ທາງການຢືນຢັນວ່າ ເຂື່ອນນ້ຳອູ 2 ຍັງແຂງແຮງ ແລະ ປົກກະຕິດີ ບໍ່ໄດ້ແຕກຕາມຂ່າວລື
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgGdFSULpXgN6NlWO_ZCEEQkZGTdwOs2GFvBO84xR4uS_3OR0gMQgeciaLXB8-ocVbQgu5ZlMq272Ij3jOGewwyPOeDCFC-kqAKaq5_dUd1nPIuepeO6TcVd7-7DhmGvzQEA1WloYhMCD0/s1600/1831.jpg)
ວິທະຍຸກະຈາຍສຽງແຫ່ງຊາດລາຍງານວ່າ: ໃນວັນ 27 ກໍລະກົດ 2018 ເກີດມີຂ່າວລືກ່ຽວກັບເຂື່ອນນໍ້າອູ 2 ຢູ່ແຂວງຫຼວງພະບາງ ໃກ້ຈະແຕກ ແຕ່ຄວາມຈິງແລ້ວ ເປັນພຽງບັນຫາລະດັບນ້ຳສູງກວ່າຂີດອັນຕະລາຍ.
ຕາມຂໍ້ມູນຂອງ ກົມອຸຕຸແຈ້ງວ່າ ໄລຍະວັນທີ 27-30 ຝົນຍັງຈະສືບຕໍ່ຕົກ ແລະ ປະລິມານນໍ້າຢູ່ເຂື່ອນໄຟຟ້ານໍ້າອູ 2 ແຂວງຫຼວງພະບາງ ສູງກວ່າຂີດອັນຕະລາຍ ເຊິ່ງແຈ້ງການດັ່ງກ່າວໄດ້ເຮັດໃຫ້ ປະຊາຊົນທີ່ອາໄສຢູ່ກ້ອງເຂື່ອນແຕກຕື່ນ ຈຳນວນໜຶ່ງໄດ້ມີການເກັບມ້ຽນເຄື່ອງຂອງ ຍົກຍ້າຍໄປໄວ້ທີ່ສູງ.
![](https://blogger.googleusercontent.com/img/b/R29vZ2xl/AVvXsEg26wOj342EJv2xWoYsSsO4qtQhOIzNDrgdqr1_UAKXH1uqk2gh4nVI2h-50eWPcc9WCvPgxatd_W8NwWG3x6fgLd0Nc3pv95Ra7zBVWvafSTHZycOYNrbgmEldJnzIWYpEKOnNJg7vGX8/s1600/1832.jpg)
ແຕ່ຂ່າວລືໃນສື່ສັງຄົມອອນລາຍ ຍິ່ງສ້າງຄວາມຕົກໃຈໃຫ້ກັບສັງຄົມ ບອກວ່າເຂື່ອນນໍ້າອູ 2 ຈະແຕກ ເຊິ່ງໃນຄວາມເປັນຈິງປັດຈຸບັນນີ້ ປະລິມານນໍ້າຂຶ້ນສູງແທ້ ແຕ່ເຂື່ອນນ້ຳອູຍັງບໍ່ທັນໄດ້ແຕກ ເຊິ່ງຜູ້ຮັບຜິດຊອບຂອງເຂື່ອນໄດ້ແຈ້ງວ່າ ການປ່ອຍນໍ້າອອກຈາກເຂື່ອນ ຍັງເປັນປົກກະຕິ. ຕໍ່ກັບບັນຫາດັ່ງກ່າວ ທ່ານ ບຸນທັນ ບໍລະວົງ ຮອງເຈົ້າເມືອງປາກອູ ພ້ອມດ້ວຍຄະນະກຳມະການ ໄດ້ລົງກວດກາຕົວຈິງ ເຫັນວ່າປະຊາຊົນມີຄວາມແຕກຕື່ນແທ້ ສ່ວນບັນຫາຂ່າວລືກ່ຽວກັບເຂື່ອນນ້ຳອູ 2 ຈະແຕກ ແມ່ນບໍ່ມີມູນຄວາມຈີງ.
ດັ່ງນັ້ນ, ຈື່ງໄດ້ປຸກລະດົມໃຫ້ປະຊາຊົນ ຈົ່ງຢ່າແຕກຕື່ນກັບຂໍ້ມູນຂ່າວສານ ທີ່ບໍ່ເປັນຄວາມຈີງ. ໂອກາດນີ້ ທ່ານຮອງເຈົ້າເມືອງປາກອູ ໄດ້ຮຽກຮ້ອງໃຫ້ປະຊາຊົນລາວບັນດາເຜົ່າ ໂດຍສະເພາະ ປະຊາຊົນພາຍໃນເມືອງປາກອູ ຈົ່ງມີສະຕິໃນການຊອກຮູ້ຂໍ້ມູນຂ່າວສານ ພ້ອມກັນດຳລົງຊີວິດຕາມທິດຊີ້ນຳຂອງພັກ-ລັດ ເພື່ອພັດທະນາບ້ານເມືອງໃຫ້ສີວິໄລ. ສຳລັບລະດັບນ້ຳທີ່ອອກຈາກເຂື່ອນໄຟຟ້ານ້ຳອູ 2 ແມ່ນຢູ່ໃນສະພາບປົກກະຕິ ໂດຍມີປະລິມານຫຼາຍຂື້ນຕາມສະພາບຝົນຕົກ. ລວມທັງເຂື່ອນນ້ຳຄານ ກໍ່ຢູ່ໃນສະພາບປົກກະຕິ.
![](https://blogger.googleusercontent.com/img/b/R29vZ2xl/AVvXsEhZHzgKZ943hskB03jasIAHgODu8_cSChNZr5rL37yMhua98oopJ55oD2Z770IHSi9ZOo0oHZa91K_b1XoexeRCxAxM1TLlqKn9JeztYrsij-o03zl-jcJsMrlrW2nG4Uqj0Aq7lKmOXt4/s1600/1834.jpeg)
![](https://blogger.googleusercontent.com/img/b/R29vZ2xl/AVvXsEibm2UP66tb63RGJAonM4uClwEOW-M5Qdj-PBOmZMuA8dD-PlFczwnda7AhXWGCOyGI_lyHzT1sqsDnhb0wz-m-PVErsvz6Cx8yF0AgyccjK6y0fUII6auAydXVHSvFTJDD_iwnvaQISAM/s1600/1835.jpeg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ