ຜິດຫຼັກສາສະໜາຖືກຟາດຈົນໝົດສະຕິຄາເວທີ ຕໍ່ໜ້າສາທາລະນະ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgVFheHRvXU2KqOZAC0cupL0oGw72p42aE8OlMFGIPwtb-esaDivf9Dxs7Oweanzak8aT3iXpuRW4omr_Xwde-AxKhgvHn-5B7onNkze1lBqOw9KSfO7y4sd7DkNn49s81ZZ9lnp4FsEHo/s1200/172.jpg)
![](https://blogger.googleusercontent.com/img/b/R29vZ2xl/AVvXsEgVFheHRvXU2KqOZAC0cupL0oGw72p42aE8OlMFGIPwtb-esaDivf9Dxs7Oweanzak8aT3iXpuRW4omr_Xwde-AxKhgvHn-5B7onNkze1lBqOw9KSfO7y4sd7DkNn49s81ZZ9lnp4FsEHo/s400/172.jpg)
ສຳນັກຂ່າວຕ່າງປະເທດລາຍງານຈາກເມືອງບັນດາອາເຈະ ປະເທດອິນໂດເນເຊຍ ເມື່ອວັນທີ 27 ກຸມພາ 2017 ວ່າ ທ້າວ ເຮີຣີຊານ ບິນ ຢູນຸສ ອາຍຸ 27 ປີ ເປັນລົມໝົດສະຕິເທິງເວທີ ຫຼັງຖືກຟາດດ້ວຍຫວາຍ 8 ຄັ້ງ ຕໍ່ໜ້າປະຊາຊົນກຳນວນຫຼາຍ ໃນເມືອງບັນດາອາເຈະ ເມືອງເອກຂອງແຂວງອາເຈະ ເຊິ່ງເປັນແຂວງດຽວຂອງທັງໝົດ 31 ແຂວງ ແລະ 2 ເຂດການປົກຄອງພິເສດຂອງປະເທດອິນໂດເນເຊຍ ເຊິ່ງເປັນປະເທດທີ່ມີປະຊາກອນເປັນຊາວມຸດສະລິມຫຼາຍທີ່ສຸດໃນໂລກ ທີ່ບັງຄັບໃຊ້ກົດໝາຍຊາຣີອະ.
![](https://blogger.googleusercontent.com/img/b/R29vZ2xl/AVvXsEhf1-grnK0BfamDy_dp1558Z_S1QtBlMzEMjzBJmJudwvhdFXiJ8Bz7QHEDbaQ4lWYFFDBxLmEBD-Lo74HKuwhbBXoqKp4jJiLKR5mYgI1p3JulU81Ty50m3priQMYBuJBjB_4gsNPdQis/s400/173.jpg)
ເຈົ້າໜ້າທີ່ໄດ້ຫາມທ້າມ ເຮີຣີຊານລົງຈາກເວທີ ແຕ່ເມື່ອໄປເຖິງມືໝໍ ເພື່ອກວດຮ່າງກາຍແລ້ວໄດ້ລົງຄວາມເຫັນວ່າ ລາວມີສຸຂະພາບແຂງແຮງດີ ທ້າວ ເຮີຣີຊານ ຈຶ່ງຖືກນຳກັບຂຶ້ນໄປເທິງເວທີອີກຮອບໜຶ່ງ ແລະ ຖືກຟາດຕໍ່ອີກ 14 ຄັ້ງ ຈົນຄົບ 22 ຄັ້ງຕາມທີ່ສານສາສະໜາທ້ອງຖິ່ນຕັດສິນໃຫ້ລົງໂທດ ຈາກຄວາມຜິດຖານໃຊ້ເວລາຢູ່ກັບສອງຕໍ່ສອງໃນບ່ອນລັບຕາຄົນກັບຜູ້ຍິງຄົນໜຶ່ງທີ່ບໍ່ແມ່ນເມຍ.
ທ້າວ ເຮີຣີຊານເປັນ 1 ໃນປະຊາຊົນ 8 ຄົນທີ່ຖືກລົງໂທດຟາດດ້ວຍຫວາຍຕໍ່ໜ້າປະຊາຊົນ ຖານກະທຳຜິດກົດສາສະໜາຂອງແຂວງ.
![](https://blogger.googleusercontent.com/img/b/R29vZ2xl/AVvXsEh1u8XGlYqnGUPygeopYY7bZmZn3XYquLm-08jBQREo2RQYCn87Z0I9Fuaj19jYzLm6P5gnLf2TvvkZjeX0gskmNaGyzp7k48gk1teiFEg7WCdnPgvygLdE9if58lWOjRman0nLifZjeVE/s400/174.jpg)
ການຟາດດ້ວຍຫວາຍຕໍ່ໜ້າສາທາລະນະມີຂຶ້ນເປັນປະຈຳໃນອາເຈະ ໂດຍຖານຄວາມຜິດທີ່ຈະຖືກລົງໂທດດ້ວຍວິທີນີ້ມີຕັ້ງແຕ່ການຫຼິ້ນການພະນັນ, ດື່ມສິ່ງມຶນເມົາ, ມີເພດສຳພັນກັບຄົນເພດດຽວກັນ ຫຼື ຢູ່ສອງຕໍ່ສອງໃນບ່ອນລັບຕາກັບເພດກົງກັນຂ້າມທີ່ບໍ່ແມ່ນຜົວເມຍທີ່ຖືກຕ້ອງຂອງຕົນ.
![](https://blogger.googleusercontent.com/img/b/R29vZ2xl/AVvXsEjWh-w3lCd2ecpUBQfg5woExdm3jit6bCo9YEOq1Mq6IVFqxfXgPbU35MJw7VRxHVma1k4SaHjTWRSo-nSLkrKfM6ia1dPBP-xNwta5H1YKRcuCkFxxpNSdPO7ei2tOu_mvIcfZfFJuwQE/s400/175.jpg)
ແຂວງອາເຈະ ແມ່ນຕັ້ງຢູ່ເກາະສຸມາດຕາ ທາງພາກຕາເວັນຕົກສຽງເໜືອຂອງປະເທດ ເລີ່ມມີການບັງຄັບໃຊ້ກົດໝາຍຊາຣີອະ ຫຼັງໄດ້ຮັບອະນຸມັດສະຖານະເຂດປົກຄອງພິເສດໃນປີ 2001 ເຊິ່ງເປັນຄວາມພະຍາຍາມຂອງລັດຖະບານກາງໃນນະຄອນຫຼວງຈາກາຕາ ໃນການແກ້ໄຂບັນຫາການກໍ່ຄວາມບໍ່ສະຫງົບເພື່ອແບ່ງແຍກດິນແດນອາເຈະທີ່ມີມາຢ່າງຍາວນານ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ