ອາບູໄຊຢາບຕັດຫົວຕົວປະກັນຊາວເຢຍລະມັນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjzNQd804YGxrn-QVgDlXI7o5iM5iK1qDK94KZR46E1dXSOai8HN4kpN1-eIUiCRug__jGMCSIkvvyFnjvaESQ61HrO4Pn7i8CadIm6ROCenm0zhxkIJWqQr_qK3chQA0M4zy4k1VeprF8/s1200/170.jpg)
![](https://blogger.googleusercontent.com/img/b/R29vZ2xl/AVvXsEjzNQd804YGxrn-QVgDlXI7o5iM5iK1qDK94KZR46E1dXSOai8HN4kpN1-eIUiCRug__jGMCSIkvvyFnjvaESQ61HrO4Pn7i8CadIm6ROCenm0zhxkIJWqQr_qK3chQA0M4zy4k1VeprF8/s400/170.jpg)
ສຳນັກຂ່າວຕ່າງປະເທດລາຍງານເມືອວັນທີ 27 ກຸມພາ 2017ວ່າ: ວິດີໂອຂອງກຸ່ມອາບູໄຊຢາບ ເຊິ່ງຖືກເຜີຍແຜ່ຕໍ່ໂດຍກຸ່ມຂ່າວກອງ SITV ສະແດງໃຫ້ເຫັນສະມາຊິກອາບູໄຊຢາບ ໃສ່ໝວກຜ້າປິດຄຸມໃບໜ້າຄົນໜຶ່ງ ໃຊ້ພ້າຂໍຕັດຫົວທ່ານ ເຈເກນ ກຸສຕາບ ຄານເນີ ຕົວປະກັນຊາວເຢຍລະມັນ ອາຍຸ 71 ປີ ຂະນະທີ່ສະມາຊິກຄົນອື່ນໆເວົ້າອອກສຽງສັນລະເສີນພະເຈົ້າ.
ຕຳຫຼວດຟິລິບປິນກ່າວ່າ ທ່ານ ຄານເນີ ຖືກຂ້າຢູ່ເຂດອິນດານານ ແຂວງຊູລູ ທາງພາກໃຕ້ ເມື່ອວັນອາທິດທີ 26 ກຸມພາ 2016 ຫຼັງການເຜີຍແຜ່ຄລິບວິດີໂອ ທ່ານ ຈີຊັສ ດູເຣຊາ ຜູ້ແທນພິເສດຂອງລັດຖະບານຟິລິບປິນກ່າວຢືນຢັນການເສຍຊີວິດຂອງທ່ານ ຄານເນີ ແລະ ວ່າຫຼາຍຝ່າຍລວມເຖິງກອງທັບຟິລິບປິນ ພະຍາຍາມທຸກວິທີທາງເພື່ອຊ່ວຍຊີວິດທ່ານ ຄານເນີ ຈົນເຖິງນາທີສຸດທ້າຍ ແຕ່ບໍ່ສຳເລັດ ສ່ວນເຈົ້າໜ້າທີ່ກອງທັບປະຈຳພາກໃຕ້ກ່າວວ່າ ຍັງບໍ່ພົບສົບຂອງທ່ານ ຄານເນີ
![](https://blogger.googleusercontent.com/img/b/R29vZ2xl/AVvXsEgVjWge2FYL29rwI42MhoPDa5zn5KeeD9e6N8O7c6aAiGEleDGQMzgBeOXMJLL6b3DSGMLorjLNALmye3oyxBnCnBvfWr3JQrGsm5h6EWdxV3eWJUIoz9mlcQ1-0S4xH68kxUyVvgeH2lg/s400/171.jpg)
ທ່ານ ຄານເນີ ຖືກກຸ່ມອາບູ ໄຊຢາບ ບຸກລັກພາຕົວຈາກເຮືອ ທີ່ແລ່ນຢູ່ໃນທະເລນອກຊາຍຝັ່ງລັດຊາບາຂອງມາເລເຊຍ ເມື່ອເດືອນ ພະຈິກ ປີທີ່ຜ່ານມາ ໂດຍ ທ່ານ ນາງ ຊາບີນ ເມີຊ ແຟນຂອງລາວຖືກຍິງເສຍຊີວິດຄາເຮືອ ຕໍ່ມາອາບູໄຊຢາບ ໄດ້ຍື່ນຂໍ້ສະເໝີຮຽກຮ້ອງຄ່າໄຖ່ຕົວທ່ານ ຄານເນີ ເປັນເງິນຈຳນວນ 30 ລ້ານເປໂຊຟິລິບປິນ ຫຼື ປະມານ 6 ພັນລ້ານກີບ ແລະ ກາຍຂີດເສັ້ນຕານການປະກັນໄປເມື່ອວັນອາທິດທີ່ຜ່ານມາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ