(ວິດີໂອ) ສ.ອາເມຣິກາ ຍອມຮັບພົບວັດຖຸລຶກລັບ (UFO) ເໜືອນ່ານຟ້າມະຫາສະໝຸດປາຊີຟິກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhmkfbnggSOG8lKVCcOcLpPaA0oC_fayNqTu_LSMlJPPdkgiX_IbyOJb9Bx4EHh2ue0H5YmeJZnsVE-1JopiZNEZBStEh3shtv2q_Ein_3iEtm2IQ55Z0lEveGoWhBZdJyzAQQHRmUrz6Ip/s1600/1096.jpg)
ສຳນັກຂ່າວຕ່າງປະເທດລາຍງານ 19 ທັນວາ 2017 ວ່າ: ກະຊວງປ້ອງກັນປະເທດສະຫະລັດ ອາເມຣິກາ ໄດ້ເຜີຍແຜ່ວິດີໂອທີ່ບັນທຶກພາບຈາກຫ້ອງນັກບິນຂອງຍົນຂັບໄລ່ F/A-18 ຂະນະກຳລັງບິນໄລ່ນຳວັດຖຸປິດສະໜາເໜືອນ່ານຟ້າໃນມະຫາສະໝຸດປາຊີຟິກ ຫ່າງຈາກຝັ່ງຂອງຊານດິອາໂກ້ ລັດຄາລິຟໍເນຍໄປທາງຕາເວັນຕົກປະມານ 160 ກິໂລແມັດ.
ໂດຍວິດີໂອດັ່ງກ່າວບັນທຶກໄດ້ໂດຍນັກບິນຂອງຍົນຂັບໄລ່ F/A-18 ນາວາໂທ ເດວິດ ຟຼາເວີ ແລະ ນາວາຕີ ຈິມ ສະໄລ ໃນຂະນະທີ່ບິນປະຕິບັດພາລະກິດຈາກເຮືອບັນທຸກຍົນຮົບ USS Nimitz ຈາກບັນທຶກວິດີໂອດັ່ງກ່າວສະແດງໃຫ້ເຫັນເຖິງບົດສົນທະນາຂອງນັກບິນທັງສອງ ທີ່ໂອ້ລົມກັນເຖິງການພົບວັດຖຸປິດສະໜາໃນປີ 2004 ເຊິ່ງມີຂະໜາດຄ້າຍຄືຍົນໂດຍສານ ແຕ່ສາມາດບິນໄດ້ໄວ ແລະ ຄ່ອງຕົວກວ່າຍົນໂດຍສານທົ່ວໄປ.
![](https://blogger.googleusercontent.com/img/b/R29vZ2xl/AVvXsEinD9_zT_f0bJ1LsfJLKhi_Y3Fi95JtLHNJ4LGeoJBpGeL0SPuTVMvdmwjpmaelad8XwzlV-l_aVgkT7Q5i_8YCbKFR506I5tAZ-u6vgzeEBztONM_FSJACT9T5g1ph8ciwSs7hPSqcI7Rn/s1600/1095.jpg)
ພວກເຂົາເຈົ້າພົບວັດຖຸດັ່ງກ່າວທີ່ລະດັບຄວາມສູງ 80,000 ຟິດ ກ່ອນຈະຫຼຸດລະດັບລົງມາຢູ່ທີ່ 20,000 ຟິດ ແລ້ວນັກບິນທັງສອງຈຶ່ງໄດ້ບິນຕິດຕາມ ເພື່ອບັນທຶກພາບດັ່ງກ່າວ ກ່ອນວັດຖຸລຶກລັບນັ້ນຈະບິນກັບໄປທີ່ລະດັບຄວາມສູງທີ່ນັກບິນທັງສອງບໍ່ສາມາດຕິດຕາມໄປໄດ້.
ເຖິງຢ່າງໃດກໍ່ຕາມສິ່ງທີ່ໜ້າສັງເກດວ່າ ຈາກວິດີໂອດັ່ງກ່າວ ອາດນຳໄປສູ່ງໂຄງການວິໄຈເພື່ອກວດຈັບວັດຖຸປິດສະໜານອກໂລກແບບລັບໆຂອງກະຊວງປ້ອງກັນປະເທດສະຫະລັດ ອາເມຣິກາ ໂດຍນຳງົບປະມານ 22 ລ້ານໂດລາສະຫະລັດມາວິໄຈ ເພື່ອພິສູດໃຫ້ຮູ້ໄພຮຸກຮານທີ່ອາດຈະມາຈາກນອກໂລກ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ