ລັດຖະບານດຳເນີນກອງປະຊຸມ ສະໄໝສາມັນປະຈຳເດືອນ ມິຖຸນາ 2017
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEihQR55PeehA8vHpqIRDS1BJu50smpi3dNMPg2CB4vj5W9Lo8X3btYjZuRN5f9TyKbecplsxbZ9w4-tNErM_0hrkpGhDEFmEjdW5pbW2GMsm-ws_hXm2m3BJbPASL5lsXjUx__TDPsIhdM/s1600/419.jpg)
ໂດຍປະຕິບັດຕາມ ແຜນການເຄື່ອນໄຫວວຽກງານຂອງລັດຖະບານ, ໃນຕອນເຊົ້າຂອງວັນທີ 22 ມິຖຸນາ ທີ່ສໍານັກງານນາຍົກລັດຖະມົນຕີ, ກອງປະຊຸມລັດຖະບານ ສະໄໝສາມັນ ປະຈໍາເດືອນມິຖຸນາ 2017 ໄດ້ໄຂຂຶ້ນຢ່າງເປັນທາງການ. ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະບານ ພ້ອມດ້ວຍ ແຂກຖືກເຊີນເຂົ້າຮ່ວມ.
ສໍາລັບບັນດາເອກະສານສໍາຄັນ ທີ່ນໍາມາຄົ້ນຄວ້າ ແລະ ປຶກສາຫາລື ໃນກອງປະຊຸມ ໃນຄັ້ງນີ້ ມີ:
1). ບົດລາຍງານກ່ຽວກັບ ການຈັດຕັ້ງປະຕິບັດແຜນຈັດເກັບລາຍຮັບ-ລາຍຈ່າຍ ປະຈໍາງວດ 02 ຂອງປີ 2017; ຜົນການລົງກວດກາ ການນໍາເຂົ້າພາຫະນະທີ່ບໍ່ຖືກຕ້ອງ ແລະ ການປັບປຸງບັນດາ ລັດວິສາຫະກິດ;
2). ບົດລາຍງານ ກ່ຽວກັບການກະກຽມໃຫ້ແກ່ການຊຸກຍູ້ ສົ່ງເສີມການຜະລິດລະດູຝົນ ແລະ ມາດຕະການຄຸ້ມຄອງ ການລັກລອບນໍາເຂົ້າຊິ້ນໝູຈາກຕ່າງປະເທດ;
3). ບົດລາຍງານກ່ຽວກັບການແກ້ໄຂບັນຫາໄມ້ (ການປະມູນ, ການຄຸ້ມຄອງ, ການສົ່ງອອກ, ການດັດສົມໂຮງງານ ແລະ ອື່ນໆ);
4). ຮ່າງມະຕິຂອງຄະນະບໍລິຫານງານສູນກາງພັກ ວ່າດ້ວຍການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່;
5). ແຜນການສ້າງ ແລະ ປັບປຸງກົດໝາຍ ທີ່ຈະນໍາເຂົ້າພິຈາລະນາໃນກອງປະຊຸມສະໄໝສາມັນ ເທື່ອທີ່ 4 ຂອງສະພາແຫ່ງຊາດ ຊຸດທີ VIII;
6). ຮ່າງກົດໝາຍ ວ່າດ້ວຍຜັງເມືອງສະບັບປັບປຸງ;
7). ຮ່າງກົດໝາຍ ວ່າດ້ວຍການກັນ ແລະ ຄວບຄຸມພະຍາດຕິດຕໍ່;
8). ຮ່າງກົດໝາຍ ວ່າດ້ວຍອຸຕຸນິຍົມ ແລະ ອຸທົກກະສາດ;
ກອງປະຊຸມລັດຖະບານຄັ້ງນີ້້ ຈະໄດ້ດໍາເນີນເປັນເວລາ 2 ວັນ, ແຕ່ວັນທີ 22-23 ມິຖຸນາ 2017.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ