ອົດສະຕຣາລີ ໃຫ້ການຊ່ວຍເຫຼືອມູນຄ່າ 800,000$ ແລະ ພ້ອມຄຽງຂ້າງໃນການຟື້ນຟູໄພພິບັດສະໜາມໄຊ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiCweSTA1vrID31wCiZIoAlHT7daZqpPkB_mT65Xu30av7EhURVOwcdYRAVPvZbcAmdvQn3a9o2j7xfd07G7NnwD1WJbDohcPnL0xMdf8qD97dPHIuN3zRRJgIOyL5EtR263tQ3_hNp0EY/s1600/1870.jpg)
ລາຍງານ 28 ກໍລະກົດ 2018, ກະຊວງການຕ່າງປະເທດອົດສະຕຣາລີໃຫ້ຮູ້ວ່າ: ລັດຖະບານອົດສະຕຣາລີ ໄດ້ໃຫ້ການຊ່ວຍເຫຼືອດ້ານມະນຸດສະທຳ ໃນການສະໜັບສະໜູນລັດຖະບານ ສປປ.ລາວ ເພື່ອແກ້ໄຂບັນຫາໄພພິບັດເຂື່ອນເຊປຽນ-ເຊນ້ຳນ້ອຍແຕກ ທີ່ເມືອງສະໜາມໄຊ ແຂວງອັດຕະປື, ເຊິ່ງທາງການອົດສະຕຣາລີຢືນຢັນທີ່ຈະຢູ່ຄຽງຂ້າງປະຊາຊົນລາວໃຫ້ກ້າວຜ່ານອຸປະສັກຄັ້ງນີ້ໄປໄດ້.
ໂດຍອີງຕາມການຮ້ອງຂໍຂອງລັດຖະບານລາວ ອົດສະຕຣາລີໄດ້ຈັດສັນອຸປະກອນບັນເທົາທຸກເປັນເງິນມູນຄ່າ 800,000 ໂດລາສະຫະລັດ ທີ່ປະກອບດ້ວຍເຕັ້ນ, ເຄື່ອງກອງນ້ຳ ແລະ ອະນາໄມພັນ ເຊິ່ງໄດ້ຈັດສົ່ງໂດຍຍົນ C-17A Globemaster ຂອງກອງທັບອາກາດອົດສະຕຣາ ພາຍໃຕ້ການຮ່ວມມືກັບໜ່ວຍງານຂອງອົງການສະຫະປະຊາຊາດ ສົ່ງເຖິງ ສປປ.ລາວ ແລ້ວແຕ່ວັນທີ 27 ກໍລະກົດ ທີ່ຜ່ານມາ, ນອກຈາກນີ້ ຍັງມີທີມຊ່ວຍເຫຼືອຈາກອົດສະຕຣາລີ ເພື່ອໃຫ້ການຊ່ວຍເຫຼືອ ແລະ ຟື້ນຟູສະຖານະການຈາກໄພພິບັດ.
ອົດສະຕຣາລີໄດ້ປະຕິບັດງານຢ່າງໃກ້ຊິດກັບລັດຖະບານຂອງ ສປປ.ລາວ ແລະ ພ້ອມໃຫ້ການຊ່ວຍເຫຼືອເພີ່ມເຕີມຫາກຈຳເປັນ, ເຊິ່ງ ສປປ.ລາວ ແລະ ອົດສະຕຣາລີ ໄດ້ສ້າງຕັ້ງສາຍພົວພັນອັນສະໜິດແໜ້ນລະຫວ່າງກັນມາຢ່າງຍາວນານເຖິງ 66 ປີແລ້ວ, ຈາກຊ່ວຍພົວພັນດັ່ງກ່າວອົດສະຕຣາລີໄດ້ກາຍເປັນຄູ່ຮ່ວມຍຸດທະສາດທີ່ເຂັ້ມແຂງ ແລະ ໃຫ້ການຊ່ວຍເຫຼືອ ສປປ.ລາວ ມາໂດຍຕະຫຼອດປະມານ 42 ລ້ານໂດລາສະຫະລັດຕໍ່ປີ.
![](https://blogger.googleusercontent.com/img/b/R29vZ2xl/AVvXsEgbWk1MPpIHJpJI-sf5w11IHJKRlr53cqbq1SKglnK1SIBEt5MLbfLAkMKrJtVFuy8sNdIp7lXQ9T9cW50vd5ubGD1SogU0ACqlY63PKUtExZpXqq2XOeLW-5jm8erRPTxBm7-8AZbD5TE/s1600/gd6_n.jpg)
![](https://blogger.googleusercontent.com/img/b/R29vZ2xl/AVvXsEizQ0Bk-Ak0ruaj8Fmz2zZ9ayjc2Ni-bkYMr9RvQWCb31fUmPoUoeDe5ZPbdrugPHWbileM93vjPdQR3B_lTQfo5K5-judMJrjGSJ07sMFKwSoh0yDj8bqFDs1OWVkXF7bXaQsB_ef182A/s1600/ff576_n.jpg)
![](https://blogger.googleusercontent.com/img/b/R29vZ2xl/AVvXsEh7-txSSXmMle1wolaWU1gIh-7mbTQ3wmDVhP3SXw1JIe76iZnf0IWrEEwakwI8qMwlpq62kK_EhiWtAomi4ufT1Th2jG5LkFPC9BmryJ4PJbrsmEMpy-Q1JcH2pWSQgm-7x5qfSzA0200/s1600/dfgd.jpg)
![](https://blogger.googleusercontent.com/img/b/R29vZ2xl/AVvXsEjeHvEl9rajg5LBrBut1_fR2Wr9hZz0U4ps8HCJvcd2zsquict0UPXJvVDgqpzjgv9azoqAVXFQtOEDIuxnDGvAplugM7sfIrrc1yILQyzEyQ2lmEzty5wxsLDgMTfSia9GAIelvL0HNXU/s1600/sdfgf.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ