ຜູ້ນຳຟິລິບປິນຍອມຮັບວ່າ "ເຄີຍຂ້າຄົນມາແລ້ວ" ສະໄໝເປັນໄວໜຸ່ມ ເພາະແນມໜ້າ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhJAH7n-87IwwPyokNjCX-v7lE73x_sdFVhTuGvNuinI3dbLBLag8Hlh1dk_H2B8J_oiTcvrgkcslhfE0yrny9geWPe9RcSvlxppq2mKeQTily_QIDZnL-Lc1zN_LcuOIugIQqn9BhTi1rF/s1600/734.jpg)
ສຳນັກຂ່າວຕ່າງປະເທດລາຍງານ 11 ພະຈິກ 2017 ວ່າ: ທ່ານ ໂຣດຼິໂກ ດູເຕເຕ ປະທານປະເທດຂອງຟິລິບປິນ ກ່າວລະຫວ່າງການພົບປະກັບຊາວຟິລິບປິນໃນຫວຽດນາມ ຂະນະເດີນທາງໄປຮ່ວມກອງປະຊຸມ APEC ທີ່ດານັງ ໂດຍທ່ານກ່າວພາຍຫຼັງຖືກຊັກຖາມເລື່ອງການລະເມີດສິດທິມະນຸດຈາກການປາບປາມຢາເສບຕິດວ່າ: "ສະໄໝຂ້າພະເຈົ້າເປັນໄວໜຸ່ມ ເຄີຍເຂົ້າຄຸກມາແລ້ວ ໃນການຕໍ່ສູ້ຄັ້ງໜຶ່ງເມື່ອຂ້າພະເຈົ້າ ອາຍຸ 16 ປີ, ຂ້າພະເຈົ້າເຄີຍຂ້າຄົນມາແລ້ວ ດ້ວຍການໃຊ້ມີດແທງ ພຽງເພາະແນມເບິ່ງໜ້າ" ຜູ້ນຳຟິລິບປິນຍັງກ່າວອີກວ່າ ທ່ານໃຊ້ເວລາໃນໄວໜຸ່ມສ່ວນໃຫຍ່ເຂົ້າ-ອອກຄຸກຫຼາຍຄັ້ງຫຼາຍຄາວ.
ໃນດ້ານໂຄສົກປະຈຳທຳນຽບປະທານປະເທດຟິລິບປິນກ່າວວ່າ: ຄຳເວົ້າເຫຼົ່ານັ້ນບໍ່ຄວນຖືເປັນເລື່ອງຈິງຈັງ ຄວນເບິ່ງວ່າເປັນ "ສີສັນ" ຂອງຜູ້ນຳຟິລິບປິນຫຼາຍກວ່າ ເຖິງຢ່າງໃດກໍ່ຕາມກ່ອນໜ້ານີ້ເມື່ອເດືອນທັນວາ ທີ່ປີຜ່ານມາ ທ່ານ ດູເຕເຕ ເຄີຍຍອມຮັບວ່າ ໄດ້ຂ້າຄົນມາແລ້ວສາມຄົນ ຂະນະທີ່ເປັນຜູ້ປົກຄອງເມືອງດາເວົາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ