ຈັບພໍ່ ຈັບແມ່ ຫົວໜ້າກຸ່ມຫົວຮຸນແຮງເມົາເຕ ທີ່ຢຶດເມືອງມາຣາວີ ປະເທດຟິລິບປິນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhIE3cGLOTuxucVLIPaO4lgnQ1SgjtstLiPbOr81Mc44kFhYVfkMxrlP1gQwqkOw-zHXzRLwDBsZgNZA8_StHXz-bNa092D4cIvpjyuWqp4G6QX-gsrZIjF_ooXLlGupMtHWI6AxPTzznI/s1600/361.jpg)
ສຳນັກຂ່າວຕ່າງປະເທດລາຍງານ 11 ມິຖຸນາ 2017 ວ່າ: ພົນໂທ ໂຈ-ອາ ເຮີເຣຣາ ໂຄສົກກອງທັບຟິລິບປິນຖະແຫຼງວ່າ ເຈົ້າໜ້າທີ່ຝ່າຍຄວາມໝັ້ນຄົງໃຊ້ວິທີບຸກຄົນຕາມບ້ານເຮືອນປະຊາຊົນເທື່ອລະຫຼັງ ໃນເມືອງມາຣາວີ ເພື່ອຄົ້ນຫາສະມາຊິກກຸ່ມຕິດອາວຸດເມົາເຕ ເຊິ່ງເປັນແນວຮ່ວມຂອງກຸ່ມ IS ແລະ ຍັງຄົງຫຼົບລີ້ຢູ່ໃນເຂດດັ່ງກ່າວ ພາຍຫຼັງທີ່ຂໍ້ຕົກລົງຢຸດຍິງຊົ່ວຄາວເພື່ອມະນຸດສະທຳບໍ່ໄດ້ຜົນ ແລະ ການສູ່ຮົບໄດ້ຮຸນແຮງຂຶ້ນອີກຄັ້ງເມື່ອວັສຸກທີ່ຜ່ານມາ ໂດຍກຸ່ມຄົນຮ້າຍໄດ້ເລືອກເອົາມັດສະຢິດເປັນສະຖານທີ່ຫຼົບລີ້ ແລະ ໃຊ້ປະຊາຊົນເປັນກຳແພງມະນຸດ ສ້າງຄວາມຍາກລຳບາກໃຫ້ແກ່ປະຕິບັດການຂອງເຈົ້າໜ້າທີ່.
![](https://blogger.googleusercontent.com/img/b/R29vZ2xl/AVvXsEjJz9VbPKh6IuT9MZ7Se8aTiyUYSkOWwbGLFWunrGJtUZBXuUOeVqBVC_jMi7Hf56-pL1JJU5Ax5ys3vBn-9f3JVkI-b3lB1LnlvbWkCbLn0UOWC_FDtS1O19Adcve7Vphz2YLS9q2S48M/s1600/360.jpg)
ຂະນະທີ່ຈຳນວນຜູ້ເສຍຊີວິດຈາກການສູ່ຮົບທີ່ເລີ່ມແຕ່ວັນທີ 23 ພຶດສະພາ 2017 ທີ່ຜ່ານມາ ຫຼາຍກວ່າ 200 ຄົນແລ້ວ ແບ່ງເປັນກຸ່ມຄົນຮ້າຍຢ່າງໜ້ອຍ 138 ຄົນ, ທະຫານ ແລະ ຕຳຫຼວດລວມກັນຢ່າງໜ້ອຍ 58 ຄົນ ແລະ ປະຊາຊົນຢ່າງໜ້ອຍ 21 ຄົນ.
![](https://blogger.googleusercontent.com/img/b/R29vZ2xl/AVvXsEjWfaqdBrF7ax52rUAV0JgtdtgokHs7bBY4phj5gY2fzpZyem73WhLqKA6K5cZU_4NIGuhwb9_Q3szX4Oexa2DBmYE2AAki9QtmOqxsy3Czc0_dDJwXXRIwO6w4ViVdUYUPOHlwv_H_-wQ/s1600/362.jpg)
ນອກຈາກນີ້ກອງທັບຟິລິບປິນເຊື່ອວ່າ "ມີຄວາມເປັນໄປໄດ້ສູງຫຼາຍ" ທີ່ທ້າວ ໂອມານ ເມົາເຕ ແລະ ທ້າວ ມາດີ ເມົາເຕ ໜຶ່ງໃນກຸ່ມອ້າຍນ້ອງຫົວຮຸນແຮງເມົາເຕ ເສຍຊີວິດແລ້ວລະຫວ່າງການຕໍ່ສູ່ກັບເຈົ້າໜ້າທີ່ ແຕ່ຍັງເຫຼືອອີກຄົນໜຶ່ງຄືທ້າວ ອັບດຸນເລາະ ເມົາເຕ ເຊິ່ງເປັນຜູ້ບັນຊາການ, ເຖິງຢ່າງໃດກໍ່ຕາມໜ່ວຍຂ່າວກອງກຳລັງກວດສອບລາຍງານດັ່ງກ່າວຢ່າງລະອຽດ ເຊິ່ງມີການເຜີຍແຜ່ອອກມາພາຍຫຼັງການຈັບກຸມນາງ ໂອເມນຕາ ໂຣມາໂຕ ເມົາເຕ ແມ່ຂອງທ້າວ ໂອມານ ແລະ ທ້າວ ອັບດຸນເລາະ ໂດຍເຈົ້າໜ້າທີ່ຢຶດຂອງກາງຈາກນາງ ໂອເມນຕາ ທີ່ມີທັງອາວຸດປືນ, ລູກປືນ ແລະ ລະເບີດ ພ້ອມຈັບກຸ່ມຜູ້ຕ້ອງສົງໄສທີ່ເປັນເພດຍິງອີກຈຳນວນໜຶ່ງອີກດ້ວຍ ແລະ ເຈົ້າໜ້າທີ່ສາມາດຈັບກຸ່ມທ້າວ ຄາຢາໂມຣາ ເມົາເຕ ພໍ່ຂອງບັນດາອ້າຍນ້ອງເມົາເຕ ໄດ້ທີ່ເມືອງດາເວົາ ເມື່ອວັນອັງຄານທີ່ຜ່ານມາ ແລະ ປັດຈຸບັນທ້າວ ຄາຢາໂມຣາ ຖືກຄວບຄຸມຕົວຢູ່ໃນຄ້າຍທະຫານແລ້ວ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ