ISIS ປະກາດສົງຄາມລ້າງແຄ້ນກັບຈີນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiPPhJAl7kKFcshNU1t2vtZ5i164c8bmkaag4w0l43v-ORPKdat5Lg-jwRU_IpxegkOTJxxnxA0Q-wBKlY-_bAqaoPc47h_Ied2wlVYynTsqKZ6M_vENMl3c8Vh5esq5EyIwf2SUkWDdYI/s1200/226.jpg)
![](https://blogger.googleusercontent.com/img/b/R29vZ2xl/AVvXsEiPPhJAl7kKFcshNU1t2vtZ5i164c8bmkaag4w0l43v-ORPKdat5Lg-jwRU_IpxegkOTJxxnxA0Q-wBKlY-_bAqaoPc47h_Ied2wlVYynTsqKZ6M_vENMl3c8Vh5esq5EyIwf2SUkWDdYI/s400/226.jpg)
ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນໃນມື້ວັນນີ້ (3 ມິນາ 2017) ວ່າ ທາງການຈີນເກີດເປັນຫ່ວງກ່ຽວກັບກຸ່ມຊາວອຸຍກູ ເຊິ່ງສ່ວນໃຫຍ່ເປັນຊາວມຸດສະລິມຈາກເຂດປົກຄອງຕົນເອງຊິນຈຽງ ທາງພາກຕາເວັນຕົກສຽງເໜືອຂອງປະເທດ ເດີນທາງໄປຮ່ວມສູ້ຮົບກັບກຸ່ມ ISIS ໃນຊີຣີ ແລະ ອິຣັກ ໂດຍຄົນກຸ່ມນີ້ລັກລອບເດີນທາງໂດຍຜິດກົດໝາຍ ຜ່ານປະເທດໃນອາຊີຕາເວັນອອກສຽງໃຕ້ ແລະ ຕວັກກີ.
ກ່ອນໜ້ານີ້ກຸ່ມ ISIS ອອກປະກາດສະແດງຄວາມຮັບຜິດຊອບການສັງຫານຕົວປະກັນຊາຍຊາວຈີນ 1 ລາຍ ໃນຊີຣີເມື່ອເດືອນພະຈິກ 2015.
ກຸ່ມ ISIS ໃນອິຣັກເຜີຍແຜ່ຄລິບວິດີໂອ ທີ່ມີຄວາມຍາວ 30 ນາທີ ສະແດງໃຫ້ເຫັນການເຝິກຝົນອາວຸດ ແລະ ຍຸດທະວິທີຂອງກຸ່ມນັກຮົບອຸຍກູໃນອິຣັກ ລວມທັງພາບບາງສ່ວນໃນຊິນຈຽງ ລວມເຖິງພາບຕຳຫຼວດຈີນຕາມທ້ອງຖິ່ນ, ນັກຮົບຄົນໜຶ່ງໃນວິດີໂອກ່າວວ່າ "ພີ່ນ້ອງທັງຫຼາຍ ມື້ນີ້ພວກເຮົາກຳລັງຕໍ່ສູ້ກັບກຸ່ມຄົນນອກສາສະໜາທົ່ວໂລກ ແລະ ເຮົາຈະປັກທຸງ ISIS ໃນອາເມຣິກາ, ຈີນ, ລັດເຊຍ ແລະ ທຸກດິນແດນຂອງພວກນອກສາສະໜາທົ່ວໂລກ" ສ່ວນັກຮົບອີກຄົນໜຶ່ງກ່າວວ່າ "ເພື່ອແກ້ແຄ້ນໃຫ້ກັບນໍ້າຕາທີ່ໄຫຼອອກຈາກຕາຂອງຜູ້ຖືກກົດຂີ່ໃນຊິນຈຽງພວກເຮົາຈະເຮັດໃຫ້ເລືອຂອງພວກມັນໄຫຼນອງເປັນສາຍນໍ້າ".
ໜັງສືພິມໄຊນາ ເດລີ ຂອງທາງການຈີນຂຽນບົດບັນນາທິການສະບັບວັນສຸກວ່າ: ວິດີໂອດັ່ງກ່າວຊ່ວຍເນັ້ນຢໍ້າຂໍ້ກ່າວອ້າງຂອງລັດຖະບານຈີນ ກ່ຽວກັບຄວາມເຊື່ອມໂຍງລະຫວ່າງກຸ່ມກໍ່ການຮ້າຍໃນຊິນຈຽງກັບກຸ່ມທີ່ຢູ່ຕ່າງແດນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ