ຝຣັ່ງປັ່ນປ່ວນທົ່ວປະເທດ ແຮງງານຢຸດວຽກປະທ້ວງນະໂຍບາຍລັດຖະບານ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhzcY6ZSoOA7ab0HPSpzu13DFp0dai35FAZRJZWwNgr78vLPZonDSp8RsSI7bNBfCEnsnhe7c1plOyoOhxuxLfHq3R7qdnVyGYTyt4tyN0XT94J5cXx2k_kRrUpnGUrIcqAjCMBYyLNFbs/s1600/567.jpg)
ສຳນັກຂ່າວຕ່າງປະເທດລາຍງານ 22 ມີນາ 2018 ວ່າ: ຄູ, ພະນັກງານຂັບລົດໄຟ ແລະ ເຈົ້າໜ້າທີ່ຫໍບັງຄັບການບິນ ພ້ອມໃຈກັນຢຸດວຽກປະທ້ວງ ໃນເມືອງຕ່າງໆທົ່ວປະເທດຝຣັ່ງ ເພື່ອຕໍ່ຕ້ານແຜນການປະຕິຮູບຂອງລັດຖະບານທີ່ນຳໂດຍທ່ານ ເອມມານູເອວ ມາຄຼອງ ປະທານປະເທດ.
![](https://blogger.googleusercontent.com/img/b/R29vZ2xl/AVvXsEhQgGAV69HEG352OtOk1ooqt6V2XNAcl-h1Yy5_FtgnsIE_RArQkVSdB0Rq2bMgqsqMcfhS7S4rwUzlNd0Zvwp2Je-Rh6iJEKNIg5vkBJFTNxT6_QZ4YYmfSXwg3flDaN5lFBueH5Qj9Yc/s1600/569.jpg)
ທ່ານ ໂລຮອງ ແບເກີ ເລຂາທິການສະຫະພາບແຮງງານ CFDT ກ່າວວ່າ: ການຢຸດວຽກປະທ້ວງໃຫຍ່ໃນຄັ້ງນີ້ ຖືເປັນການສົ່ງສັນຍານເຕືອນຕໍ່ລັດຖະບານຂອງທ່ານ ເອມມານູເອວ ມາຄຼອງ.
ເຈົ້າໜ້າທີ່ລັດທີ່ເຂົ້າຮ່ວມການປະທ້ວງ ຕ້ອງການຂຶ້ນເງິນເດືອນ ແລະ ຕໍ່ຕ້ານແຜນການປະຕິຮູບທີ່ຈະເຮັດໃຫ້ມີຜູ້ຕົກງານ 120,000 ຄົນ ພາຍໃນປີ 2022 ສ່ວນພະນັກງານຂອງບໍລິສັດລົດໄຟແຫ່ງຊາດ SNCF ປະຕິເສດແຜນການຂອງລັດຖະບານ ທີ່ຈະປ່ຽນແປງບໍລິສັດ ກ່ອນເປີດໃຫ້ມີການແຂ່ງຂັນທາງທຸລະກິດ.
ການປະທ້ວງຖືເປັນການທົດສອບຄັ້ງຫຼ້າສຸດ ສຳລັບຜູ້ນຳສາຍກາງອາຍຸ 40 ປີ ທີ່ພະຍາຍາມຊຸກດັນແຜນປະຕິຮູບກິດຈະການລົດໄຟຂອງລັດ ແລະ ໜ່ວຍງານອື່ນໆຂອງລັດ ເຊິ່ງໃນອະດີດສະຫະພາບແຮງງານຂອງຝຣັ່ງມັກຈະເປັນຝ່າຍປະສົບຄວາມສຳເລັດ ໃນການກົດດັນໃຫ້ລັດຖະບານກັບລຳນະໂຍບາຍ ແຕ່ທ່ານ ມາຄຼອງ ແລະ ຄະນະລັດຖະມົນຕີຈະບໍ່ຍອມປະຕິບັດຕາມແຮງກົດດັນ ເຖິງແມ່ນວ່າການປະທ້ວງຈະເຮັດໃຫ້ປະເທດປັ່ນປ່ວນຫຼາຍເດືອນຈາກການຢຸດວຽກກໍ່ຕາມ.
ການປະທ້ວງໃນວັນທີ 22 ມີນານີ້ ເຮັດໃຫ້ບໍລິການລົດໄຟຄວາມໄວສູງຖືກຍົກເລີກປະມານ 60%, ລົດໄຟລະຫວ່າງເມືອງ 75% ແລະ ຖ້ຽວບິນໂດຍສານເຂົ້າອອກສະໜາມບິນ 5 ແຫ່ງຂອງນະຄອນຫຼວງປາຣີສຖືກຍົກເລີກການເດີນທາງປະມານ 30%.
![](https://blogger.googleusercontent.com/img/b/R29vZ2xl/AVvXsEisobS6IOGUwqpsSKuwgkLLd_tXCsEv27rTx1aJ_oUy1JBK7waPzizpm4QM-Ft1HXzQhiruEslAw-Gng_pBjjNlwhcMSh_ZrNbRx11h6FlkSeT_7B7idTwaFYCjIw5x6iWm2jMmYLdwNvY/s1600/568.jpg)
![](https://blogger.googleusercontent.com/img/b/R29vZ2xl/AVvXsEiUheGE0CdcXwmROWAkiw9BgFoO_lC2n3-PJkLYK6sOCxFhtMu-GC9rxjgsPedOXkKh7m-_NOcuJE__FWKRd8FpDIA6PDzS5XR2jupV-_K1MaxlmaKKeuZjbfCC0TWE-1GAk6iiXHPFqJg/s1600/570.jpg)
![](https://blogger.googleusercontent.com/img/b/R29vZ2xl/AVvXsEgVd54-BMMANdjCqGt41si-3RxKKtNFk5aUp1Yha49CL77T4kNQ0ejSQeYnu9YFiFTFHthyphenhyphenvxeAq8dN5e9erJVdeAf3mu5p1cjLHe80Q4BCkus4IAPirAEvI2d9WBsbkQZSmaJKtkC-qDw/s1600/571.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ