ທາງການແຂວງອັດຕະປືລາຍງານວ່າ ຜູ້ສູນຫາຍບໍ່ຮູ້ຂ່າວຄາວມີ 123 ຄົນ ຈາກໄພພິບັດເຂື່ອນແຕກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjSGtSoU2L81ZJZ0qDyXCm6_zhum3YNx5WFx62tuccrpJVu9xM16Yo8H3eS03HCSRme61_Ct-GLhTvlciZvdK5od-zhELBvToxaw4KO2eLtLZKSb4ZxRwwnnIYBEOhQeGM-LEujq_guuHc/s1600/000_17Y7LR.jpg)
ລາຍງານ 28 ກໍລະກົດ 2018, ອີງຕາມບົດລາຍງານຈາກຫ້ອງວ່າການແຂວງອັດຕະປື ເຖິງທ່ານ ລັດຖະມົນຕີ ເລື່ອງສະພາບນ້ຳຖ້ວມ ແລະ ຕົວເລກຜູ້ເສຍຊີວິດຢູ່ 13 ບ້ານ ຂອງເມືອງສະໜາມໄຊ ແຂວງອັດຕະປື: ຕົວເລກຜູ້ເສຍຊີວິດມາຮອດວັນທີ 28 ກໍລະກົດ 2018 ມີ 8 ຄົນ, ສູນຫາຍບໍ່ຮູ້ຂ່າວຄາດ 123 ຄົນ.
ສະພາບການຊອກຄົ້ນຫາຂອງໜ່ວຍກູ້ໄພຍັງພົບອຸປະສັກຫຍຸ້ງຍາກສົມຄວນ ເພາະເນື້ອທີ່ໆຖືກນ້ຳຖ້ວມພາຍຫຼັງນ້ຳຫຼຸດລົງແລ້ວ ແຕ່ຍັງມີຂີ້ຕົມສູງປະມານ 50 ຊັງຕີແມັດຂຶ້ນໄປ.
![](https://blogger.googleusercontent.com/img/b/R29vZ2xl/AVvXsEinI-G82Lb7nBRZ1MLrkPzwHCV4KIamoOS2q2sCKy7HnCE_97JGvchRg3DyYcJ0POQyhLlYw_gHmm7d6egSFBc_vp_5MDxG-p3z2-az7WSsdyGiKv6VveoeQacG4eow5HZue8Eqsf1GKVU/s1600/000_17Y7M2.jpg)
ສະພາບປະຊາຊົນທີ່ປະສົບໄພ ທາງຄະນະນຳແຂວງອັດຕະປື ພ້ອມດ້ວຍຄະນະນຳຂອງເມືອງ ກໍ່ໄດ້ລົງຕິດຕາມຢ້ຽມຢາມປະຊາຊົນຜູ້ອົບພະຍົບຕາມຈຸດຕ່າງໆເປັນປົກກະຕິ ພ້ອມທັງໄດ້ຈັດແພດ-ໝໍຕິດຕາມປະຈຳຢູ່ແຕ່ລະຈຸດ ເພື່ອເບິ່ງແຍງສຸຂະພາບຢ່າງໃກ້ຊິດ, ນອກນີ້ ຍັງມີພີ່ນ້ອງຮ່ວມຊາດຈາກຕ່າງແຂວງໃນທົ່ວປະເທດຫຼັ່ງໄຫຼມາມອບເຄື່ອງອຸປະໂພກ-ບໍລິໂພກ ແກ່ຜູ້ປະສົບໄພ ຢ່າງບໍ່ຂາດສາຍເຮັດໃຫ້ປະຊາຊົນມີກຳລັງໃຈດີຂຶ້ນເປັນກ້າວໆ ແລະ ໃນມື້ນີ້ແຂວງກໍ່ຍັງສືບຕໍ່ມອບເງິນຊ່ວຍເຫຼືອໃຫ້ຄອບຄົວລະ 5 ແສນກີບ (ຖືວ່າເປັນການບັນເທົາທຸກໃນເບື້ອງຕົ້ນ).
ສ່ວນການຊ່ວຍເຫຼືອ ແມ່ນໄດ້ຮັບການຊ່ວຍເຫຼືອຈາກພາກສ່ວນຕ່າງໆທັງໝົດ 1,009 ພາກສ່ວນ ມາຮອດວັນທີ 28 ກໍລະກົດນີ້ ຈຳນວນຕົວເລກບໍລິຈາກທັງໝົດມີ 30.4 ຕື້ກວ່າກີບ (ຖືວ່າເພີ່ມຈາກມື້ວານ 8 ຕື້ກວ່າກີບ) ໃນນີ້ເປັນເງິນສົດ 12 ຕື້ກວ່າກີບ, ເຂົ້າສານ 286 ໂຕນ, ເຄື່ອງອຸປະໂພກບໍລິໂພກ ຄິດເປັນມູນຄ່າ 18 ຕື້ກວ່າກີບ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ