ອິດູຕົນເດ...! ແມ່ຍິງຊາວອິນເດຍອອກລູກຂາຕິດກັນ ຄືກັບນາງເງືອກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgKLGni71HNa2IwYGzOoBKIy7PaR848rFLdssggBOWD5d7vX-687t1sBuKwGK4dcGFc6t0Y9MIl26hKtG2SkBam8PMuPvIfQLC4MbbAHCJ3OJC9AAmCijKMl47vw08TpIF1AlpW_b29axCX/s1600/1002.jpg)
ແມ່ຍິງຊາວອິນເດຍຄົນໜຶ່ງໃນເມືອງໂກກັນຕາ ລັດເບງກໍຕາເວັນຕົກ ປະເທດອິນເດຍ ຕ້ອງສູນເສຍລູກນ້ອຍທີ່ເກີດມາໄດ້ພຽງ 4 ຊົ່ວໂມງ ເນື່ອງຈາກມີຄວາມຜິດປົກກະຕິທາງດ້ານຮ່າງກາຍ ໂດຍເກີດອອກມາມີຂາທັງສອງເບື້ອງຕິດກັນ ແລະ ບໍ່ມີອະໄວຍະວະເພດ ເນື່ອງຈາກກະດູກກົບບໍ່ພັດທະນາສົມບູນ.
![](https://blogger.googleusercontent.com/img/b/R29vZ2xl/AVvXsEhXBJMHxtv5Is8k9ZN9chRfvq5jujY3S_-Mx22ArJ3AcJP9975LMXYCKEb5K6qm_viEL64nxI-FN5oouy4FDbX6gT9hzg0acEcd4gwe2lF25qXHA7sxRGANorlIIFEFyzJVToaw7o-6sf6x/s1600/1000.jpg)
ໂດຍ ດຣ. ສຸທິບ ສາຮາ ໝໍແມ່ ແລະ ເດັກ ຂອງໂຮງໝໍແຫ່ງດັ່ງກ່າວໄດ້ກ່າວວ່າ: ພໍ່ແມ່ຂອງເດັກນ້ອຍລາຍນີ້ມີອາຊີບເປັນກຳມະກອນ, ແມ່ເດັກນ້ອຍບໍ່ມີເງິນພໍທີ່ຈະອັນຕາຊາວໃນລະຫວ່າງການຖືພາ ກວ່າຈະຮູ້ວ່າເດັກນ້ອຍຂາຕິດກັນຜິດປົກກະຕິ ກໍ່ຕອນເກີດອອກມາເທົ່ານັ້ນ ແລະ ຍັງຄາດວ່າສາເຫດອາດຈະເກີດຈາກ ແມ່ຂາດສານອາຫານທີ່ເໝາະສົມ ແລະ ເລືອດໄຫຼວຽນບໍ່ດີເຮັດໃຫ້ເດັກນ້ອຍໃນທ້ອງມີຄວາມຜິດປົກກະຕິຄືດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEjjRYz5uZdle4aThb1yq873kMv_B46yo6W2l2Oy9LUMsjdzN7Oy3vNQwcn3jUr3lapAEh1BLD9lsZi1bG9Kh-38su4iEPRpTJoYm8bWXq5T0hZN_YKD0xb8jQZA437sbFkfNCMuqwLt4uUp/s1600/1001.jpg)
ດຣ. ສຸທິບ ກ່າວຕໍ່ອີກວ່າ: ກໍລະນີເດັກເງືອກນີ້ ຖືເປັນລາຍທີ່ສອງຂອງອິນເດຍ ທີ່ມີພັດທະນາການຜິດປົກກະຕິທາງດ້ານຮ່າງກາຍຊ່ວງລ່າງ, ຂະນະທີ່ຜູ້ຊ່ຽວຊານດ້ານນີ້ຈາກມະຫາວິທະຍາໄລອັອກຟອດ ດຣ. ລິນຊີ ຟິດແຮຣິສ ອະທິບາຍວ່າ ອາກາດເດັກເງືອກນີ້ໃນທາງການແພດຮຽກວ່າ sirenomelia ຫຼື Mermaid syndrome ເຊິ່ງຈະພົບ 1 ຄົນ ໃນທຸກໆການເກີດເດັກນ້ອຍ 60,000 ເຖິງ 100,000 ຄັ້ງ.
ໂດຍຖືວ່າເດັກນ້ອຍຄົນນີ້ມີຊີວິດຢູ່ໄດ້ດົນທີ່ສຸດໃນໂລກແລ້ວ ກ່ອນໜ້ານີ້ເມື່ອປີ 2016 ກໍ່ເຄີຍມີກໍລະນີຄ້າຍກັນເມື່ອແມ່ຊາວອິນເດຍອາຍຸ 22 ປີ ຈາກລັດອຸດຕະຣະປະເທດ ໃຫ້ກຳເນີດເດັກນ້ອຍຂາຕິດກັນຄ້າຍຄືກັບກໍລະນີດັ່ງກ່າວນີ້.
ສ່ວນສາເຫດເກີດຂຶ້ນຈາກສາຍສະບືບໍ່ສາມາດສ້າງຫຼອດເລືອດແດງ 2 ຫຼອດໄດ້ ເຊິ່ງເຮັດໃຫ້ປະລິມານເລືອດໄປຫຼໍ່ລ້ຽງເດັກນ້ອຍໃນທ້ອງບໍ່ພຽງພໍ, ເດັກເງືອກເປັນອາກາດທີ່ມີຄວາມຮ້າຍແຮງຫຼາຍ ແລະ ທີ່ຜ່ານມາບໍ່ມີບັນທຶກການລອດຊີວິດເລີຍ ສ່ວນໃຫຍ່ເສຍຊີວິດພາຍໃນບໍ່ພໍເທົ່າໃດຊົ່ວໂມງ ພາຍຫຼັງທີ່ເກີດອອກມາເນື່ອງຈາກລະບົບໝາກໄຂ່ຫຼັງ ແລະ ພົກຍ່ຽວລົ້ມເຫຼວ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ