ນັກວິທະຍາສາດຢືນຢັນ "ມັນຝຣັ່ງ" ສາມາດປູກເທິງດາວອັງຄານໄດ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg-u9vEB1Ediz09K-ktbhmXtFomJ1w-lKOsKb32mQsbw_aL5dKvolcFuDVGudvbGXA26pU4JXVJI9eQr9x3TPoySYTO7ny3KXe2d8nXTbxzDGw9d2sXmgZQq9UH1B8gtVTw-raqbnbZIok/s1200/301.jpg)
![](https://blogger.googleusercontent.com/img/b/R29vZ2xl/AVvXsEg-u9vEB1Ediz09K-ktbhmXtFomJ1w-lKOsKb32mQsbw_aL5dKvolcFuDVGudvbGXA26pU4JXVJI9eQr9x3TPoySYTO7ny3KXe2d8nXTbxzDGw9d2sXmgZQq9UH1B8gtVTw-raqbnbZIok/s400/301.jpg)
ນັກວິໄຈສູນມັນຝຣັ່ງລະຫວ່າງປະເທດ ແລະ University of Engineering and Technology ປະເທດເປຣູ ຢືນຢັນວ່າມັນຝຣັ່ງສາມາດປູກໄດ້ຢູ່ດິນເທິງດາວອັງຄານ ຫາກໄດ້ຮັບສານອາຫານ ແລະ ນໍ້າພຽງພໍ.
ນັກວິໄຈທົດລອງປູກມັນຝຣັ່ງຫຼາຍພັນຢູ່ທະເລຊາຍ Pampas de La Joya ໃນເປຣູ ເຊິ່ງນັກວິທະຍາສາດເຊື່ອວ່າມີສະພາບຄ້າຍຄືກັບດິນເທິງດາວອັງຄານ ແລະ ໄດ້ປັບສະພາບແວດລ້ອມຕ່າງໆໃຫ້ຄ້າຍຄືກັບສະພາບແວດລ້ອມດາວອັງຄານຫຼາຍທີ່ສຸດ ລວມທັງອຸນຫະພູມ, ຄວາມກົດອາການ, ລະດັບອົກຊີແຊນ ແລະ ອາຍກາກໂບນິກ.
ໂດຍໄດ້ຮັບຄວາມຊ່ວຍເຫຼືອຈາກອົງການນາຊາຂອງສະຫະລັດ ອາເມຣິກາ ຜົນທີ່ໄດ້ໄດ້ໜ້າພໍໃຈ ໂດຍສະເພາະກັບມັນຝຣັ່ງພັນອຶດທີ່ມີຄວາມທົນທານສູງຕໍ່ສະພາບອານກາດທີ່ຮຸນແຮງໃນພື້ນຜິວໂລກ.
ນັ້ນໝາຍຄວາມວ່າໃນອະນາຄົດຫາກມະນຸດຂຶ້ນໄປຕັ້ງຖິ່ນຖານເທິງດາວອັງຄານຢ່າງຈິງຈັງ ອາຫານຍອດນິຍົມຢູ່ເທິງນັ້ນກໍ່ອາດໜີບໍ່ພົ້ນ ຈືດມັນຝຣັ່ງ ຫຼື French Fries ຄືກັບຄົນທີ່ຢູ່ໃນໂລກ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ