ເຢຍລະມັນຜ່ານຮ່າງກົດໝາຍ ອະນຸຍາດໃຫ້ຄູ່ຮັກເພດດຽວກັນ ແຕ່ງດອງກັນໄດ້ຕາມກົດໝາຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjXEsLO1ee1Wlv_tmNV45QDPcfjt_muu_A7w78z21zmoU4ZGUiFMO2G1G7M0upOUhO-hPz4DAlypTLBiTapWPTaPtusS1ldUuLnZHtOo05QvY2U7iOAV1tcqVsOfc9Vx3uNa1ImPk7gxFc/s1600/486.jpg)
ສຳນັກຂ່າວຕ່າງປະເທດລາຍງານ 30 ມິຖຸນາ 2017 ວ່າ: ສະພາຜູ້ແທນເຢຍລະມັນມີມະຕິສຽງສ່ວນໃຫຍ່ໃນການປະຊຸມໃນມື້ນີ້ 393 ຕໍ່ 226 ສຽງ ແລະ ງົດອອກສຽງ 4 ສຽງ ຮັບຮອງຮ່າງກົດໝາຍການແຕ່ງດອງຂອງຄູ່ຮັກເພດດຽວກັນ ທີ່ນອກຈາກຈະຊ່ວຍໃຫ້ຄູ່ຮັກເພດດຽວກັນໄດ້ຮັບສິດທິພົນລະເມືອງທີ່ສາມາດມີສະຖານະຄູ່ສົມລົດທຽບເທົ່າກັບຄູ່ຮັກຍິງ-ຊາຍແລ້ວ ຮ່າງກົດໝາຍຍັງຈະອະນຸຍາດໃຫ້ຄູ່ຮັກເພດດຽວກັນສາມາດຮັບລ້ຽງເດັກເປັນລູກໄດ້ອີກດ້ວຍ ເຊິ່ງຈະມີຜົນບັງຄັບໃຊ້ພາຍໃນປີນີ້.
![](https://blogger.googleusercontent.com/img/b/R29vZ2xl/AVvXsEhGBQkthio_nMzDDJHkpbaKXXC8ptO7zqE5vihM55ODrG49BlIE48ZC_ysXhK71A_fsL8oVhPQOfiz_rXJLOQiGY8XLlD2HbKl9c0wF9WgcRzajF4dnFXSM75yV-fuE3o4OKYqzEDOMXmo/s1600/487.jpg)
ເຖິງຢ່າງໃດກໍ່ຕາມ ເປັນທີ່ສັງເກດວ່າໜຶ່ງໃນຈຳນວນຜູ້ທີ່ອອກສຽງຄັດຄ້ານຄື ທ່ານນາງ ອັງເກລາ ແມເຄີ ນາຍົກລັດຖະມົນຕີຂອງເຢຍລະມັນ ເຊິ່ງທ່ານໄດ້ກ່າວເມື່ອສິ້ນສຸດການປະຊຸມວ່າ ໂດຍສ່ວນຕົວຂໍຕີຄວາມໝາຍການແຕ່ງດອງຂອງຄົນເຢຍລະມັນວ່າ ເປັນການໃຊ້ຊີວິດຮ່ວມກັນລະຫວ່າງຜົວ ກັບ ເມຍ ທີ່ເປັນ ຜູ້ຊາຍ ກັບ ຜູ້ຍິງ ແຕ່ເຫັນດີກັບການທີ່ຈະອະນຸຍາດໃຫ້ຄູ່ຮັກເພດດຽວກັນຮັບເດັກມາລ້ຽງໄດ້ ແລະ ກ່າວເຖິງຈຸດຢືນຂອງຕົວເອງໃນອະດີດທີ່ມີຕໍ່ເລື່ອງດັ່ງກ່າວວ່າ ບໍ່ເພິ່ງພໍໃຈ.
![](https://blogger.googleusercontent.com/img/b/R29vZ2xl/AVvXsEgxdezUJ-voI91cTb3sPXAmhO6m0onEWN1oyhHHPQtfXS4_fQ8aVJxFKmnYnJ1y-GdlTlGR_MDDC1EzeUSuIJQynmubKTVXHBY1V4sCWXs0s9ohwVj58c7thvZsj9j5omtRzDqoCGpyVXU/s1600/488.jpg)
ປັດຈຸບັນປະເທດໃນເອີຣົບທີ່ອະນຸຍາດໃຫ້ການແຕ່ງດອງລະຫວ່າງບຸກຄົນເພດດຽວກັນມີຜົນຜູກພັນທາງກົດໝາຍໄດ້ແກ່: ນອກແວ, ຊູແອດ, ດານມາກ, ແຟງລັງ, ອຽກລັງ, ໂຮນລັງ, ແບນຊິກ, ແອັດສະປາຍ, ປອກຕຸຍການ, ລຸກຊຳບວກ, ຝຣັ່ງ ແລະ ອັງກິດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ