ກອງທັບອິຣັກຢຶດຝັ່ງຕາເວັນຕົກຂອງເມືອງໂມຊຸນໄດ້ແລ້ວ 1 ໃນ 3
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEikV_7Iu2wdcbiJG4QMUqT90BAJUlsUgrvFgC4l70n7kCatGfode4Lx35FOP-knaACRBO1xncMFlT8xQqHPCUL6c8po0eG46fMZlHF2BvyMFmLuErHTMbMkEBO48npj0WWXFO_tt8__QwI/s1200/318.jpg)
![](https://blogger.googleusercontent.com/img/b/R29vZ2xl/AVvXsEikV_7Iu2wdcbiJG4QMUqT90BAJUlsUgrvFgC4l70n7kCatGfode4Lx35FOP-knaACRBO1xncMFlT8xQqHPCUL6c8po0eG46fMZlHF2BvyMFmLuErHTMbMkEBO48npj0WWXFO_tt8__QwI/s400/318.jpg)
ສຳນັກຂ່າວຕ່າງປະເທດລາຍງານ 13 ມີນາ 2017 ວ່າ: ໜ່ວຍຮົບພິເສດຂອງກອງທັບອິຣັກ ລາຍງານເມື່ອວັນອາທິດທີ່ຜ່ານມາວ່າ ນັບຕັ້ງແຕ່ປະຕິບັດການຕໍ່ຕ້ານກຸ່ມ ISIS ໃນຝັ່ງຕາເວັນຕົກເມືອງໂມຊຸນ ເຊິ່ງເປັນເມືອງໃຫຍ່ໃນພາກເໜືອຂອງປະເທດ ໂດຍເຈົ້າໜ້າທີ່ຝ່າຍຄວາມໝັ້ນຄົງຂອງອິຣັກທັງທະຫານ ແລະ ຕຳຫຼວດສົນທິກຳລັງຮ່ວມກັນ ເມື່ອຕົ້ນເດືອນນີ້ມີຄວາມຄືບໜ້າຢ່າງຕໍ່ເນື່ອງ ໂດຍເຈົ້າໜ້າທີ່ສາມາດຢືດພື້ນທີ່ກັບຄືນໄດ້ແລ້ວປະມານ 30% ຫຼື 17 ເຂດຈາກ 40 ເຂດໃນພື້ນທີ່.
![](https://blogger.googleusercontent.com/img/b/R29vZ2xl/AVvXsEi0UjpfJoEUiVdGAacZlm5TgZt5c4CNcbOyJlswcyMFConiRF7UICMuoodwa_UgajJ6-mZqsB8v50KQfI-4CJ1sFQG5GnhIfsDtcfGsUSeHEqNh_Oa0SRVonqtvBae2_EyPoLOfnwlJs8c/s400/319.jpg)
ເຊິ່ງຄວາມຄືບໜ້າດັ່ງກ່າວຖືວ່າໄວກວ່າທີ່ມີການຄາດການເອົາໄວ້ຫຼາຍ ແລະ ໝາຍຄວາມວ່າການສູ້ຮົບຄັ້ງນີ້ອາດຢຸດຕິໄວກວ່າທີ່ຄິດໄວ້ ເນື່ອງຈາກກອງກຳລັງສະເພາະກິດທີ 9 ສາມາດຢຶດຄອງເສັ້ນທາງສາຍສຸດທ້າຍທີ່ເປັນເສັ້ນທາງເຂົ້າ ແລະ ອອກເມືອງໂມຊຸນໄດ້ສຳເລັດ ຫຼື ເວົ້າໄດ້ວ່າເປັນການປິດໂອກາດຂອງກຸ່ມກໍ່ການຮ້າຍໃນການຫຼົບໜີອອກຈາກເມືອງ.
![](https://blogger.googleusercontent.com/img/b/R29vZ2xl/AVvXsEj0ZvgNYhh9rpadTPb7cLnspZLGYkkcTXsOOejh7lvJcyNzgJILNmlk6aaOthznBY9AOxDDBlwN9elqeBYww-zr39SJ38eC-Rpz_rkgLtuWyR3eqm5xAAZ2wWNFNiGi3oFZvrsAtfvAH34/s400/320.jpg)
ເຖິງຢ່າງໃດກໍ່ຕາມກອງທັບອິຣັກຍອມຮັບວ່າສະມາຊິກກຸ່ມ ISIS ສ່ວນໃຫຍ່ຍັງຄົງຂັດຂືນຕໍ່ການປິດລ້ອມຂອງທະຫານ ເຫັນໄດ້ຈາກການກໍ່ເຫດລະເບີດຂ້າຕົວຕາຍ, ຍິງປືນໃຫຍ່, ລະເບີດລົດ ແລະ ຍັງຄົມປະຈຳການໄນເປີດັກໄວ້ຕາມອາຄານສູງຫຼາຍແຫ່ງ ແຕ່ຍັງບໍ່ມີການເປີເຜີຍຈຳນວນຜູ້ເສຍຊີວິດ ແລະ ໄດ້ຮັບບາດເຈັບຈາກປະຕິບັດການຄັ້ງນີ້ຢ່າງເປັນທາງການ ຂະນະທີ່ສະຫະປະຊາຊາດ ລາຍງານຈຳນວນປະຊາຊົນອົບພະຍົບອອກຈາກເມືອງໂມຊຸນຫຼາຍກວ່າ 65,000 ຄົນ ພາຍໃນໄລຍະເວລາ 2 ອາທິດຫຼ້າສຸດ ເພີ່ມສະຖິຕິຜູ້ອົບພະຍົບນັບຕັ້ງແຕ່ກອງທັບອິຣັກປະຕິບັດການກອບກູ້ເມືອງໂມຊຸນເມື່ອເດືອນຕຸລາ ປີທີ່ຜ່ານມາ ເປັນຫຼາຍກວ່າ 200,000 ຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ