ທາງການໄທທວງ ເຈົ້າໜ້າທີ່ລາວເຖິງການສົ່ງຕົວທ້າວ ໂກຕີ໋
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhKOl3r_CP8rIP23zfxEtEgjAJi7ET7DVmJNGhK1wprR7Jh5JGZIY8Xo4XrX7wUrJ3VsgubpTZWiXyZ15scdTX6V7XGCRVj896heE0n55OFMCQfAUztP3VDcd9vcsR7J5n-7PB5qbUIwMI/s1600/505.jpg)
ທາງການໄທໄດ້ສົ່ງໜັງສືເຖິງຫົວໜ້າກົມໃຫຍ່ສັນຕິບານຂອງ ສປປ.ລາວ ເພື່ອສອບຖາມຄວາມຄືບໜ້າໃນການຕິດຕາມຕົວທ້າວ ວຸດທິພົງ ກົດທຳມະຄຸນ ຫຼື ໂກຕີ໋ ຜູ້ຕ້ອງຫາຕາມໝາຍຈັບຄະດີອາຍາ ຕາມກົດໝາຍແຫ່ງລາຊະອານາຈັກໄທ ມາດຕາ 112 ທີ່ດູໝິ່ນສະຖາບັນພະມະຫາກະສັດຂອງໄທ ເພາະທາງການໄທຍັງເຊື່ອໝັ້ນວ່າໂກຕີ໋ຍັງເຄື່ອນໄຫວຢູ່ໃນລາວ ຈຶ່ງຕ້ອງການໃຫ້ທາງການລາວຈັບຕົວສົ່ງໃຫ້ທາງການໄທ.
ເຊິ່ງທ້າວ ວຸດທິພົງ ກົດທຳມະຄຸນ ເປັນໜຶ່ງໃນຊາວໄທທີ່ຂໍລີ້ໄພທາງການເມືອງໃນດິນແດນລາວ ໂດຍອີງຕາມລັດຖະທຳມະນູນແຫ່ງ ສປປ.ລາວ ສະບັບປັບປຸງປີ 2015 ມາດຕາ 51 ສາທາລະນະລັດ ປະຊາທິປະໄຕ ປະຊາຊົນລາວ ແມ່ນອະນຸຍາດໃຫ້ການລີ້ໄພແກ່ຄົນຕ່າງປະເທດ ທີ່ຖືກປາບປາມຍ້ອນໄດ້ທຳການຕໍ່ສູ້ເພື່ອອິດສະຫຼະພາບ, ຄວາມເປັນທຳ, ສັນຕິພາບ ແລະ ພາລະກິດວິທະຍາສາດ ສ່ວນການກະທຳຂອງທ້າວ ວຸດທິພົງ ກົດທຳມະຄຸນ ຈະໄດ້ຮັບການປົກປ້ອງໂດຍລັດຖະທຳມະນູນແຫ່ງ ສປປ.ລາວ ຫຼື ບໍ່? ແມ່ນຕ້ອງຕິດຕາມກັນຕໍ່ໄປ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ