໂມງ ຫາກບໍ່ໄດ້ຮັບການປິ່ນປົ່ວທີ່ຖືກຕ້ອງ, ໂດຍປະມານເຄິ່ງຫນຶ່ງຂອງຜູ້ປ່ວຍ 104 ຄົນ ຈະມີອາການປອດບວມ.
![](https://blogger.googleusercontent.com/img/b/R29vZ2xl/AVvXsEiqQPjRUwRuUFf7NvhnDlwKANB11wsOFTAIM4s_RtG07lYVQLwmt0mSVdGIKWzbiyF1pklnz_KLuIYcCm9_gsnpFW2kiZIIGagO52Lm34ofvYEoq2AIJYDzaXWS5lb1jrjfp-G-cHXvinXu/s1600/16.jpg)
ທ່ານ ທາຣິດ ຈາຊາເຣວິດ ໂຄສົກອົງການອະນາໄມໂລກ ຖະແຫຼງຂ່າວຕໍ່ສື່ມ່ວນຊົນທີ່ນະຄອນເຈນີວາ ເມື່ອວັນສຸກທີ່ຜ່ານມາວ່າ ເຂດທີ່ມີການປະບາດຢູ່ຕອນນີ້ຄືປະເທດມາດາກາສະກາ ທີ່ປະກອບດ້ວຍເມືອງຫຼວງອັນຕານານາຣິໂວ ແລະ ອີກ 2 ເມືອງຄື ເມືອງມາຮາເຈນກາ ແລະ ໂທອາມາຊິນາ.
ຈາກການຕິດຕາມສະຖານະການເຮັດໃຫ້ເກີດຄວາມຫນ້າເປັນຫ່ວງວ່າ ການລະບາດອາດແຜ່ກະຈາຍອອກໄປເປັນວົງກວ້າງ ເນື່ອງຈາກລະດູຂອງກາລະໂລກໃນມາດາກາສະກາຫາກໍ່ເລີ່ມ ແລະ ຈະດຳເນີນໄປຈົນເຖິງເດືອນ ເມສາ ປີໜ້າ ເຊິ່ງທີ່ຜ່ານມາມີຜູ້ຕິດເຊື້ອໂດຍສະເລ່ຍປີລະປະມານ 400 ຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ