ລັດຖະບານອອກດຳລັດວ່າດ້ວຍ ວັນພັກ ເພື່ອຄວາມເປັນເອກະພາບໃນທົ່ວປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgFii64RvQ9hyphenhyphen_qZfe2ns5jhV55N-IDcqm9a7ji3sm2ai9sCda6wjLVcwIcHbPgitsrSQuBjXEz0P619O1WoKFEU6rpsfbWkgNV0LFTtSg7qvSJHMNS9S44V-AZNoa7pPXJjKbGhYkQsJS-/s1600/1099.jpg)
ລັດຖະບານໄດ້ອອກດຳລັດວ່າດ້ວຍ ວັນພັກ ເລກທີ 386/ລບ ລົງວັນທີ 15 ທັນວາ 2017 ເພື່ອເປັນບ່ອນອີງໃນການຈັດຕັ້ງປະຕິບັດ ໃຫ້ເປັນເອກະພາບໃນທົ່ວປະເທດ ສຳລັບອົງການຈັດຕັ້ງພັກ, ລັດ, ແນວລາວສ້າງຊາດ, ສະຫະພັນນັກຮົບເກົ່າ, ອົງການຈັດຕັ້ງມະຫາຊົນຂັ້ນສູນກາງ ແລະ ທ້ອງຖິ່ນ, ສຳນັກງານຜູ້ຕາງໜ້າຂອງ ສປປ.ລາວ ທີ່ປະຈຳຢູ່ຕ່າງປະເທດ, ອົງການຈັດຕັ້ງສາກົນ, ອົງການຈັດຕັ້ງທາງສັງຄົມ, ລັດວິສາຫະກິດ, ວິສາຫະກິດເອກະຊົນລາວ ແລະ ຕ່າງປະເທດຢູ່ລາວ.
ວັນພັກ ແມ່ນວັນຢຸດເຊົາການປະຕິບັດໜ້າທີ່ວຽກງານທາງລັດຖະບານ ຂອງພະນັກງານ-ລັດຖະກອນ, ທະຫານ, ຕຳຫຼວດ ແລະ ຜູ້ອອກແຮງງານ ເຊິ່ງປະກອບມີວັນພັກປະຈຳອາທິດ, ວັນພັກທາງລັດຖະບານ ແລະ ວັນພັກຊົດເຊີຍ.
- ວັນພັກປະຈຳອາທິດ ໝາຍເຖິງ ວັນເສົາ ແລະ ວັນອາທິດ
- ວັນພັກທາງລັດຖະບານ ໝາຍເຖິງ ວັນທີ່ລັດຖະບານອະນຸຍາດໃຫ້ຢຸດເຊົາການປະຕິບັດໜ້າທີ່ວຽກງານ ໃນວັນລັດຖະການ
- ວັນພັກຊົດເຊີຍ ໝາຍເຖິງ ວັນພັກທົດແທນຄືນ ວັນພັກທາງລັດຖະບານ ທີ່ກົງກັບວັນເສົາ ຫຼື ວັນອາທິດ.
ວັນພັກທາງລັດຖະບານ ປະກອບມີດັ່ງນີ້:
- ວັນທີ 1 ມັງກອນ (ວັນປີໃໝ່ສາກົນ)
- ວັນທີ 8 ມີນາ (ວັນແມ່ຍິງສາກົນ)
- ວັນບຸນປີໃໝ່ລາວ (ວັນສັງຂານລ່ວງ, ວັນສັງຂານເນົາ ແລະ ວັນສັງຂານຂຶ້ນ)
- ວັນທີ 1 ພຶດສະພາ (ວັນກຳມະກອນສາກົນ)
- ວັນທີ 2 ທັນວາ ( ວັນສະຖາປະນາ ສປປ.ລາວ)
ສຳລັບວັນສຳຄັນອື່ນ ຂອງອົງການ ແລະ ຂະແໜງການ ໃຫ້ກະຊວງ, ອົງການ, ການຈັດຕັ້ງທີ່ກ່ຽວຂ້ອງຢູ່ສູນກາງ ແລະ ທ້ອງຖິ່ນ ຈັດພິທີລະນຶກເຖິງວັນດັ່ງກ່າວ ດ້ວຍການຈັດພິທີໂຮມຊຸມນຸມ ຫຼື ສ້າງກິດຈະກຳຕ່າງໆ ໂດຍການມີສ່ວນຮ່ວມຂອງປະຊາຊົນ.
![](https://blogger.googleusercontent.com/img/b/R29vZ2xl/AVvXsEiPwGRbPg5N8NrDeMjmjbr4W4DmktOqDZAZJHdIfiaJafwhueYDYKRdBOcdKrv_ySOk-MAP6TJJY-Kgag9PcvG3VpaVpfWLg85LQY9s2V8CfEO9NtGInjGzdqy-si6FH0-77KgTobGW9V-f/s1600/1097.jpg)
![](https://blogger.googleusercontent.com/img/b/R29vZ2xl/AVvXsEhvWNTV2DFM4Xcalwgh0rNInMgTCGgLqubYkkjlpZ7pVWA02wiYtqajlburUzRjxMeQ0_bYgnlOv644hOOo6ocRK8XVkw18kfyP80C_M824a-Ul0Hpob3PjMWpaR3H-qW0yZL2k2_MPQH_Z/s1600/1098.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ