ທ່ານ ສີ ຈິ້ນຜິງ ເດີນທາງເຖິງນະຄອນຫຼວງວຽງຈັນແລ້ວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgmyNUSMvLHV7SgcPDAsog1ieplYiW69OD_MqZ7jOR8U6V6CAJEjGGxLsBH113IsIsZTnOD2bnqaEZGcs65j7wUfhK4mYtlCDa-4f0hFq1G45byi1JzNMuE2vGO89jQJ2eEDB-KlUDBWt0i/s1600/777.jpg)
ທ່ານ ສີ ຈິ້ນຜິງ ປະທານປະເທດຈີນ ເດີນທາງເຖິງນະຄອນຫຼວງວຽງຈັນແລ້ວ ເມື່ອເວລາປະມານ 15:00 ໂມງ ຂອງວັນທີ 13 ພະຈິກ 2017 ນີ້, ໂດຍຍົນສາຍພິເສດຂອງ ສປ.ຈີນ ເພື່ອຢ້ຽມຢາມ ສປປ.ລາວ ຢ່າງເປັນທາງການ, ໃຫ້ກຽດອອກຕ້ອນຮັບໂດຍທ່ານ ພັນຄຳ ວິພາວັນ ຮອງປະທານປະເທດ ພ້ອມດ້ວຍການນຳຂັ້ນສູງພັກ-ລັດຖະບານ ສປປ.ລາວ.
![](https://blogger.googleusercontent.com/img/b/R29vZ2xl/AVvXsEj49EEP1GMEX8ZtdMOgPvvwqBUybbwKSmb2k9vFvjSFzpO7IyEdD4Krei43NqhZlc5m5h1QBKDRaUvF_iRREuuSS211aZNk8wMbnY1wjhvlr4wvfOqNYk-0L-IFEHc_8EuznBRUlapR_MP9/s1600/776.jpg)
ພິທີຕ້ອນຮັບ ທ່ານ ສີ ຈິ້ນຜິງ ພ້ອມດ້ວຍຄະນະຈະໄດ້ຈັດຂຶ້ນຢ່າງສົມກຽດຂອງວັນດຽວກັນ ທີ່ທຳນຽບປະທານປະເທດ, ໂດຍທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ.ລາວ ພ້ອມດ້ວຍຄະນະນຳຂັ້ນສູງ ຈະໄດ້ໃຫ້ການຕ້ອນຮັບ ແລະ ພາຍຫຼັງສຳເລັດພິທີຕ້ອນຮັບຢ່າງເປັນທາງການແລ້ວ ຈະມີພິທີພົບປະສອງຝ່າຍ ເພື່ອປຶກສາຫາລື ແລະ ເສີມຂະຫຍາຍການຮ່ວມມືຮອບດ້ານໃນຕໍ່ໜ້າ.
ການເດີນທາງມາຢ້ຽມຢາມ ສປປ.ລາວ ຢ່າງເປັນທາງການຂອງທ່ານ ສີ ຈິ້ນຜິງ ຜູ້ນຳສູງສຸດຂອງຈີນ ຖືເປັນຂີດໝາຍສຳຄັນໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງລາວ-ຈີນ ໃຫ້ໄດ້ຮັບການພັດທະນາຍິ່ງໆຂຶ້ນໃນອະນາຄົດ ແລະ ຍາວນານ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ