ພາສີຫຸ່ນຍົນ ໄອເດຍສຸດຍອດຈາກ ບິວ ເກດ ເຈົ້າພໍ່ໄມໂຄຣຊັອບ ແກ້ໄຂບັນຫາ AI ຍາດແຍ່ງວຽກມະນຸດໃນອະນາຄົດ ອ່ານແລ້ວຕ້ອງເຄົາລົບແບບງາມໆ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgPAmuMpgaPpf42pezjkkpsxLl_SHWJ3ARW-rJi7v7yfq_TARvHrtwtGALl1YkQLdhg8xmw18xA75ftshii4w3RiUjUHfUXO7DQkAFqkydB66Wy2dVy_vf09rcs_VjcGYgW6csYj53cuSE/s1600/408.jpg)
ການເກີດຂຶ້ນຂອງປັນຍາປະດິດເຮັດໃຫ້ຫຼາຍຄົນເປັນຫ່ວງເຖິງສິ່ງທີ່ຈະເກີດຂຶ້ນໃນອະນາຄົດ ຈົນສະຕີເຟັນ ຮໍຄິງ ນັກຟີຊິກທິດສະດີທີ່ຫຼາຍຄົນໃຫ້ເປັນ "ໄອສະໄຕ" ແຫ່ງຍຸກປັດຈຸບັນຕ້ອງອອກມາເຕືອນ "ໃຫ້ຢຸດພັດທະນາປັນຍາປະດິດ ຖ້າບໍ່ຢາກໃຫ້ເຜົາພັນມະນຸດຕ້ອງຈົບລົງ" ກາຍຢຶດຄອງໂລກຂອງຫຸ່ນຍົນອາດເບິ່ງເໜືອຈິນຕະນາການເກີນໄປໜ່ອຍໜຶ່ງ ແຕ່ສິ່ງທີ່ມະນຸດຈະໄດ້ຮັບຜົນກະທົບແນ່ນອນ ຄົງເປັນເລື່ອງຂອງອາຊີບການງານ ເຊິ່ງນັກວິທະຍາສາດເຊື່ອວ່າຍຸກຂອງຫຸ່ນຍົນຈະເລີ່ມຕົ້ນໃນປີ 2030 ແລະ ຄົນກວ່າ 10 ລ້ານຄົນຈະໄດ້ຮັບຜົນກະທົບຈາກເຫດການດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEiqmfumRG6lJ_6LTsu9ymF4mcW9GbOUbwzhxOl1cwRhUnoCmDGQBMyqU8TCTszEqLs3KITDhaEp6cHJ9EbiX4EAnDptaxRqqi_W_zlgKLusE0hBHwGLIbz2Gyn3MuF63I69uZkkYDbESzI/s1600/409.jpg)
ບິວ ເກດ ເຈົ້າພໍ່ໄມໂຄຣຊັອບ ບໍລິສັດໄອທີຊັ້ນນຳອັນດັບໜຶ່ງຂອງໂລກ ສະແດງຄວາມຄິດເຫັນວ່າ ໃນອະນາຄົດຄວນມີການຮຽກເກັບພາສີຫຸ່ນຍົນທຸກຮູບແບບ ບໍ່ວ່າຈະເປັນການໃຊ້ງານພາຍໃນບໍລິສັດ ຫຼື ໃນຄອບຄົວ ເພາະຕ້ອງບໍ່ລືມວ່າຫຸ່ນຍົນສາມາດເຮັດວຽກໄດ້ຢ່າງຕໍ່ເນື່ອງໂດຍບໍ່ມີມື້ພັກມື້ຜ່ອນ ອະນາຄົດນາຍຈ້າງອາດບໍ່ເລືອກມະນຸດໃນການເຮັດວຽກເລີຍກໍ່ໄດ້ ການຮຽກເກັບພາສີໃນອັດຕາສູງຈະເຮັດໃຫ້ນາຍຈ້າງຫຼຸດຜ່ອນການໃຊ້ຫຸ່ນຍົນ ແລະ ຫັນມາໃຊ້ແຮງງານມະນຸດແທນ ເຊິ່ງຈະຊ່ວຍຫຼຸດບັນຫາການວ່າງງານທີ່ຈະເກີດຂຶ້ນໃນອະນາຄົດ ເຊິ່ງພາສີທີ່ເກັບໄດ້ອາດນຳໄປຊ່ວຍເຫຼືອອາຊີບທີ່ໄດ້ຮັບຜົນກະທົບຈາກການຖືກແທນທີ່ດ້ວຍຫຸ່ນຍົນ.
ເຊິ່ງການເກັບພາສີຫຸ່ນຍົນເປັນພຽງແນວຄິດທີ່ ບິວ ເກດ ໄດ້ໃຫ້ສຳພາດໄວ້ກັບວາລະສານສະບັບໜຶ່ງເທົ່ານັ້ນ ກວ່າເຮົາຈະໄດ້ເຫັນແນວຄິດນີ້ມາໃຊ້ຢ່າງຈິ່ງຈັງ ຄົງຕ້ອງໃຊ້ໄລຍະເວລາອີກຫຼາຍປີ ແລ້ວທ່ານເດຄິດເຫັນແນວໃດກັບການເກັບພາສີຫຸ່ນຍົນ?
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ