ແບບໃດຈຶ່ງເອີ້ນວ່າ ທຸລະກິດຂະໜາດນ້ອຍ ຫຼື ທຸລະກິດຂະໜາດກາງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEixYcB-hufqxNvZDLhWhUtdyCA1X5xsnTncmhXIj5s-nloDxEqrMmCb28-f3MMgHr90b7S8TOkLOzsPn4KEoex6dfgP__k1qv61702QQz1jPuvcvjEZ7eIsiVz6hP_QaeXlbY5ZNmgt2ZU/s1600/16218771065_0b440da775_k.jpg)
ໂດຍອີງຕາມດຳລັດວ່າດ້ວຍການຈັດແບ່ງຂະໜາດວິສາຫະກິດຂະໜາດ ແລະ ກາງ ເລກທີ 25/ລບ ລົງວັນທີ 16 ມັງກອນ 2017 ການຈັດແບ່ງຂະໜາດວິສາຫະກິດຂະໜາດນ້ອຍ ແລະ ກາງແມ່ນອີງໃສ່ຈຳນວນແຮງງານສະເລ່ຍໃນປີ ຫຼື ມູນຄ່າຊັບສິນທັງໝົດ ຫຼື ລວມຍອດລາຍຮັບທຸລະກິດປະຈຳປີຂອງວິສາຫະກິດທີ່ໄດ້ຂຶ້ນທະບຽນ ແລະ ເຄື່ອນໄຫວຖືກຕ້ອງຕາມກົດໝາຍ ໂດຍອີງຕາມຂະແໜງວິສາຫະກິດທີ່ດຳເນີນການຜະລິດສິນຄ້າ, ການຄ້າ ແລະ ການບໍລິການ.
• ຂະໜາດວິສາຫະກິດຂະໜາດນ້ອຍ ແລະ ກາງ ໄດ້ມີການຈັດແບ່ງເປັນ 3 ຂະໜາດັ່ງນີ້:
- ຈຸນລະວິສາຫະກິດ
- ວິສາຫະກິດຂະໜາດນ້ອຍ
- ວິສາຫະກິດຂະໜາດກາງ
1. ຈຸນລະວິສາຫະກິດ ແມ່ນວິສາຫະກິດຂະໜາດນ້ອຍສຸດ ທີ່ມີເງື່ອນໄຂໃດໜຶ່ງດັ່ງນີ້:
- ຂະແໜງການຜະລິດສິນຄ້າ: ແຮງງານສະເລ່ຍໃນປີ : 1-5 ຄົນ, ມູນຄ່າຊັບສິນທັງໝົດ: ບໍ່ເກີນ 100,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 400,000,000 ກີບ
- ຂະແໜງການຄ້າ: ແຮງງານສະເລ່ຍໃນປີ : 1-5 ຄົນ, ມູນຄ່າຊັບສິນທັງໝົດ: ບໍ່ເກີນ 150,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 400,000,000 ກີບ
- ຂະແໜງການບໍລິການ: ແຮງງານສະເລ່ຍໃນປີ : 1-5 ຄົນ, ມູນຄ່າຊັບສິນທັງໝົດ: ບໍ່ເກີນ 200,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 400,000,000 ກີບ
2. ວິສາຫະກິດຂະໜາດນ້ອຍ ແມ່ນວິສາຫະກິດທີ່ມີເງື່ອນໄຂໃດໜຶ່ງດັ່ງນີ້:
- ຂະແໜງການຜະລິດສິນຄ້າ: ແຮງງານສະເລ່ຍໃນປີ : 6-50 ຄົນ, ມູນຄ່າຊັບສິນທັງໝົດ: ບໍ່ເກີນ 1,000,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 2,000,000,000 ກີບ
- ຂະແໜງການຄ້າ: ແຮງງານສະເລ່ຍໃນປີ : 6-50 ຄົນ, ມູນຄ່າຊັບສິນທັງໝົດ: ບໍ່ເກີນ 1,000,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 3,000,000,000 ກີບ
- ຂະແໜງການບໍລິການ: ແຮງງານສະເລ່ຍໃນປີ : 6-50 ຄົນ, ມູນຄ່າຊັບສິນທັງໝົດ: ບໍ່ເກີນ 1,500,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 1,500,000,000 ກີບ
3. ວິສາຫະກິດຂະໜາດກາງ ແມ່ນວິສາຫະກິດທີ່ມີເງື່ອນໄຂດັ່ງນີ້:
- ຂະແໜງການຜະລິດສິນຄ້າ: ແຮງງານສະເລ່ຍໃນປີ : 51-99 ຄົນ, ມູນຄ່າຊັບສິນທັງໝົດ: ບໍ່ເກີນ 4,000,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 4,000,000,000 ກີບ
- ຂະແໜງການຄ້າ: ແຮງງານສະເລ່ຍໃນປີ : 51-99 ຄົນ, ມູນຄ່າຊັບສິນທັງໝົດ: ບໍ່ເກີນ 4,000,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 6,000,000,000 ກີບ
- ຂະແໜງການບໍລິການ: ແຮງງານສະເລ່ຍໃນປີ : 51-99 ຄົນ, ມູນຄ່າຊັບສິນທັງໝົດ: ບໍ່ເກີນ 6,000,000,000 ກີບ, ຍອດລາຍຮັບທຸລະກິດປະຈຳປີ: ບໍ່ເກີນ 4,000,000,000 ກີບ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ