ຄົ້ນພົບດາວເຄາະນອກລະບົບສຸລິຍະ 7 ດວງ ມີລັກສະນະຄ້າຍຄືໂລກ ສິ່ງແວດລ້ອມເໝາະສົມສຳລັບສິ່ງມີຊີວິດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgWk1q8EwkSNNoJpG0TihXvciA4IFQ28zgZSNk1g8JAxMqXtcWjiTEMzatXK0Poh8nAfsc6WeuNKdRD5gGuElawGWj9AcC-8ZYnRVQM1Uve1ys6NaXGXTIUuCpJTZzfk-qcygRL_s0SkUI/s1200/152.jpg)
![](https://blogger.googleusercontent.com/img/b/R29vZ2xl/AVvXsEgWk1q8EwkSNNoJpG0TihXvciA4IFQ28zgZSNk1g8JAxMqXtcWjiTEMzatXK0Poh8nAfsc6WeuNKdRD5gGuElawGWj9AcC-8ZYnRVQM1Uve1ys6NaXGXTIUuCpJTZzfk-qcygRL_s0SkUI/s400/152.jpg)
ຄະນະນັກດາລາສາດລະຫວ່າງປະເທດເປີດເຜີຍການຄົ້ນພົບດາວເຄາະ ໃນລະບົບດາວແຫ່ງໃໝ່ທີ່ມີລັກສະນະຄ້າຍກັບໂລກມະນຸດເຖິງ 7 ດວງ ຫ່າງຈາກໂລກປະມານ 40 ປີແສງ ຫຼື ປະມານ 378 ລ້ານລ້ານກິໂລແມັດ ແຕ່ຖືວ່າເປັນໄລຍະທາງທີ່ໃກ້ກັບໂລກຕາມມາດຕະຖານທາງດາລາສາດ.
ລາຍງານດັ່ງກ່າວຖືກຕີພິມໃນວາລະສານ Nature ເມື່ອວັນພຸດ 22 ກຸມພາ 2017 ຕາມເວລາໃນສະຫະລັດ ອາເມຣິກາ ລະບຸວ່າດາວເຄາະທີ່ມີຂະໜາດເທົ່າໆກັບໂລກມະນຸດທັງ 7 ດວງນີ້ ມີມວນສານໜ້ອຍກວ່າ ຫຼື ເກືອບເທົ່າກັບໂລກມະນຸດ.
![](https://blogger.googleusercontent.com/img/b/R29vZ2xl/AVvXsEgB9dMCgVccQOjEfSzeE-vhZsaAYHMmoEnWrp6erWhnA1S_PjvfwXNQ40FYebJZfAhJmAmaoABaLJrntgBhltOfohRJJsFfRXI2lSv6MZAEHkY9yir_hflxHIY5W10IkCly9nTDTY7cipk/s400/153.jpg)
ຂະນະດຽວກັນອຸນຫະພູມຢູ່ເທິງພື້ນຜິວກໍ່ເຊື່ອວ່າມີຄວາມເປັນໄປໄດ້ທີ່ອາດຈະມີຂອງແຫຼວ ຫຼື ນໍ້ຳໄດ້ ເຊິ່ງເປັນລັກສະນະບົ່ງບອກຂອງສະພາບທີ່ເອື້ອອຳນວຍຕໍ່ການມີສິ່ງມີຊີວິດ ດາວເຄາະທັງ 7 ແມ່ນໂຄຈອນໃນລະບົບດາວ TRAPPIST-1 ເຊິ່ງຖືເປັນຄັ້ງທຳອິດທີ່ຄົ້ນພົບລະບົບດາວເຄາະນອກລະບົບສຸລິຍະທີ່ເປັນດາວເຄາະຂະໜາດໃກ້ຄຽງກັບໂລກມະນຸດ.
![](https://blogger.googleusercontent.com/img/b/R29vZ2xl/AVvXsEgWXECbNDliH9wcf7coKTNfqhM7Gnql5IrcLegGetkmru6RzxCCKJA7IApxxFa-LSVXHxoRIqcOvps0LOUgABgqLbtkPqhyEC6-pmYrVxxNoH28uzd5V0xFN4zSXbBW2UkhFIk-QVD_aOo/s400/154.jpg)
ທ່ານ Michaël Gillon ນັກລາດາສາດຈາກ University of Liège ໃນແບນຊິກ ກ່າວວ່າຮູ້ສຶກດີໃຈທີ່ຄະນະນັກລາດາສາດໄດ້ຄົ້ນພົບລະບົບດາວທີ່ໜ້າປະທັບໃຈນີ້ຢູ່ນອກລະບົບສຸລິຍະ ເຊິ່ງບໍ່ແມ່ນເປັນພຽງການຄົ້ນພົບດາວເຄາະຫຼາຍໆດວງເທົ່ານັ້ນ ແຕ່ຍັງພົບວ່າດາວເຄາະທັງໝົດມີຂະໜາດດຽວກັບໂລກມະນຸດຢ່າງໜ້າອັດສະຈັນໃຈ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ