ປະຊາຊົນສີລັງກາເຄິ່ງລ້ານຄົນໄດ້ຮັບຜົນກະທົບຈາກໄພນ້ຳຖ້ວມ ແລະ ຕາຍເປັນຈຳນວນຫຼາຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhEFBl-VCbAJHnHZxMysMNZvTxeuk5uLWCC8ptc3JefUM7wvejjKegdXMZi62XMKrHH9l3ZkZW3Azccs-njlExHRmsvBK0WzXzgofJPGctvbUY_ZQQw60wAkflXp9Yxnf3Uv4RpFlhFnB8/s1600/76.jpg)
ສຳນັກຂ່າວຕ່າງປະເທດລາຍງານ 28 ພຶດສະພາ 2017 ວ່າ: ຄຸນບໍລິຫານຈັດການໄພພິບັດແຫ່ງຊາດຂອງສີລັງກາ (DMC) ລາຍງານຈຳນວນຜູ້ເສຍຊີວິດຈາກເຫດນ້ຳຖ້ວມຄັ້ງໃຫຍ່ທີ່ເປັນຜົນຈາກພາຍຸຝົນທີ່ຕົກຕໍ່ເນື່ອງໝົດທິດທີ່ຜ່ານມາ ວ່າມີຜູ້ເສຍຊີວິດຢ່າງໜ້ອຍ 126 ຄົນ ແລະ ທິດທາງຈະເພີ່ມຂຶ້ນອີກ ເນື່ອງຈາກຍັງຄົງມີຜູ້ສູນຫາຍອີກ 97 ຄົນ ໂດຍໜຶ່ງໃນເຂດທີ່ໄດ້ຮັບຜົນກະທົບຫຼາຍທີ່ສຸດຄືເຂດກາລູຕາຣາ ເຊິ່ງມີລາຍງານການເກີດດິນເຈື່ອນແລ້ວຢ່າງໜ້ອຍ 3 ຄັ້ງ.
![](https://blogger.googleusercontent.com/img/b/R29vZ2xl/AVvXsEjziZQ1509iEFe13rqdkVJPlU5JOCZkgFSImfmQ0ZIHIpjo-7hBttArQC9xS0C3gSW4wXUP4dJmaXdMH4ub6bAXvCzErxEtzxuGLh7VPAnWAa8L1t1drMC8m86DF_l9KRFmS-2B4ZKrdf0/s1600/75.jpg)
ຂະນະທີ່ກະຊວງການຕ່າງປະເທດສີສັງກາຢືນຄຳຮ້ອງສຸກເສີນເຖິງສະຫະປະຊາຊາດ (UN) ເພື່ອຂໍຮັບຄວາມຊ່ວຍເຫຼືອດ້ານມະນຸດຢ່າງເລັ່ງດ່ວນແລ້ວ ໂດຍມີລາຍງານວ່າອິນເດຍເຊິ່ງເປັນໜຶ່ງໃນປະເທດເພື່ອນບ້ານຂອງສີລັງກາ ແລະ ເປັນປະເທດທີ່ມີເສດຖະກິດຂະໜາດໃຫຍ່ທີ່ສຸດໃນອາຊີໃຕ້ເລີ່ມສົ່ງມອບຄວາມຊ່ວຍເຫຼືອຜ່ານທາງເຮືອ ໄດ້ມອບທັງອາຫານ ແລະ ຢາ ລວມທັງເຮືອ ພ້ອມເຈົ້າໜ້າທີ່ອີກຈຳນວນໜຶ່ງເດີນທາງໄປຍັງສີລັງກາແບບເລັ່ງດ່ວນ ເພື່ອຊ່ວຍເຫຼືອປະຊາຊົນໃນເຂດນ້ຳຖ້ວມປະມານ 500,000 ຄົນທີ່ກຳລັງລໍຖ້າຄວາມຊ່ວຍເຫຼືອ.
ໄພນ້ຳຖ້ວມຄັ້ງນີ້ໃນສີລັງກາຖືວ່າມີຄວາມຮຸນແຮງທີ່ສຸດ ນັບຕັ້ງແຕ່ນ້ຳຖ້ວມຄັ້ງໃໝ່ເມື່ອເດືອນ ກຸມພາ 2003 ທີ່ສະຖານະການໃນຕອນນັ້ນສົ່ງຜົນໃຫ້ມີຜູ້ເສຍຊີວິດຫຼາຍເຖິງ 250 ຄົນ ອາຄານບ້ານເຮືອນປະຊາຊົນປະມານ 10,000 ແຫ່ງໄດ້ຮັບຄວາມເສຍຫາຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ