ໄຊບີເຣຍ (ລັດເຊຍ) ອຸນຫະພູມ -68 ອົງສາເຊ ໜາວສຸດເປັນປະຫວັດສາດ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEi7OqNjgZu7bqKry0J-5gCy0I8PraM_TPD4yGvJalrMP3hEyPT6Wn0JJHTzH9lwmf1v9JZX_Wef172gXLDvNJqm50dZLGio2OPHyib4SR5GF3FRmYMoi-icHKTtEfcWmifXRm4Vsa0PU3nM/s1600/341.jpg)
ໃນເຂດປົກຄອງຕົນເອງສາທາລະນະລັດຊາຮາ ເຂດໄຊບີເຣຍ ທາງພາກຕາເວັນອອກໄກຂອງລັດເຊຍ ທີ່ຢູ່ຫ່າງຈາກນະຄອນຫຼວງມົດສະກູໄປທາງຕາເວັນອອກປະມານ 5,300 ກິໂລແມັດ ອຸນຫະພູມລົງຕ່ຳເຖິງ -68 ອົງສາເຊ, ເຈົ້າໜ້າທີ່ທ້ອງຖິ່ນໄດ້ສັ່ງປິດໂຮງຮຽນມາຕັ້ງແຕ່ວັນທີ 17 ມັງກອນ ທີ່ຜ່ານມາ ທີ່ອຸນຫະພູມລົງເຖິງລະດັບ -65 ອົງສາເຊ, ໂດຍໃນຊາຮາຖືເປັນທີ່ຕັ້ງຂອງບ້ານໂອມຢາຄອນ ເຊິ່ງໄດ້ຮັບການຮຽກຂານວ່າ ເປັນຖິ່ນທີ່ຢູ່ອາໄສຖາວອນຂອງມະນຸດທີ່ໜາວທີ່ສຸດໃນໂລກ.
![](https://blogger.googleusercontent.com/img/b/R29vZ2xl/AVvXsEh7tuquiSu43GI2zCuaOquHJuE7slNZ5FsnSEGB7gi5Iw0NzJMxqAkpTDm-OepjOQcS_8wTfkQwfGJSz1DNil75cw-TNqYULb-bfS5deM9wjpW3Gi9XsPeIY1csp5_1mEp5LzyS750zbjMy/s640/342.jpg)
ໂດຍມີປະຊາຊົນຈຳນວນຫຼາຍ ທີ່ຢູ່ໃນເຂດດັ່ງກ່າວນີ້ ໄດ້ພາກັນຖ່າຍຮູບພາບ ແລະ ວິດີໂອ ເຜີຍແຜ່ລົງໃນໂລກອອນລາຍເປັນຈຳນວນຫຼາຍ, ຂະນະທີ່ບາງກຸ່ມກໍ່ໄດ້ເຜີຍແຜ່ວິດີໂອທີ່ສະແດງຄວາມອາດຫານລົງໄປລອຍນ້ຳທ່າມກາງອຸນຫະພູມຕິດລົບທີ່ໜາວເຢັນທີ່ສຸດໃນໂລກ.
ເຖິງແມ່ນວ່າໃນນະຄອນຫຼວງມົດສະກູ ສະພາບອາກາດຈະບໍ່ຮຸນແຮງປານໃດ ແຕ່ອຸນຫະພູມກໍ່ຕິດລົບ -7 ອົງສາໃນວັນພະຫັດ (18 ມັງກອນ) ແລະ ມີຫິມະຕົກຫຼາຍເຮັດໃຫ້ສະພາບການຈາລະຈອນເຄື່ອນຕົວໄດ້ຊ້າ ເຈົ້າໜ້າທີ່ຕ້ອງໄດ້ຈະກາຍກຳລັງຄົນກວ່າ 10,000 ຄົນ ເພື່ອເຂົ້າໄປອຳນວຍຄວາມສະດວກຕາມເສັ້ນທາງສາຍຕ່າງໆໃນນະຄອນຫຼວງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ