ຈີນເຊີນເກົາຫຼີເໜືອ ຮ່ວມເວທີປຶກສາຫາລື "ໜຶ່ງແລວທາງ ໜຶ່ງເສັ້ນທາງ" ບໍ່ສົນຄຳຄ້ານສະຫະລັດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEihTszIg7OaoJTkKyE-ieNn1QcnstFziESLBL-vR7lB1Oe_wxlxihLeR8XoUfVIXFh0lZHN_9BXPXTHJUhM2kZIb9F4vgJL2WvgH7DhwF1yryfUkDPRSTytRW4UceRP1oLB3hzyfT5_BUg/s1600/779.jpg)
ສຳນັກຂ່າວ Reuters ລາຍງານເມື່ອວັນທີ 13 ພຶດສະພາ 2017 ຜ່ານມາວ່າ: ສະຖານທູດສະຫະລັດອາເມຣິກາ ປະຈຳນະຄອນຫຼວງປັກກິ່ງ ປະເທດຈີນ ໄດ້ຍື່ນສານທາງການທູດເຖິງກະຊວງການຕ່າງປະເທດຂອງຈີນ ໂດຍລະບຸວ່າ: ການເຊີນເກົາຫຼີເໜືອເຂົ້າຮ່ວມເວທີປຶກສາຫາລືລະດັບສູງວ່າດ້ວຍການຮ່ວມມືສາກົນ "ໜຶ່ງແລວທາງ ໜຶ່ງເສັ້ນທາງ" ນັ້ນເທົ່າກັບເປັນການສື່ສານໃນທາງທີ່ຜິດ ຂະນະທີ່ປະຊາຄົມໂລກກຳລັງກົດດັນເກົາຫຼີເໜືອ ໃນເລື່ອງໂຄງການອາວຸດນິວເຄຼຍ ແລະ ຂີປະນາວຸດຂອງເກົາຫຼີເໜືອ.
ເມື່ອຜູ້ສື່ຂ່າວສອບຖາມໄປທາງກະຊວງການຕ່າງປະເທດຂອງຈີນເລື່ອງສານທາງການທູດດັ່ງກ່າວ ກະຊວງການຕ່າງປະເທດຂອງຈີນມີຖະແຫຼງການສັ້ນວ່າ: ໂຄງການ "ໜຶ່ງແລວທາງ ໜຶ່ງເສັ້ນທາງ" ນັ້ນເປັນໂຄງການເປີດກວ້າງ ແລະ ຄວບຄຸບຫຼາຍປະເທດຫຼາຍທະວີບ ລັດຖະບານຈີນຂໍຕ້ອນຮັບຕົວແທນຈາກທຸກປະເທດທີ່ເຂົ້າຮ່ວມປະຊຸມ ເພື່ອການຮ່ວມມືລະຫວ່າງກັນ.
ເຖິງວ່າຈີນຈະບໍ່ພໍໃຈທີ່ເກົາຫຼີເໜືອຍັງມີການທົດສອບອາວຸດ, ພັດທະນານິວເຄຼຍຕໍ່ໄປ ແລະ ໄດ້ຮ່ວມລົງນາມໃນມາດຕະການຂວ້ຳບາດຂອງສະຫະປະຊາຊາດຢ່າງເຂັ້ມງວດຕໍ່ເກົາຫຼີເໜືອກໍ່ຕາມ ແຕ່ຈີນກໍ່ຖືວ່າເປັນປະເທດຜູ້ສະໜັບສະໜູນລາຍໃຫຍ່ທາງດ້ານເສດຖະກິດ ແລະ ການທູດພຽງປະເທດດຽວຂອງເກົາຫຼີເໜືອ.
ໃນຖະແຫຼງຂອງກະຊວງການຕ່າງປະເທດຂອງຈີນບໍ່ໄດ້ເປີດເຜີຍວ່າ ຕົວແທນຂອງເກົາຫຼີເໜືອ ແມ່ນໃຜ, ເຊິ່ງໃນເວທີການປຶກສາຫາລືຄັ້ງນີ້ຈະມີຜູ້ແທນຈາກ 29 ປະເທດເຂົ້າຮ່ວມ ທີ່ນະຄອນຫຼວງປັກກິ່ງລະຫວ່າງວັນທີ 14-15 ພຶດສະພາ 2017 ນີ້ ໂດຍເປັນໂຄງການເພື່ອສົ່ງເສີມວິໄສທັດຂອງທ່ານ ສີ ຈິນຜິງ ປະທານປະເທດຈີນ ໃນການຂະຫຍາຍເສັ້ນທາງເຊື່ອມຕໍ່ລະຫວ່າງທະວີບອາຊີ, ອາຟຣິກາ ແລະ ເອີຣົບ ໂດຍເນັ້ນການລົງທຶນດ້ານພື້ນຖານໂຄງລ່າງ ມູນຄ່າຫຼາຍພັນລ້ານໂດລາສະຫະລັດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ