UN ມີມະຕິໃຫ້ມຽນມາຢຸດສູ້ຮົບທາງທະຫານ ໃນລັດຍະໄຂ່ ແຕ່ມີ 10 ປະເທດຄັດຄ້ານລວມທັງ ສປປ.ລາວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEih3fQEAD_jxVsCWTOLIFzi9jW4XZEdouOKnFU0P7HTxVKyx-Rx3q-caxjs6flw1hbtHQ4FdKD5qlRUJUBsrC63aP_bYMmmWunk6YsKdSzZ-jr3q-pmnUajZeLwTneZUwdS9HpNa5Mmkttu/s1600/33.jpg)
ສຳນັກຂ່າວຕ່າງປະເທດລາຍງານ 25 ທັນວາ 2017 ວ່າ: ໃນກອງປະຊຸມສະມັດຊາໃຫຍ່ສະຫະປະຊາຊາດ (UNGA) ວາລະສຸກເສີນ ເມື່ອວັນອາທິດ (24 ທັນວາ) ທີ່ຜ່ານມາ ເພື່ອພິຈາລະນາຮ່າງມະຕິທີ່ສະເໜີໂດຍ 57 ປະເທດສະມາຊິກອົງກອນການຮ່ວມມືອິດສະລາມ (OIC) ຮຽກຮ້ອງໃຫ້ກອງທັບມຽນມາຢຸດຕິປະຕິບັດການທາງການທະຫານ ແລະ ການລະເມີດສິດທິມະນຸດຕໍ່ຊາວໂຣຮິງຢາໃນລັດຍະໄຂ່ ລວມເຖິງການສະເໜີໃຫ້ແຕ່ງຕັ້ງຜູ້ແທນພິເສດປະຈຳມຽນມາ ແລະ ການຮຽກຮ້ອງໃຫ້ລັດຖະບານມຽນມາພາຍໃຕ້ການນຳຂອງທ່ານ ນາງ ອອງ ຊານ ຊູຈີ ອະນຸຍາດໃຫ້ເຈົ້າໜ້າທີ່ຂອງໜ່ວຍງານບັນເທົາທຸກລົງພື້ນທີ່ໃນລັດຍະໄຂ່.
RT @mg2411: RT @aridan13: Overwhelming support for the #UNGA resolution authorizing a UN envoy for #Myanmar. pic.twitter.com/NijtrjxvNH— HRW Burma (@HRWBurma) December 25, 2017
ເຊິ່ງຜົນການລົງມະຕິປາກົດວ່າ 122 ປະເທດຮັບຮ່າງມະຕິດັ່ງກ່າວ ແຕ່ມີ 10 ປະເທດອອກສຽງຄັດຄ້ານ ແລະ 24 ປະເທດງົດອອກສຽງ, ຂະນະທີ່ 37 ປະເທດບໍ່ເຂົ້າຮ່ວມກອງປະຊຸມ, ເຊິ່ງປະເທດທີ່ຄັດຄ້ານແນ່ນອນວ່ານຳໂດຍມຽນມາ, ຈີນ, ລັດເຊຍ, ລາວ, ຫວຽດນາມ, ກຳປູເຈຍ, ຟິລິບປິນ, ເບລາຣຸດຊີ, ຊີຣີ ແລະ ຊິມບຳເວ.
![](https://blogger.googleusercontent.com/img/b/R29vZ2xl/AVvXsEhvpbowMJc9FTDsVeWK2gOgAaXyY54U5XXxy-lfBn_bQr8j3eD9__fZYN08YgnWQ8x_ZLMZAWheW5AtebYlnSZeRASEjT-YycTvUHDrj2u20hs48FEJiCXHKjjtlt5G1rhlIpKVf9FrjnF_/s1600/32.jpg)
ເຖິງຢ່າງໃດກໍ່ຕາມ ລັດຖະບານມຽນມາປະກາດເມື່ອອາທິດທີ່ຜ່ານມາວ່າ ໄດ້ຫ້າມທ່ານ ນາງ ອີ ຢາງ-ຮີ ຜູ້ແທນຜິເສດຂອງສະຫະປະຊາຊາດດ້ານສິດທິມະນຸດໃນມຽນມາເດີນທາງເຂົ້າປະເທດ ຈົນກວ່າຈະໝົດວະລະ ແລະ ຍົກເລີກການຮ່ວມມືທັງໝົດດ້ານສິດທິມະນຸດທີ່ຢູ່ພາຍໃຕ້ການຄຸມຄອງຂອງທ່ານ ນາງ ອີ ຢາງ-ຮີ ໂດຍທາງການມຽນມາໃຫ້ເຫດຜົນວ່າ: ໝົດຄວາມເຊື່ອໝັ້ນໃນການປະຕິບັດງານຮ່ວມກັບທ່ານ ນາງ ອີ ຢາງ-ຮີ ເນື່ອງຈາກທ່ານ ນາງ ປະຕິບັດໜ້າທີ່ຢ່າງບໍ່ເປັນກາງ ແລະ ຈຸດປະສົງຂອງການປະຕິບັດງານກໍ່ບໍ່ໄດ້ຕັ້ງຢູ່ບົນພື້ນຖານຂອງຄວາມເປັນຈິງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ